អាជ្ញាធរខេត្តព្រះសីហនុប្រើធម៌ក្តៅហើយ
- ព្រះសីហនុ
ខេត្តព្រះសីហនុ ៖ រថយន្តជាច្រើនគ្រឿងដែលចតគ្មានសណ្តាប់ធ្នាប់ នៅចំណុចផ្សារឃ្លាំងលើ នាព្រឹកថ្ងៃទី៦ ខែសីហា បានត្រូវកម្លាំងចម្រុះដឹកនាំដោយលោក សន កុសល អភិបាលរងក្រុងព្រះសីហនុ…
ខេត្តព្រះសីហនុ ៖ រថយន្តជាច្រើនគ្រឿងដែលចតគ្មានសណ្តាប់ធ្នាប់ នៅចំណុចផ្សារឃ្លាំងលើ នាព្រឹកថ្ងៃ
ទី៦ ខែសីហា បានត្រូវកម្លាំងចម្រុះដឹកនាំដោយលោក សន កុសល អភិបាលរងក្រុងព្រះសីហនុ សហការជាមួយកម្លាំងមូលដ្ឋានប្រើវិធានការក្តៅដោយស្ទូចយកទៅរក្សាទុកនៅមន្ទីរសាធារណការនិងដឹកជញ្ជូនខេត្ត ដើម្បីចាត់ការទៅតាមនិតិវិធី ។
ថ្លែងក្នុងឱកាសនោះ លោក សន កុសល បានអះអាងថា ដោយមានការចង្អុលបង្ហាញពីលោក គួច ចំរើន អភិបាលខេត្ត និងក្រោមបទបញ្ជារបស់លោក អុី សុខឡេង អភិបាលក្រុងកម្លាំងចម្រុះរបស់លោក តែងតែចុះធ្វើការណែនាំជាច្រើនលើកច្រើនសាដល់ពួកគាត់ ដែលតែងតែយកចំណីផ្លូវ ចិញ្ចើមថ្នល់ ធ្វើជាកន្លែងចតរថយន្ត និងលក់គ្មានសណ្តាប់ធ្នាប់ បង្កផលប៉ះពាល់ផ្លូវសាធារណៈ និងបង្កគ្រោះថ្នាក់ជាញឹកញាប់ ។
ដោយពុំព្រមអនុវត្តតាមការណែនាំរបស់មន្ត្រីជំនាញនោះ ទើបថ្ងៃនេះកម្លាំងចម្រុះរបស់ខេត្ត ដឹកនាំដោយរូបលោកផ្ទាល់ បានចុះស្ទូចរថយន្តនិងរុះរើតូបទាំងនោះ ដើម្បីយកទៅរក្សាទុកនៅសាលាក្រុងព្រះសី
ហនុ ។
លោក សន កុសល បន្តថា ចាប់ពីថ្ងៃនេះតទៅកម្លាំងជំនាញរបស់លោកនឹងចុះល្បាតគ្រប់ពេលវេលា មិនបណ្តោយឲ្យរថយន្តធុនធំទាំងនោះ ធ្វើអ្វីប្រាសចាកអំពីច្បាប់តទៅទៀតបានទេ បើទោះបីជាមានការតវ៉ា និងអន្តរាគមន៍យ៉ាងណាក៏ដោយ ។
ហេតុដូចនេះ រូបលោកសូមអំពាវនាវយ៉ាងទទូចដល់អាជីវករ និងប្រជាពលរដ្ឋទាំងអស់មេត្តាគោរពច្បាប់ទាំងអស់គ្នា សូមមេត្តាលុបបំបាត់វប្បធម៌អន្តរាគមន៍ អាងអ្នកនេះអាងអ្នកនោះ ព្រោះអ្វីៗក្នុងសង្គមរីកចម្រើនទៅបានគឺផ្តើមចេញពីយើងទាំងអស់គ្នា ។ សូមចូលរួមទាំងអស់គ្នា រួមគ្នាគិត រួមគ្នាធ្វើ រួមគ្នាទទួលខុសត្រូវ ៕ (សម្រួលដោយ៖ ស្រីណា)
ចែករំលែកព័តមាននេះ