ខេត្តកណ្តាល ៖ បើតាមសេចក្តីរាយការណ៍បឋមបានឱ្យដឹងថា ឪពុកចាប់រំលោភកូនចុងខ្លួនឯងជាច្រើនលើក ទើបបែកធ្លាយដល់ម្តាយ រួចដាក់ពាក្យបណ្តឹងត្រូវបាននគរបាលស្រុកមុខកំពូលចាប់វាយខ្នោះ ។ ហេតុការណ៍នេះកើតឡើងនៅថ្ងៃទី០៨ ខែសីហា ឆ្នាំ២០១៩…
ខេត្តកណ្តាល ៖ បើតាមសេចក្តីរាយការណ៍បឋមបានឱ្យដឹងថា ឪពុកចាប់រំលោភកូនចុងខ្លួនឯងជាច្រើនលើក ទើបបែកធ្លាយដល់ម្តាយ រួចដាក់ពាក្យបណ្តឹងត្រូវបាននគរបាលស្រុកមុខកំពូលចាប់វាយខ្នោះ ។ ហេតុការណ៍នេះកើតឡើងនៅថ្ងៃទី០៨ ខែសីហា ឆ្នាំ២០១៩ ម៉ោង២និង៣០នាទី ចំណុចលើផ្ទះជនសង្ស័យក្នុងឡឥដ្ឋ ស្ថិតក្នុងភូមិឈើទាល ឃុំព្រែកអញ្ចាញ ស្រុកមុខកំពូល ។
ជនរងគ្រោះខាងលើអាយុ១៥ឆ្នាំ ជាកូនចុងជនសង្ស័យ ចំណែក ជនសង្ស័យឈ្មោះ អាត ផាន់ ភេទប្រុស អាយុ៣៩ឆ្នាំ មុខរបរកម្មករឡឥដ្ឋ រស់នៅភូមិ-ឃុំកើតហេតុ ។
បើតាមនគរបាលបានបញ្ជាក់ថា កន្លងមក ជនសង្ស័យធ្លាប់ធ្វើសកម្មភាពរំលោភសេពសន្ថវ:លើជនរងគ្រោះចំនួន៣ដងមកហើយ នៅថ្ងៃមិនចាំ ក្នុងខែឧសភា, មិថុនា និងខែកក្កដា ឆ្នាំ២០១៩ តែជនរងគ្រោះមិនហ៊ានប្រាប់ម្តាយនោះទេ ដោយខ្លាចជនសង្ស័យសម្លាប់ ។ លុះមកដល់ថ្ងៃទី៧ សីហា ម៉ោង៦ល្ងាច ជនសង្ស័យបានអង្គុយផឹកស្រា.សជាមួយមិត្តភក្តិនៅក្រោមផ្ទះ រហូតដល់ម៉ោង៨យប់ ជនសង្ស័យក៏ឈប់ផឹកស្រា រួចឡើងមកហូបបាយជាមួយប្រពន្ធ និងកូន ។
ប្រភពដដែលបន្តថា ក្រោយពីហូបបាយរួច ម៉ោង៨និង៣០នាទី ប្រពន្ធជនសង្ស័យបានចងមុងដេកជាមួយកូន ពេលនោះជនសង្ស័យដេកលើអង្រឹងក្រៅមុងក្នុងផ្ទះមើលទូរទស្សន៍ រហូតដល់ម៉ោង២និង៣០នាទីយប់ឈានចូលថ្ងៃទី៨ សីហា ជនសង្ស័យក្រោកពីអង្រឹងទៅផឹកទឹក រួចបិទភ្លើង និងទូរទស្សន៍ដេកក្បែរជើងមុងជិតជនរងគ្រោះ រួចយកដៃស្ទាបអង្អែលសក់ជនរងគ្រោះលេង បន្ទាប់មកទាញត្រគាកជនរងគ្រោះឱ្យដេកផ្ងារ ហើយយកដៃស្ទាប និងចាប់រំលោភជនរងគ្រោះតែម្តង តែមិនបានសម្រេចទេ ដោយម្តាយជនរងគ្រោះដឹងខ្លួនទាន់ ។
ប្រភពដដែលបន្តថា លុះព្រឹកឡើងម៉ោង៦និង០០នាទី ម្ដាយជនរងគ្រោះបានមកដាក់ពាក្យបណ្ដឹងនៅប៉ុស្តិ៍ព្រែកអញ្ចាញតែម្តង ។ ក្រោយពីទទួលបណ្ដឹងរួចសមត្ថកិច្ចប៉ុស្តិ៍បានទៅនាំខ្លួនជនសង្ស័យមកសាកសួរ ជនសង្ស័យឆ្លើយសារភាពថា ខ្លួនពិតជាបានរំលោភសេពសន្ថវ:លើជនរងគ្រោះចំនួន៤លើកពិតប្រាកដមែន។ ករណីនេះផ្នែកជំនាញ និងប៉ុស្តិ៍កំពុងបន្តចាត់ការតាមនីតិវិធី។ (កែសម្រួលដោយ ៖ បុប្ផា)
ចែករំលែកព័តមាននេះ