រាជធានីភ្នំពេញ ៖ ព្រះរាជបុត្រីអនុជនរោត្តមអរុណរស្មីបានលាឈប់ពីសមាជិកព្រឹទ្ធសភា ដោយដាក់ជំនួសខ្សែរាជវង្ស គឺព្រះអង្គម្ចាស់ប្រីយសោភ័ណ្ឌដែលស្នើតាមព្រះ រាជក្រឹត្យរបស់ព្រះមហាក្សត្រ ។នេះ បើតាមអ្នកនាំពាក្យព្រឹទ្ធសភា ។
លោក ម៉ម ប៊ុននាង អ្នកនាំពាក្យព្រឹទ្ធសភាបានឲ្យដឹងក្រោយកិច្ចប្រជុំគណៈកម្មាធិការអចិន្ត្រៃ យ៍ព្រឹទ្ធសភា នាព្រឹកថ្ងៃទី៩ ខែសីហាថា កិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភាបាន សម្រេចតាមសំណើរសុំព្រះរាជក្រឹត្យរបស់ព្រះមហាក្សត្រ ដើម្បីជ្រើសរើសព្រះអង្គម្ចាស់ប្រីយសោភ័ណ្ឌជំនួសសម្តេចព្រះរាជ្យបុត្រីព្រះអនុជនរោត្តម អរុណរស្មីដែលបានសុំលាឈប់ពីសមាជិកព្រឹទ្ធសភា ។
លោកបន្តថា នៅព្រឹកនេះផងដែរ គណៈកម្មាធិការអចិន្ត្រៃយ៍ព្រឹទ្ធសភាក៏បានសម្រេចចំពោះសំណើររបស់គណបក្សប្រជាជនកម្ពុជាស្នើលោក ញ៉ូវ សុង ជាសមាជិកព្រឹទ្ធសភានីតិកាលទី៤ ជំនួសលោក ឡាយ អ៊ី ពិសិទ្ធ ដែលទទួលមរណៈភាព កាលពីពេលកន្លងមកនឹងសម្រេចទទួល ស្គាល់លោក ឡៅ ឆន ជំនួសលោកស្រី ស៊ឹង ស៊ីយុត ដែលទទួលមរណៈភាពជាសមាជិក ព្រឹទ្ធសភានៅភូមិភាគទី៤ផងដែរ ។
អ្នកនាំពាក្យក៏បានឲ្យដឹងថា គណៈកម្មាធិការអចិន្ត្រៃយ៍ព្រឹទ្ធសភាបានសម្រេចដាក់បេក្ខភាពចំនួន២រូប ដើម្បីធ្វើការបោះឆ្នោតជ្រើសរើសជាសមាជិកឧត្តមអង្គចៅក្រមដែលផុតអាណត្តិនៅពេលខាងមុខនេះ ។ បេក្ខជនដែលដាក់មក គឺអគ្គលេខាធិការព្រឹទ្ធសភាបានពិនិត្យសំណុំឯកសារបែបបទ ដើម្បីរៀបចំឈរឈ្មោះ ដើម្បីឲ្យសមាជិកព្រឹទ្ធសភាបោះឆ្នោតមានចំនួន២រូបគឺ១. លោក អ៊ុំ សារិទ្ធ ២.លោក គង់ សារិទ្ធ ដែលលោកទាំង២នាក់ គឺអតីតអគ្គព្រះរាជ្ញា និងប្រធានតុលាការ ។
លោកបញ្ជាក់ថា«បេក្ខជនទាំងពីររូប សុទ្ធតែមានលក្ខណៈគ្រប់ អ្វីដែលអង្គចៅក្រមត្រូវជ្រើលរើស ។ អីញ្ចឹងពេលនេះអចិន្ត្រៃយ៍សម្រេចហើយ យើងសមាជិក២រូបតែយើងបោះឆ្នោតតែម្នាក់ទេ ព្រោះថា បេក្ខជនឈរឈ្មោះបានលុះត្រាមានអតីតភាពជាប្រធានតុលាការ ឬជាអង្គចៅក្រម ហើយមានបទពិសោធន៍គ្រប់គ្រាន់តាមការកំណត់របស់ក្រុ មប្រឹក្សាអង្គចៅក្រមផងដែរ » ។ អ្នកនាំពាក្យដដែលបានឲ្យដឹងថា ចំពោះបេក្ខជនក្រុមប្រឹក្សាអង្គចៅក្រមនឹងធ្វើឡើងនៅក្នុងស័យប្រជុំពេញអង្គព្រឹទ្ធសភា នៅថ្ងៃទី១២ ខែសីហា ៕ កែសម្រួលដោយ ៖ សុឃាក់
ចែករំលែកព័តមាននេះ