រាជធានីភ្នំពេញ ៖ រដ្ឋបាលរាជធានីភ្នំពេញប្រកាសរឹតបណ្តឹងសន្តិសុខសណ្តាប់ធ្នាប់នៅជុំវិញមណ្ឌល ប្រឡងសញ្ញាបត្រមធ្យមសិក្សាទុតិយភូមិ(បាក់ឌុប)អោយបានតឹងរឹងដើម្បីធានាសុវត្ថិភាព និង គុណភាពនៃការប្រឡង ។
អភិបាលរងរាជធានីភ្នំពេញបានអះអាងថា រដ្ឋបាលរាជធានីភ្នំពេញបានត្រៀមផែនការ រួចជាស្រេចហើយក្នុងការការពារសន្តិសុខសណ្តាប់ធ្នាប់នៅជុំវិញមណ្ឌលប្រលងបាក់ឌុប សម្រាប់ឆ្នាំសិក្សា២០១៨-២០១៩នេះ ដើម្បីការពារកុំអោយកើតមានបាតុភាពមិនប្រក្រតីណា មួយកើតឡើងដែលនាំឲ្យរំខានដល់ការប្រឡង ។
ថ្លែងក្នុងកិច្ចប្រជុំនៅសាលារាជធានីភ្នំពេញនៅព្រឹកថ្ងៃទី៨ សីហា នេះលោក នួន ផារ័ត្ន អភិបាលរាជធានីភ្នំពេញបានឲ្យដឹងថា សាលារាជធានីភ្នំពេញបានដាក់ចេញផែនការ៤ចំណុច ដើម្បីធានាការពារសន្តិសុខសណ្តាប់ធ្នាប់ និងរបៀបរៀបរយនៅជុំវិញបរិវេណមណ្ឌលប្រឡង គឺការពង្រាងកម្លាំងការពារប្រចាំការនៅជុំវិញបរិវេណមណ្ឌលប្រឡង និងការសម្រួលសណ្តាប់ ធ្នាប់ចរាចរណ៍ បុគ្គលិកសុខាភិបាល ឡានសង្គ្រោះបន្ទាន់ និងរថយន្តពន្លត់អគ្គីភ័យជាដើម ។
លោកអភិបាលរងបានបញ្ជាក់ថា ការត្រៀមផែនការនេះគឺដើម្បីធានាឲ្យបរិយាកាសនៃ ការប្រឡងបានប្រព្រឹត្តទៅដោយរលូនគ្មានការរំខាន ពិសេសគឺធានាបានគុណភាពប្រឡង ដែលស្វែងរកអ្នកដែលចេះពិតប្រាកដ ។
លោក ជា ជាតិ អនុរដ្ឋលេខាធិការក្រសួងអប់រំ យុវជននិងកីឡាបានអះអាងថា ការត្រៀម ផែនការការពារពីគ្រប់ភាគីពាក់ព័ន្ធនេះនឹងជួយធ្វើឲ្យដំណើរការប្រឡងបានប្រព្រឹត្តទៅដោយ ល្អប្រសើរតាមគារគ្រោងទុក ពិសេសទប់ស្កាត់ទាន់ពេលវេលាចំពោះបាតុភាពមិនប្រក្រតីណា មួយដែលរំខានដល់ដំណើរការប្រឡង ។
លោកបានរំលឹកដល់បេក្ខជនប្រឡងទាំងអស់មិនត្រូវយកសំណេរឯកសារឬទូរសព្ទស្មាតហ្វូនចូលក្នុងមណ្ឌលប្រឡងឡើយ បើអនុរក្សរកឃើញនឹងត្រូវធ្លាក់ដោយស្វ័យប្រវត្ត ។ ហើយការ ប្រឡងនេះនៅតែអនុវត្តវិធានយ៉ាងតឹងរឹងជាទីបំផុត គឺអ្នកចេះគឺជាប់ អ្នកមិនចេះគឺធ្លាក់ ដើម្បី ធានាតម្លាភាព និងគុណភាពធនធាមនុស្សនៅកម្ពុជា ។
យោងតាមប្រកាសដែលក្រសួងអប់រំ បានផ្សព្វផ្សាយតាមរយៈហ្វេសប៊ុកកាលពីថ្មីៗនេះបានឱ្យដឹងថា បេក្ខជនដែលបានប្រព្រឹត្តនូវអ្វីដែលចាត់ទុកថា មានបំណងលួចចម្លង នឹងមិនអនុញ្ញាតឱ្យចូលប្រឡងនោះទេ ហើយត្រូវបានកំណត់ឱ្យធ្លាក់ លើកលែងតែបេក្ខជនប្រគល់រាល់សៀវភៅឯកសារឬសំណៅឯកសារឱ្យគណៈមេប្រយោគមុនចូលមណ្ឌលប្រឡងឬបន្ទប់ប្រឡង ៕
កែសម្រួលដោយ ៖ សំណាង
ចែករំលែកព័តមាននេះ