ខេត្តក្រចេះ ៖ នគរបាលព្រហ្មទណ្ឌកំពុងតាមស្វែករកចាប់ខ្លួនបុរសជាប្តី មានចិត្តសាហាវព្រៃផ្សៃ បានយកកាំបិតផ្គាក់ទៅកាប់សម្លាប់ប្រពន្ធរួចទម្លាក់សពចូលក្នុងប្រឡាយទឹក ដែលគេសង្ស័យថា អាចបណ្តាលមកពីភ្លើងប្រចណ្ឌ ដែលកន្លងមក បុរសជាប្តីរូបនេះ ធ្លាប់បានគំរាមកំហែងប្រពន្ធរួចមកហើយ ។
បញ្ជាក់ថា អំពើឃាតកម្មកាប់សម្លាប់ប្រពន្ធ គឺជនដៃដល់ជាប្តីឈ្មោះសំ សុភ័ក្ត្រា ហៅភក្ត្រ អាយុ៣១ឆ្នាំ កើតឡើងវេលាម៉ោង៧យប់ថ្ងៃទី៥ សីហា ត្រង់ចំណុចនៅលើផ្លូវលំមួយកន្លែង ក្បែរផ្ទះរបស់គ្រួសារជនរងគ្រោះ ក្នុងសង្កាត់អូរឬស្សី ក្រុងក្រចេះ ។ ស្ត្រីរងគ្រោះមានឈ្មោះគង់ ស្រីទូច អាយុ២៧ឆ្នាំ ត្រូវប្តីកាប់និងកំបិតផ្គាក់ស្ទើរដាច់.ក នៅពេលដែលនាងកំពុងតែជិះម៉ូតូ មកពីទិញបង្អែមនៅផ្សារ រួចបានអូសសពទម្លាក់ចូលទៅក្នុងទឹកប្រឡាយលូក្បែរផ្លូវ ។
លោកអធិការនគរបាលក្រុងក្រចេះ លោកវរសេនីយ៍ឯក នេត លីន បានឲ្យដឹងថា ជនដៃដល់ ជាប្តីកំពុងគេចខ្លួន ក្រោយពីបង្កហេតុរួចមក ។ លោកអះអាងថា នគរ បាលកំពុងតែស្រាវជ្រាវតាមចាប់ខ្លួនជនសង្ស័យយកមកផ្តន្ទាទោស។ មិនទាន់មានប្រភពព័ត៌មានជាក់លាក់ ណាបញ្ជាក់ច្បាស់ពីដើមចមដែលឈានសម្លាប់ប្រពន្ធនេះទេ ។ ប៉ុន្តែបើតាមការឲ្យដឹងពីអ្នកនៅក្បែរខាងថា កន្លងមក គ្រួសារនេះតែងតែមានរឿងរកាំរកូសរហូត ។ ដោយស្ត្រីជាប្រពន្ធបានដាក់ពាក្យលែងលះ តែជនដៃដល់ជាប្តីនៅមិនព្រម ។
ករណីនេះដែរ ក៏ត្រូវបានអ្នកជិតខាងសន្និដ្ឋានថា អាចបណ្តាលមកពីការប្រចណ្ឌពីជន ដៃដល់ជាប្តីលើ
ប្រពន្ឋ។ ព្រោះកន្លងមក ប្តីតែងតែពោលពាក្យថា អ្នកណាក៏ដោយឱ្យតែហ៊ានមកយកនាង ធ្វើជាប្រពន្ឋគេនឹងសម្លាប់ចោល។ ប្រភពថា បុរសជាប្តីរូបនេះ ក៏ធ្លាប់ជាប់ពាក់ព័ន្ធនិងមុខសញ្ញាប្រើប្រាស់គ្រឿងញៀនផងដែរ ។ (សម្រួលដោយ៖ ស្រីណា)
ចែករំលែកព័តមាននេះ