អ្នកដំណើរភ័យជ្រួលច្របល់ ខណៈផ្សែងហុយចូលពេញកាប៊ីនយន្តហោះ (វីដេអូ)
ប្រទេសអង់គ្លេស ៖ បណ្ដាអ្នកដំណើរនៃយន្តហោះជើងហោះហើរ BA422 របស់ក្រុមហ៊ុនអាកាសចរណ៍អង់គ្លេស BRITISH AIRWAYS ដែលហោះចេញពីទីក្រុងឡុងដ៏នាថ្ងៃទី៥ ខែសីហា ឆ្នាំ២០១៩…
ប្រទេសអង់គ្លេស ៖ បណ្ដាអ្នកដំណើរនៃយន្តហោះជើងហោះហើរ BA422 របស់ក្រុមហ៊ុនអាកាសចរណ៍អង់គ្លេស BRITISH AIRWAYS ដែលហោះចេញពីទីក្រុងឡុងដ៏នាថ្ងៃទី៥ ខែសីហា ឆ្នាំ២០១៩ បានបង្កើតការភ័យជ្រួលច្របល់ ដោយក្នុងកាប៊ីនយន្តហោះនេះ ស្រាប់តែមានផ្សែងហុយចូលពេញ នាំឲ្យយន្តហោះត្រូវចុះចតបន្ទាន់ នៅទីក្រុងVALENCEអេស្ប៉ាញ។
យន្តហោះនោះទីបញ្ចប់អាចចុះចតនៅក្រុង VALENCE ហើយបណ្ដាអ្នកដំណើរត្រូវជម្លៀសចេញភ្លាមៗ។ ក្រុមហ៊ុនBRITISH AIRWAYS អះអាងពីឧប្បត្តិហេតុនោះ ដែលកើតមានក្នុងយន្តហោះធុនAIRBUS A321 របស់ខ្លួនតែពុំផ្ដល់ភាពលម្អិតឡើយ។
ផ្នែកសង្គ្រោះបន្ទាន់នៃទីក្រុងVALENCនិយាយថា បានទទួលការប្រកាសអាសន្នដែលថា ម៉ាសីុនមួយរបស់យន្តហោះមានភ្លើងឆាបឆេះ ហើយផ្សែងបានហុយចូលពេញកាប៊ីន និងហុយរាលដាលយ៉ាងលឿនចូលក្នុងផ្នែកឯទៀតៗ ១០នាទីមុនពេលយន្តហោះចុះចត។ មនុស្សប្រមាណជា១៩នាក់រងរបួស៕ (កែសម្រួលដោយ ៖ បុប្ផា) (ប្រភពវីដេអូ ៖ The Sun)
ចែករំលែកព័តមាននេះ