រថយន្ត​ថ្មី​របស់ Bugatti អាច​នឹង​មាន​រូបរាង​បែប​នេះ


របាយការណ៍​បាន​អះអាង​ថា​រថយន្ត​ម៉ាក Bugatti នឹង​បង្ហាញ​រថយន្ត​ស៊េរី​ថ្មី​មួយទៀត ដែល​ជា​ប្រភេទ​មាន​កំណត់ នៅ​ឆ្នេរ​ខ្សាច់ Pebble បន្ទាប់​ពី​ចេញ​ម៉ូ​ដ​រថយន្ត​ពិសេស La Voiture Noire ដែល​មាន​ទឹកប្រាក់ ១៨ លាន​ដុល្លារ ដែល​បាន​បង្ហាញខ្លួន​នៅ​ក្នុង​ពិព័រណ៍​រថយន្ត​ហ្សឺ​ណែវ​ឆ្នាំ ២០១៩​។ វា​ជា​រថយន្ត​ដែល​យក​គម្រូ​តាម​រថយន្ត​ម៉ូ​ដែល EB1110SS ពី​ខ្ទង់​ឆ្នាំ​១៩៩០​។ Bugatti បាន​បញ្ជាក់​ថា គេ​ពិតជា​នឹង​ចេញ​ម៉ូ​ដ​រថយន្ត​ថ្មី តែ​មិន​បាន​បញ្ជាក់​ជា​ផ្លូវការ​ថា​នឹង​យក​គម្រូ​តាម EB110 ទេ​។

ក្នុងអំឡុងពេល​សំភាសន៍​នា​ពេល​ថ្មី​ៗ​នេះ អ្នក​បង្កើត EB110 បាន​បង្ហាញ​ថា​គាត់​ចង់​ឃើញ​រថយន្ត​ម៉ាក Bugatti មានកា​រវិ​វត្ត​ល្អ ចំពោះ​រថយន្ត​ទំនើប​។ រហូត​មក​ដល់​ពេល​នេះ​រថយន្ត​ម៉ាក Bugatti មិន​បាន​បញ្ចេញ​នូវ​រូបភាព​ខ្លី​ៗ​នៃ​ម៉ូ​ឌែ​ល​ថ្មី​នោះ​ទេ ប៉ុន្តែ​ក្រុមហ៊ុន Auto Motor Und Sport របស់​ប្រទេស​អា​ឡឺ​ម៉​ង់​បាន​ទទួល​នូវ​គំនូរព្រាង​ផ្នែក​ខ្លះ ដែល​គេ​គិត​ថា​វា​ជា​ស្នាដៃ​រចនា​ម៉ូ​ដ​ដោយ​ប្រធាន​អ្នក​រចនា​ម៉ូ​ដលោក Aatt Anscheidt ។

សារព័ត៌មាន Auto Motor Und Sport ជឿជាក់​ថា​គំនូរព្រាង​រចនា​ផ្ទៃក្នុង​ត្រូវ​បាន​លេច​ចេញ​រូបរាង តែ​ខាង​ក្រុមហ៊ុន​មិន​បាន​បញ្ជាក់​ជា​ផ្លូវការ​ទេ​។ នៅ​ផ្នែក​ខាង​មុខ​នៃ​រថយន្ត​មាន​គ្រោង​ដែក​ពីរ​ដើម ដែល​គេ​គិត​ថា វា​ពិតជា​យក​គម្រូ​តាម​រថយន្ត​សេ​រ៊ី​ចាស់ EB110 មែន​។ យើង​នឹង​ត្រូវ​រង់ចាំ​មើល​ថា តើ​ការ​រចនា​នេះ​គឺជា​ការ​ពិត​ចុង​ក្រោយ​ដែរ​ឬទេ​។

ដូច​គ្នា​នឹង​រថយន្ត Divo និង La Voiture Noire ដែរ វា​ត្រូវ​បាន​គេ​រាយការណ៍​ថា មាន​មូលដ្ឋាន​លើ​រថយន្ត​ម៉ាក Chiron ។ យោង​តាម​របាយការណ៍​មាន​តែ​ឧទាហរណ៍​ចំនួន​ដប់​ប៉ុណ្ណោះ ត្រូវ​បាន​សាងសង់​ដែល​នីមួយ​ៗ​មាន​តម្លៃ​៨​លាន​អឺ​រ៉ូ (​ជិត​៩​លាន​ដុល្លារ​អា​មេ​រិ​ក​)​។

ចំណែកឯ​ម៉ាស៊ីន EB110 SS ដើម​វិញ បាន​បំពាក់​ដោយ​ម៉ាស៊ីន V12 ចំណុះ ៣.៥ លី​ត្រ​និង​ប្រើ Turbo-turbo V12 ដែល​បញ្ជូន​កម្លាំង ៦១០ សេស​ទៅ​កង់​ទាំង ៤ នោះ​អ៊ី​ដ្រូ​កាបូន​ស៊េរី​ថ្មី​ទំនង​នឹង​ប្រើ​ម៉ាស៊ីន​របស់​រថយន្ត Chiron ដែល​មាន​ស៊ីឡាំង​៨​លី​ត្រ ចំនួន ១៦​។ វា​មាន​កម្លាំង ១៤៧៩ សេស​។ ទាំងអស់​នឹង​ត្រូវ​បាន​បង្ហាញ​នៅ​ឆ្នេរ Pebble នៅ​ថ្ងៃ​ទី ១៨ ខែសីហា​ ៕

កែសម្រួលដោយ ៖ សំណាង

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

កិច្ចការជំនួញ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ