Lukaku ចេញ​បាត់ Man Utd មើលឃើញ​ខ្សែប្រយុទ្ធ Juventus ១​រូបយ​កមក​ជំនួស


តាម​ប្រភព​ព័ត៌មាន The Sun បានឱ្យ​ដឹង​ថា ក្លិប​បិសាច​ក្រហម Manchester United កំពុង​តែ​រៀបចំ​ការ​និយាយ​ថ្លៃ​ជាមួយនឹង​ក្លិប​សេះបង្កង់ Juventus ដើម្បី​យក Mario Mandzukic មក​ជំនួស​កន្លែង​របស់ Romelu Lukaku ក្រោយ​ពី​ទៅ Inter Milan បាត់ ​។

គ្រូបង្វឹក Manchester United លោក Ole Gunnar Solskjaer កំពុង​តែ​រក​មើល​អ្នក​មក​ជំនួស​កីឡាករ Romelu Lukaku ដែល​កំពុង​តែ​ត្រៀម​នឹង​ទៅ​លេង​ឱ្យ Inter Milan​។ នៅ​ពេល​នេះ សារព័ត៌មាន Sky Italy បាន​អះអាង​ថា United កំពុង​តែ​ដុតដៃដុតជើង​យក Mandzukic មក​ក្លិប​របស់​ខ្លួន​។

ដោយសារ​តែ​ពេល​ផុតកំណត់​ដោះ​ដូរ​កីឡាករ​កាន់តែ​កៀក​ជិត​ដល់​ច្រមុះ Man Utd ស្ទុះស្ទារ​យ៉ាង​ខ្លាំង​ក្នុង​ការ​និយាយ​ថ្លៃ​ជាមួយនឹង Juventus ដើម្បី​យក​កីឡាករ​ក្រូ​អាត​ម្នាក់​នេះ​មក​ធ្វើ​ជា​អ្នក​ជំនួស​។

គួរ​បញ្ជាក់​ផង​ដែរ​ថា Mandzukic បាន​រក​គ្រាប់​បាល់​ជូន​ក្លិប​ចំនួន​១០​គ្រាប់ កាលពី​រដូវ​កាល​មុន​សម្រាប់ Juventus​។ តែ​គេ​បាន​បាត់បង់​មុខងារ​ជា​ខ្សែប្រយុទ្ធ តាំងពី​ពេល Cristiano Ronaldo មក​ជាន់​ក្លិប ហើយ​នៅ​ពេល​នេះក្លិប​ក៏​បាន​បើកដៃ​ឱ្យ​ចាកចេញ​ថែម​ទៀត​ផង​៕

ប្រភព ៖ Thesun , កែសម្រួល​ដោយ ៖ សំណាង

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

កីឡាអន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ