រាជធានីភ្នំពេញ ៖ សម្តេចតេជោ ហ៊ុន សែន នាយរដ្ឋមន្ត្រីបានបញ្ជាក់ថា កម្ពុជាត្រូវតែប្រុង ប្រយ័ត្នបំផុតចំពោះភេវកម្មដែលអាចកើតមានគ្រប់ពេលវេលា ហើយមិនត្រូវឲ្យកម្ពុជាជាកន្លែងលាងលុយកខ្វក់ផងដែរ ។…
រាជធានីភ្នំពេញ ៖ សម្តេចតេជោ ហ៊ុន សែន នាយរដ្ឋមន្ត្រីបានបញ្ជាក់ថា កម្ពុជាត្រូវតែប្រុង ប្រយ័ត្នបំផុតចំពោះភេវកម្មដែលអាចកើតមានគ្រប់ពេលវេលា ហើយមិនត្រូវឲ្យកម្ពុជាជាកន្លែងលាងលុយកខ្វក់ផងដែរ ។ សម្តេចតេជោបានថ្លែងក្នុងពិធីប្រគល់សញ្ញាបត្រវិទ្យា សាស្ដ្រនគរបាល ថ្នាក់បរិញ្ញាបត្រ ជាន់ខ្ពស់ ថ្នាក់បរិញ្ញាបត្រ និងវិញ្ញាបនបត្រ ជូនដល់និស្សិតនាយនគរបាលបន្តវេន និងសិក្ខាកាមជ័យលាភីជាងមួយពាន់នាក់ នៅបណ្ឌិត្យសភានគរបាលកម្ពុជា ក្នុងស្រុកកៀនស្វាយ ខេត្តកណ្ដាល នាព្រឹកថ្ងៃទី៥ ខែសីហានេះ ។
សម្តេចតេជោថ្លែងយ៉ាងដូច្នេះថា ៖«ធ្វើយ៉ាងម៉េចកុំឲ្យប្រទេសរបស់យើងក្លាយជាជំរកនៃការលាក់ខ្លួនរបស់ភេវកម្ម ទោះបីជាយើងមិនមែនជាគោលដៅនៃការវាយប្រហារភេវកម្ម តែត្រូវធ្វើឲ្យកម្ពុជាកុំឲ្យក្លាយជាប្រទេសនៃជំរក ឬការឆ្លង់កាត់របស់ពួកភេវកម្ម កុំឲ្យប្រទេសយើងជាកន្លែងសំអាតប្រាក់កខ្វក់» ។ សម្តេចបន្ថែមសំណុំបញ្ហាមានជាច្រើនដូចជា ការជួញដូរគ្រឿងញៀន ការជួញដូរអាវុធ ការលាងលុយ កខ្វក់ គឺជាសំណុំរឿងតែមួយ ។ រឿងនេះទាក់ទង និងសន្តិសុខ ដែលមិនមែនសម្រាប់កម្ពុជានោះទេ ។
សម្តេចបន្ថែមថា ការអភិវឌ្ឍប្រទេសជៀសមិនផុតពីការកើតបញ្ហានោះទេ ព្រោះជាក្រឹត្យក្រមធម្មជាតិ ហើយបើយើងចាត់ទុកវាជាក្រឹត្យក្រមធម្មតា ហើយវានៅតែធម្មតា ហើយមិនខិតខំដោះស្រាយបំបាត់វាចោលទេនោះ គឺដំណើរទៅមុខរបស់យើងនឹងជួបផលលំបាក ហើយប្រជាជននឹងមានការភ័យខ្លាច ។
សម្តេចតេជោបញ្ជាក់ថា «ពិតហើយ ប្រទេសយើងមានការទទួលស្គាល់នូវវឌ្ឍនៈភាពរបស់យើងតែក៏មានប្រទេសខ្លះមិនបានទទួលស្គាល់នូវវឌ្ឍនៈភាពរបស់យើងដែរ ។ ប៉ុន្តែរឿងទទួលស្គាល់ ឬមិនទទួលស្គាល់ គឺជារឿងរបស់គេ តែអ្វីដែលសំខាន់នោះ គឺយើងត្រូវខិតខំប្រឹងខ្លួនឯងងើបឈរដោយខ្លួនឯង ជំនះឧបសគ្គទាំងឡាយនៅចំពោះមុខរបស់យើង តាមរយៈខិតខំរួមគ្នា ដើម្បីឲ្យការងាររបស់យើងកាន់តែប្រសើរ និងប្រសិទ្ធភាពដែលនាំឲ្យប្រទេសរីកចម្រើនខាងវិស័យសេដ្ឋកិច្ច និងសង្គម» ៕ កែសម្រួលដោយ ៖ សុឃាក់
ចែករំលែកព័តមាននេះ