សហរដ្ឋអាមេរិក ៖ រូបភាព និងវីដេអូដែលបង្ហាញពីប៉ូលិសអាមេរិកជិះសេះបណ្តើរជនស្បែកខ្មៅម្នាក់ដោយចងភ្ជាប់ដៃទាំង២ជាមួយខ្សែពួរ នាំឲ្យមានការភ្ញាក់ផ្អើលពេញក្នុងបណ្ដាញសង្គមហ្វេសប៊ុក។
ប្រមុខប៉ូលិសក្រុង GALVESTON រដ្ឋតិចសាស់ កាលពីថ្ងៃទី៦ ខែសីហា ឆ្នាំ២០១៩ រងការចោទប្រកាន់ និងប្រឈមមុខចំពោះការក្ដៅក្រហាយដោយសារតែរូបថតមួយសន្លឹក បង្ហាញភ្នាក់ងារប៉ូលិសរបស់លោក២នាក់កំពុងជិះសេះបណ្តើរចងភ្ជាប់នឹងខ្សែពួរបុរសស្បែកខ្មៅម្នាក់។
អ្នកលេងអុីនធើរណេតជាច្រើននាក់សម្ដែងការក្ដុកក្ដួលចំពោះរូបថតនេះ ដែលក្លាយទៅជាការចងកំហឹង ដែលភ្នាក់ងារមានសមត្ថកិច្ចរបស់ប្រទេសជឿនលឿនបំផុតមួយ បែរមកប្រព្រឹត្តអំពើព្រៃផ្សៃមើលងាយមនុស្សយ៉ាងនេះ។ ពួកគេធ្វើអត្ថាធិប្បាយថា បែបនេះគេធ្វើដូចសម័យកាលនៃទាសករនៅអាមេរិក។
បុរសស្បែកខ្មៅដែលគេចាប់ដឹកនោះឈ្មោះ DONALD NEELY ដែលចាប់ខ្លួនពីបទលួចរបស់គេ ដែលជនសង្ស័យដូចគេពេលចាប់ខ្លួនរមែងបញ្ជូនទៅប៉ុស្តិ៍ប៉ូលិសតាមរថយន្ត។ មនុស្សជាច្រើនបានស្នើឲ្យដាក់ទោសប៉ូលិសទាំងនេះរហូតដល់ស្នើដកពួកគេចេញ ព្រោះតែធ្វើបាប DONALD NEELY ដល់ថ្នាក់នេះ៕ (កែសម្រួលដោយ ៖ បុប្ផា) (ប្រភពវីដេអូ ៖ Brief News)
ចែករំលែកព័តមាននេះ