ខេត្តកំពង់ឆ្នាំង ៖ បើតាមសេចក្តីរាយការណ៍បឋមបានឱ្យដឹងថា ក្រុមអ្នកសារព័ត៌មានមកពីបណ្តាអង្គភាពជាច្រើន និងឧត្តមក្រុមប្រឹក្សាពិគ្រោះយោបល់ ព្រមទាំងប្រជាពលរដ្ឋជាច្រើននាក់ ដែលគាំទ្រចុងចម្លើយផង នៅព្រឹកថ្ងៃទី៦ ខែសីហា ឆ្នាំ២០១៩…
ខេត្តកំពង់ឆ្នាំង ៖ បើតាមសេចក្តីរាយការណ៍បឋមបានឱ្យដឹងថា ក្រុមអ្នកសារព័ត៌មានមកពីបណ្តាអង្គភាពជាច្រើន និងឧត្តមក្រុមប្រឹក្សាពិគ្រោះយោបល់ ព្រមទាំងប្រជាពលរដ្ឋជាច្រើននាក់ ដែលគាំទ្រចុងចម្លើយផង នៅព្រឹកថ្ងៃទី៦ ខែសីហា ឆ្នាំ២០១៩ បានមកកាន់សាលាដំបូងខេត្តកំពង់ឆ្នាំង
ដើម្បីឃ្លាំមើលការចូលខ្លួនរបស់លោក សុខ ឧត្តម អគ្គនាយកវិទ្យុរិទ្ធិសែន និងជាចាងហ្វាង គេហទំព័រ រិទ្ធិសែន ព័ត៌មាន ដែលត្រូវបានព្រះរាជអាជ្ញារងអមសាលាដំបូងខេត្តកោះហៅមកឆ្លើយបំភ្លឺតាមបណ្ដឹងរបស់ លោក លន់ ឡនហៅ (ឡុង) មេការលោកឧកញ៉ា សុខ ប៊ុន ក្នុងបទចោទប្រកាន់ ញុះញង់ និងបរិហារកេរិ៍ជាសាធារណៈ ដែលបានប្រព្រឹត្តឡើងនៅក្នុងឃុំស្វាយជ្រុំ ស្រុករលាប្អៀរ ។
ក្រោយពីការសាកសួររយៈពេលជាង២ម៉ោង គឺនៅម៉ោង១១ថ្ងៃត្រង់ ថ្ងៃដដែល លោក សុខ ឧត្តម ត្រូវបានលោកព្រះរាជអាជ្ញារងឲ្យត្រឡប់មកវិញ ។
នៅក្នុងកិច្ចសម្ភាសន៍ជាមួយអ្នកសារព័ត៌មានជាច្រើនអង្គភាព លោក សុខ ឧត្តម ចាងហ្វាងគេហទំព័រ រិទ្ធិសែន ព័ត៌មាន បាននិយាយឲ្យដឹងថា ក្រោយការសាកសួរ លោកបានឆ្លើយដោះបន្ទុកលើចំណុចជាច្រើន ដែលលោកបានចុះផ្សាយរឿងទំនាស់ដីធ្លីរវាងលោក ឧកញ៉ា សុខ ប៊ុន ជាមួយប្រជាពលរដ្ឋដោយលោកប្រាប់ថា ៖
លោកធ្វើព័ត៌មានប្រកបដោយវិជ្ជាជីវៈ ប្រជាពលរដ្ឋមានទុក្ខ ហៅអ្នកសារព័ត៌មានឱ្យទៅជួយ លោកត្រូវតែទៅជួយរកយុត្តិធម៌ទាំងសងខាង គ្មានការលំអៀងនោះឡើយ។
ក្រោយការផ្សាយតាមគេហទំព័ររបស់លោក ត្រូវបានលោក លន់ ឡន ហៅឡុង មេការលោក ឧកញ៉ា សុខ ប៊ុន បានប្តឹងពីបទញុះញង់ និងបរិហារកេរ្តិ៍ជាសាធារណៈ ។
យ៉ាងនេះក្តីក្រោយការសាកសួរ របស់លោក ឡុង ស៊ីថា ព្រះរាជអាជ្ញារង អមសាលាដំបូងខេត្តកំពង់ឆ្នាំង បានអនុញ្ញាត្តឱ្យលោក វិលត្រឡប់មកវិញ ដើម្បីរកវត្ថុតាងបន្ថែម ដើម្បីដោះបន្ទុកលើសំណុំរឿងព្រហ្មទណ្ឌមួយនេះ ហើយត្រូវចូលខ្លួននៅថ្ងៃទី២៧ ខែសីហា ជាមួយឯកសារបន្ថែម ដើម្បីដោះបន្ទុករួចផុតពីការចោទប្រកាន់ ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ។ (កែសម្រួលដោយ ៖ បុប្ផា)
ចែករំលែកព័តមាននេះ