ខេត្តឧត្តរមានជ័យ ៖ ក្រុមអាជ្ញាធរថៃបានធ្វើការដោះលែងអ្នកទោសខ្មែរ៥នាក់ចេញពីពន្ធធានាគាខេត្តស៊ីសាកេតក្នុងប្រទេសថៃរួចបញ្ជូនខ្លួនយកមកប្រគល់ឱ្យអាជ្ញាធរកម្ពុជាវិញកាលពីវេលាម៉ោង៥និង៥០នាទីល្ងាចថ្ងៃទី៦ សីហា ឆ្នាំ២០១៩ តាមមាត់ច្រកទ្វារអន្តរជាតិជាំ (ដែលថៃហៅថាឆងសាងាំ) ស្ថិតនៅក្នុងភូមិជាំ ឃុំត្រពាំងប្រីយ៍ ស្រុកអន្លង់វែង…
ខេត្តឧត្តរមានជ័យ ៖ ក្រុមអាជ្ញាធរថៃបានធ្វើការដោះលែងអ្នកទោសខ្មែរ៥នាក់ចេញពីពន្ធធានាគាខេត្តស៊ីសាកេតក្នុងប្រទេសថៃរួចបញ្ជូនខ្លួនយកមកប្រគល់ឱ្យអាជ្ញាធរកម្ពុជាវិញកាលពីវេលាម៉ោង៥និង៥០នាទីល្ងាចថ្ងៃទី៦ សីហា ឆ្នាំ២០១៩ តាមមាត់ច្រកទ្វារអន្តរជាតិជាំ (ដែលថៃហៅថាឆងសាងាំ) ស្ថិតនៅក្នុងភូមិជាំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។
អ្នកទោសខ្មែរទាំង៥នាក់ដែលត្រូវអាជ្ញាធរថៃធ្វើការដោះលែង ក្នុងនោះ១-ឈ្មោះវិច សុផាតភេទប្រុស អាយុ៥៣ឆ្នាំ រស់នៅភូមិអូរស្វាយ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ ២-ឈ្មោះកាន ហន ភេទប្រុស អាយុ៣២ឆ្នាំ រស់នៅឈើទាល ឃុំជំពូលវ័ន្ត ស្រុកជំគិរី ខេត្តកំពតនាក់ ។ អ្នកទាំង២ត្រូវចាប់ខ្លួនកាលពីថ្ងៃទី៦ មករា ឆ្នាំ២០១៧ ពីបទឆ្លងដែនដែនកាប់ឈើ ។
៣-ឈ្មោះយ៉ាត ភារម្យ ភេទប្រុស អាយុ២៤ឆ្នាំ រស់នៅភូមិរុណ ឃុំថ្លាត ស្រុកអន្លង់វែង ខេត្តឧត្តរមានជ័យ ត្រូវចាប់ខ្លួនកាលពីថ្ងៃទី៩ មិថុនា ឆ្នាំ២០១៦ ចូលតាមច្រកអូរស្វាយ ៤-ឈ្មោះខែម តារា ភេទប្រុស អាយុ២៥ឆ្នាំ រស់នៅភូមិអូរឫស្សី ឃុំទំនប់ដាច់ ស្រុកត្រពាំងប្រាសាទ ខេត្តឧជ័យមានជ័យ ត្រូវចាប់ខ្លួនកាលពីថ្ងៃទី៦ កុម្ភៈ ឆ្នាំ២០១៧ ពីបទឆ្លងដែនកាប់ឈើ និង៥-ឈ្មោះអឹម វិន ភេទប្រុស អាយុ២៣ឆ្នាំ រស់នៅភូមិស្រែល្អ ឃុំបាក់អន្លូង ស្រុកត្រពាំងប្រាសាទ ខេត្តឧត្តរមានជ័យ (មិនដឹងពេលវេលាចាប់ខ្លួន) ចូលតាមច្រកអូរស្វាយ។
មន្ត្រីដែលបម្រើការងារនៅមាត់ច្រកទ្វារអន្តរជាតិជាំបានឱ្យដឹងថា អ្នកទោសខ្មែរទាំង៥នាក់ដែលក្រុមអាជ្ញាធរថៃដោះលែងហើយបាននាំខ្លួនយកមកប្រគល់ឱ្យកម្ពុជាវិញ ក្រោយពីបានទទួលអ្នកទោសខ្មែររួចហើយ ខាងសមត្តកិច្ចកម្ពុជាបានធ្វើការណែនាំ និងឱ្យធ្វើកិច្ចសន្យាបញ្ឈប់ការឆ្លងដែនដោយខុសច្បាប់ជាបន្តទៀត បន្ទាប់ពីណែនាំរួចក៏ឱ្យអ្នកទាំង៥វិលត្រឡប់ទៅជួបជុំក្រុមគ្រួសារក្នុងថ្ងៃដដែលផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ