រាជធានីភ្នំពេញ ៖ គណៈកម្មាធិការអចិន្ត្រៃយ៍រដ្ឋសភាបានកំណត់កាលបរិច្ឆេទសម្រាប់សម័យប្រជុំរដ្ឋសភាជាវិសាមញ្ញនីតិកាលទី៦ នៅថ្ងៃទី១២ ខែសីហានេះ ដើម្បីបោះឆ្នោតជ្រើសរើសលោក អ៊ិត រ៉ាឌី ជាសមាជិកឧត្តមក្រុមប្រឹក្សានៃអង្គចៅក្រម ។…
រាជធានីភ្នំពេញ ៖ គណៈកម្មាធិការអចិន្ត្រៃយ៍រដ្ឋសភាបានកំណត់កាលបរិច្ឆេទសម្រាប់សម័យប្រជុំរដ្ឋសភាជាវិសាមញ្ញនីតិកាលទី៦ នៅថ្ងៃទី១២ ខែសីហានេះ ដើម្បីបោះឆ្នោតជ្រើសរើសលោក អ៊ិត រ៉ាឌី ជាសមាជិកឧត្តមក្រុមប្រឹក្សានៃអង្គចៅក្រម ។ ការកំណត់ថ្ងៃប្រជុំនេះ បន្ទាប់ពីគណៈកម្មាធិការអចិន្ត្រៃយ៍នៃរដ្ឋសភាថ្ងៃទី៩ ខែសីហានេះ បើកកិច្ចប្រជុំ ក្រោមអធិបតីភាពដ៏ខ្ពង់ខ្ពស់សម្ដេចហេង សំរិន ប្រធានរដ្ឋសភា ដោយបានធ្វើការពិភាក្សា និងអនុម័តតាមរបៀបវារៈដោយមានលទ្ធផលដូចខាងក្រោម
១- អង្គប្រជុំបានអនុម័តប្រគល់សេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀ ងរវាងព្រះរាជាណាចក្រកម្ពុជា និងអង្គការហាមឃាត់អាវុធគីមី ស្តីពីបុព្វសិទ្ធិ និងអភ័យឯក សិទ្ធិរបស់អង្គការហាមឃាត់អាវុធគីមីដល់គណៈកម្មការមហាផ្ទៃ ការពារជាតិ និងមុខងារសាធារណៈនៃរដ្ឋសភា ពិនិត្យសិក្សាដោយសហការជាមួយគណៈកម្មការកិច្ចការបរទេសសហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា ហើយធ្វើរបាយការណ៍ជូនគណៈកម្មាធិការអិចន្ត្រៃយ៍រដ្ឋសភាវិញ ។ ២- អង្គប្រជុំបានអនុម័តប្រគល់សេចក្តីព្រាងច្បាប់ស្តីពីរបបសន្តិសុខសង្គមដល់គណៈកម្មការសុខាភិបាលសង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារីនៃរដ្ឋសភាពិនិត្យសិក្សា ហើយធ្វើរបាយការណ៍ ជូនគណៈកម្មាធិការអចិន្ត្រៃយ៍រដ្ឋសភាវិញ ។
៣- អង្គប្រជុំបានអនុម័តលើលទ្ធផលជ្រើសរើសឥស្សរជនមួយរូប ក្នុងចំណោមឥស្សរជន ដែលបានដាក់ពាក្យសុំជាបេក្ខភាពសមាជិកឧត្តមក្រុមប្រឹក្សានៃអង្គចៅក្រមជំនួសសមាជិក ឧត្តមក្រុមប្រឹក្សានៃអង្គចៅក្រមមួយរូបដែលត្រូវបញ្ចប់អាណត្តិនាពេលខាងមុខ ។ បេក្ខភាពឥស្សរជនដែលបានជ្រើសរើសនឹងដាក់ជូនអង្គសភាធ្វើការបោះឆ្នោតក្នុងសម័យប្រជុំជាវិសាមញ្ញនាពេលខាងមុខនេះ ។
៤- អង្គប្រជុំបានអនុម័តកោះប្រជុំជាវិសាមញ្ញនីតិកាលទី៦ តាមសំណើរបស់ក្រុមតំណាងរាស្ត្រហត្ថលេខី ចំនួន៥៤រូប ដែលមានរបៀបវារៈតែមួយ គឺការបោះឆ្នោតជ្រើសតាំងលោកអ៊ិត រ៉ាឌី ជាសមាជិកឧត្តមក្រុមប្រឹក្សានៃអង្គចៅក្រមសម្រាប់អាណត្តិថ្មីជ្រើសតាំងដោយរដ្ឋសភានីតិកាលទី៦ ។ ៦.អង្គប្រជុំបានសម្រេចសមាសភាពលេខាធិការសម័យប្រជុំរដ្ឋសភាជាវិសាមញ្ញ នីតិកាលទី៦ ចំនួន៣រូប៖ ១. លោក ចាយ បូរិន ២. លោក ម៉ូត យូសុះ -៣.លោក សួស យ៉ារ៉ា ៕ កែសម្រួលដោយ ៖ សុឃាក់
ចែករំលែកព័តមាននេះ