ខេត្តបន្ទាយមានជ័យ ៖ បើតាមសេចក្តីរាយការណ៍បឋមបានឱ្យដឹងថា សាលារៀន1ខ្នងដំបូលធ្លុះធ្លាយមើលឃើញមេឃ ហើយសិស្សៗ និងគ្រូៗបង្រៀនទាំងអស់ នាំគ្នារៀនទាំងលំបាករាល់រដូវវស្សា ហើយប្រាថ្នាចង់បានដំបូលថ្មី ព្រោះកំណើនសិស្សមានកាកើនឡើងរាល់ឆ្នាំ។ សាលារៀនខាងលើនេះស្ថិតនៅក្នុងភូមិត្រពាំងសំរោង…
ខេត្តបន្ទាយមានជ័យ ៖ បើតាមសេចក្តីរាយការណ៍បឋមបានឱ្យដឹងថា សាលារៀន1ខ្នងដំបូលធ្លុះធ្លាយមើលឃើញមេឃ ហើយសិស្សៗ និងគ្រូៗបង្រៀនទាំងអស់ នាំគ្នារៀនទាំងលំបាករាល់រដូវវស្សា ហើយប្រាថ្នាចង់បានដំបូលថ្មី ព្រោះកំណើនសិស្សមានកាកើនឡើងរាល់ឆ្នាំ។
សាលារៀនខាងលើនេះស្ថិតនៅក្នុងភូមិត្រពាំងសំរោង ឃុំគោករមៀត ស្រុកថ្មពួក គឺសាលាបឋមសិក្សាបន្ទាយមានឬទ្ធិ ហើយសាលាបឋមសិក្សាមួយនេះមានអគារសិក្សាចំនួន3ខ្នង ស្មើ17បន្ទប់ មានសិស្សរៀនចំនួន933នាក់ ក្នុងនោះស្រី463នាក់។ ក្នុងចំណោមអគារ3ខ្នងនេះ មានអគារមួយស្មើ6បន្ទប់ ដែលមានដំបូលធ្លុះធ្លាយមើលឃើញមេឃ បន្ទប់ខ្លះធ្លុះធ្លាយតិច បន្ទប់ខ្លះធ្លុះធ្លាយខ្លាំង ធ្វើឱ្យសិស្សទាំងអស់រៀនលែងកើតទៅហើយ។
លោក ណឹម ឈាង នាយកសាលាបឋមសិក្សាបន្ទាយមានឬទ្ធិ មិនអាចទាក់ទងសុំកាអត្ថាធិប្បាយបានទេ ដោយសារទូរស័ព្ទរបស់លោកចុចចូលជាច្រើនដង តែគ្មានអ្នកទទួល។ ដោយឡែកលោកហួយ ហេង នាយករងសាលាខាងលើបានប្រាប់កោះសន្តិភាពថា អគារសាលាមួយខ្នងស្មើនឹង6បន្ទប់នេះ ពិតជារងកាខូចខាតដំបូលធ្លុះធ្លាយមែន។
លោកនាយករងរូបនេះរៀបរាប់ថា សាលាបឋមសិក្សាបន្ទាយមានឬទ្ធិត្រូវបានសាងសង់ឡើងជាបន្តបន្ទាប់ ហើយអគារ6បន្ទប់ដែលដំបូលធ្លុះធ្លាយនេះ កសាងឡើងក្នុងឆ្នាំ1996 ជាអំណោយរបស់សម្តេចតេជោនាយករដ្ឋមន្ត្រី ហ៊ុន សែន។ ហើយអគារមួយទៀតមាន5បន្ទប់ កសាងក្នុងឆ្នាំ2004 ជាថវិការបស់ក្រសួងអប់រំ និងមួយអគារផ្សេង១ទៀតមាន6បន្ទប់ កសាងឡើងក្នុងឆ្នាំ2018 ជាអំណោយឧបត្ថម្ភរបស់អង្គកាសម្រេចសុបិនកុមារកម្ពុជា។
ប្រភពដដែលបន្តថា កន្លងមក ខាងសាលាបានធ្វើឯកសារតាមរយៈអាជ្ញាធរឃុំ ដើម្បីស្នើសុំលោកឧបនាយករដ្ឋមន្ត្រី កែ គឹមយ៉ាន ឲ្យជួយ ប៉ុន្តែសង្ស័យឯកសារទាំងនោះមិនបានដល់ដៃថ្នាក់ដឹកនាំ ទើបដំបូលសាលាមួយនេះនៅមេម៉ាយជារៀងរហូតមក។
ជុំវិញករណីនេះ លោក នៃ ពៅ មេឃុំគោករមៀត មិនអាចទាក់ទងសុំកាបំភ្លឺបានទេ ដោយលេខទូរស័ព្ទចុចចូលជាច្រើនដងគ្មានអ្នកទទួល។ ហើយលោកគ្រូៗ ក៏ដូចជាសិស្សានុសិស្សនៅសាលាខាងលើ អំពាវនាវសុំថ្នាក់ដឹកនាំ ជាពិសេសសម្តេចតេជោនាយករដ្ឋមន្ត្រី មេត្តាជួយធ្វើយ៉ាងណា សុំឲ្យសាលានេះបានដំបូលថ្មីវិញ ដើម្បីឲ្យសិស្សបានរៀនស្រួលដូចសាលាផ្សេងៗផង៕ (កែសម្រួលដោយ ៖ បុប្ផា)
ចែករំលែកព័តមាននេះ