ឈ្មួញអត់ច្បាប់កំពុងជីករំលាយយកដី យកថ្មលក់ជិតបានរលាយហើយ
- កោះកុង
ខេត្តកោះកុង ៖ អនុក្រឹត្យលេខ៨០ អនក្រ.បក ចុះថ្ងៃទី០៩ ខែឧសភា ឆ្នាំ២០១៦ ដែលចុះហត្ថលេខាដោយប្រមុខរាជរដ្ឋាភិបាល សម្តេចអគ្គមហាសេនាបតីតេជោ ហ៊ុន…
ខេត្តកោះកុង ៖ អនុក្រឹត្យលេខ៨០ អនក្រ.បក ចុះថ្ងៃទី០៩ ខែឧសភា ឆ្នាំ២០១៦ ដែលចុះហត្ថលេខាដោយប្រមុខរាជរដ្ឋាភិបាល សម្តេចអគ្គមហាសេនាបតីតេជោ ហ៊ុន សែន បានកំណត់យកផ្ទៃដីចំនួន 144275 ហិកតា ស្ថិតក្នុងស្រុកចំនួន៣ គឺស្រុកក្រុងខេមរៈភូមិន្ទ ស្រុកកោះកុង និងស្រុកថ្មបាំង ខេត្តកោះកុង ត្រូវរក្សាទុកជាដែនជម្រកសត្វព្រៃតាតៃ ។
ប៉ុន្តែក្នុងរយៈពេលចាប់ពីដើមឆ្នាំ២០១៩ រហូតមកដល់ពេលនេះ មានខ្នងភ្នំចំនួន២ទីតាំ ងស្ថិតក្នុងក្រុងខេមរៈភូមិន្ទ កំពុងត្រូវបានរំលាយធ្វើអោយបាត់បង់រូបភាពដើមបណ្តើរៗហើយ និងឈានដល់ការបាត់បង់ទាំងស្រុងចេញពីក្នុងផែនទីនៃប្រទេសកម្ពុជាដោយសារ ក្រុមឈ្មួញដែលកំពុងធ្វើអាជីវកម្មលក់អាច់ដី និងថ្មអត់ច្បាប់ជាច្រើនក្រុម ។
សកម្មភាពល្មើសច្បាប់ខាងលើនេះ កំពុងល្បីកក្រើកពេញក្រុងខេមរៈភូមិន្ទដោយសារ តែក្រុមឈ្មួញជាច្រើនក្រុមបានយកគ្រឿងចក្រ និងឡានដឹកដី រាប់សិបគ្រឿង ក្នុងមួយថ្ងៃៗសំរុកជីកកកាយភ្នំយកអាច់ដី និងថ្មដឹកកាត់ទីប្រជុំជនធ្វើអោយដីហុយ និងបែកល្បាប់ខ្ទេចផ្លូវថ្នល់ស្ទើរតែពេញទីរួមខេត្ត គ្មានស្ថាប័នពាក់ព័ន្ធណាមួយ ចេញមុខត្រួតពិនិត្យឡើយ ។ ហើយស្ថាប័នដែលមានការពាក់ព័ន្ធចំនួន២ កំពុងឆ្លើយដាក់គ្នាដូចអាយ៉ៃឆ្លងឆ្លើយ ។
លោកប៉ិច ស៊ីយ៉ុន ប្រធានមន្ទីររ៉ែ និងថាមពលខេត្តបានបញ្ជាក់ថា មានក្រុមហ៊ុនដឹកដីចំនួន៥ បានដាក់ពាក្យចូលមកមន្ទីរ ដើម្បីសុំច្បាប់ជីកគាស់យកថ្ម និងអាច់ដីតាំងពីចង្កេះរហូត ដល់ខ្នងភ្នំ ទាំង២ចំណុចខាងលើ ដើម្បីយកថ្ម និងអាច់ដីលក់ ។ ប៉ុន្តែលោកមិនបានចេញ លិខិតអនុញ្ញាតិឡើយ មិនតែប៉ុណ្ណោះរូបលោកបានធ្វើរបាយការណ៍ជាលាយល័ក្ខអក្សរ អំពីផលប៉ះពាល់ដែនជម្រកសត្វព្រៃ ដែលការពារដោយអនុក្រឹត្យទៅអាជ្ញាធរខេត្ត និង ទៅក្រសួងទៀតផង ដើម្បីបិទអាជីវកម្មក្រុមហ៊ុនទាំងនោះចោល ប៉ុន្តែអាជ្ញាធរខេត្ត និងក្រសួងនៅមិនទាន់មានចំណាត់ការត្រឡប់មកវិញនៅឡើយទេ ហើយក្រុមហ៊ុនទាំងនោះ នៅតែបន្តសកម្មភាពល្មើសរបស់ខ្លួនយ៉ាងគគ្លើនដដែល ។
មន្រី្តជំនាញរ៉ែម្នាក់បានបង្ហើបថា ក្រុមបហ៊ុនល្មើសទាំងនោះមានចំនួន៥ ទី១- លោកឈួរ វុទ្ធី តំណាងអោយឈ្មោះ សំ វីរៈ ជាមន្ត្រីទាហានជើងទឹកមានអំណាចទឹកលុយខ្លាំង ហា៑នជីករំលាយភ្នំ ដោយអត់មានច្បាប់ ទី២- លោកស្រី នៅ សុភា តំណាងអោយប្តីឈ្មោះទុំ ទី៣- លោកសន ប៊ុនហៀប ទី៤ – លោកមោ ម៉េង និងទី៥- លោកកែវ កៅលី ។ ព័ត៌មានពិស្តាមានផ្សាយជូននៅកាសែតកោះសន្តិភាព ។ កែសម្រួលដោយ ៖ សុឃាក់
ចែករំលែកព័តមាននេះ