ខេត្តបាត់ដំបង ៖ សេចក្តីរាយការណ៍បឋមបានឲ្យដឹងថា កាលពីរសៀលទី០៣ ខែសីហា ឆ្នាំ២០១៩ បុរសម្នាក់បានធ្វើសកម្មភាព (ឆក់)យកប្រាក់ក្នុងចំណោមមនុស្សម្នាជាម្ចាស់ទ្រព្យ ស្ថិតនៅចំណុចភូមិវត្តគរ សង្កាត់វត្តគរ…
ខេត្តបាត់ដំបង ៖ សេចក្តីរាយការណ៍បឋមបានឲ្យដឹងថា កាលពីរសៀលទី០៣ ខែសីហា ឆ្នាំ២០១៩ បុរសម្នាក់បានធ្វើសកម្មភាព (ឆក់)យកប្រាក់ក្នុងចំណោមមនុស្សម្នាជាម្ចាស់ទ្រព្យ ស្ថិតនៅចំណុចភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ដំបង ។
សេចក្តីរាយការណ៍បានបន្តថា បុរសដែលមានឈ្មោះក្នុងកំណត់ហេតុសាកសួរបំភ្លឺដោយនគរបាលការិយាល័យព្រហ្មទ័ណ្ឌកំរិតស្រាលនៃស្នងការដ្ឋាននគរបាលខេត្តបាត់ដំបងបានបង្ហាញថាខ្លួនមានឈ្មោះ សេង អ៊ុយ ភេទប្រុស អាយុ២៧ឆ្នាំ មានទីលំនៅភូមិចំការឫស្សី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ។
ក្នុងចម្លើយរបស់ខ្លួនបុរសឈ្មោះ សេង អ៊ុយ បានសារភាពថា ក្នុងដំណើររបស់ខ្លួននាថ្ងៃកើតហេតុនេះ គឺខ្លួនដើរ (លួច ឬឆក់) ទ្រព្យសម្បត្តិអ្នកដទៃណាដែលខ្លួនបានប្រទះឃើញថា មានឱកាសលួច ឬឆក់ គឺខ្លួនធ្វើភ្លាម ។ លុះដើរដល់ចំណុចកើតហេតុខាងលើបានឃើញគេកំពុងអង្គុយរាប់ប្រាក់នៅមុខផ្ទះ ខ្លួនក៏កើតចេតនាចូលទៅលួចប្រាក់នោះ ប៉ុន្តែដោយសារម្ចាស់ប្រាក់នៅទីនោះខ្លួនមិនអាចលួចយកបាន ក៏បានប្តូរចេតនាលួចនោះចោលទៅយកចេតនាថ្មី គឺឆក់យកប្រាក់នោះវិញបន្ទាប់ពីឆក់យកប្រាក់នោះបានហើយ ខ្លួនព្យាយាមរត់គេចខ្លួនពីកន្លែងកើតហេតុ ប៉ុន្តែក្នងពេលឆក់នោះជនរងគ្រោះជាម្ចាស់ទ្រព្យឃើញទាន់ បានដេញប្រផាប់ចាប់ប្រភីងក្នុងពេលនោះ បណ្តាលឲ្យស្ថានភាពផ្អើលឆោឡោពីជនរងគ្រោះ ឯជនសង្ស័យរូបនេះបានទាញយកដំបងដែកជ្រុងវាយទៅលើជនរងគ្រោះ ដើម្បីរំដោះខ្លួនពីទីកន្លែងកើតហេតុ ។
ដោយបានការជួយអន្តរាគមន៍ពីប្រជាពលរដ្ឋ និងសមត្ថកិច្ចនៅជិតនោះ ជនសង្ស័យរូបនេះរួមទាំងវត្ថុតាងមានប្រាក់រៀលចំនួន៣០០,០០០រៀល (សាមសិបម៉ឺនរៀល) ដំបងដែកជ្រុងត្រូវបានឃាត់ខ្លួនបញ្ជូនមកកាន់ស្នងការដ្ឋាននគរបាលខេត្តបាត់ដំបង ។ ចំណែកជនរងគ្រោះឈ្មោះ កែវ ពិសិដ្ឋ ភេទប្រុស អាយុ៣០ឆ្នាំ មានទីលំនៅភូមិចំការឫស្សី សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង ៕ កែសម្រួលដោយ ៖ សុឃាក់
ចែករំលែកព័តមាននេះ