រាជធានីភ្នំពេញ ៖ បុរសម្នាក់ជាជនជាតិបរទេសមិនដឹងថាគាត់មកពីណានោះទេបានរត់ចូលក្នុងការាស់សាំងតេលាមួយកន្លែងអុកឡុកគេឯងផ្អើលក្នុងម៉ាត និងទាញទុយោសាំងបាញ់អស់៦ទៅ៧លីត្រ ត្រូវបានសន្តិសុខចាប់ចង បង្កការភ្ញាក់ផ្អើលកាលពីវេលាម៉ោង២រំលងអាធ្រាត្រឈានចូលថ្ងៃទី៥ ខែសីហា ឆ្នាំ២០១៩ តាមបណ្តោយផ្លូវជាតិលេខ៥ នៅចំណុចការាសសាំងតេលា…
រាជធានីភ្នំពេញ ៖ បុរសម្នាក់ជាជនជាតិបរទេសមិនដឹងថាគាត់មកពីណានោះទេបានរត់ចូលក្នុងការាស់សាំងតេលាមួយកន្លែងអុកឡុកគេឯងផ្អើលក្នុងម៉ាត និងទាញទុយោសាំងបាញ់អស់៦ទៅ៧លីត្រ ត្រូវបានសន្តិសុខចាប់ចង បង្កការភ្ញាក់ផ្អើលកាលពីវេលាម៉ោង២រំលងអាធ្រាត្រឈានចូលថ្ងៃទី៥ ខែសីហា ឆ្នាំ២០១៩ តាមបណ្តោយផ្លូវជាតិលេខ៥ នៅចំណុចការាសសាំងតេលា ស្ថិតនៅក្នុងសង្កាត់ស្រះចក ខណ្ឌដូនពេញ ។
បុរសម្នាក់ជាជនបរទេសខាងលើមិនស្គាល់អត្តសញ្ញាណនៅទេ មានអាយុជាង៣០ឆ្នាំ ។
តាមប្រភពព័ត៌មានពីសាក្សីដែលឃើញហេតុការណ៍បានអោយដឹងថា មុនពេលកើតហេតុ គេបានឃើញបុរសជាជនបរទេសខាងលើមិនដឹងថាគាត់មានបញ្ហាអ្វី ឬមួយក៏បែកថ្នាំនោះទេបានជាស្លៀកតែខោលីអូ និងពាក់អាវយឺត រួចរត់សំដៅចូលក្នុងម៉ាតការាសសាំងតេលាមួយកន្លែងនៅផ្លូវជាតិលេខ៥នៅក្បែរគល់ស្ពានជ្រោយចង្វារបានអុកឡុកគេឯងធ្វើអោយផ្អើលភ្ញៀវរត់ចេញក្រៅ ហើយបុរសបរទេសម្នាក់នោះបានទាញទុយោសាំងបាញ់អស់៦ទៅ៧លីត្រ ត្រូវបានសន្តិសុខដេញចាប់យកចេញក្រៅរួចចងដៃចងជើង ។
តាមប្រភពដដែលបានបន្តថា បុរសជនជាតិបរទេសម្នាក់នោះនិយាយតែម្នាក់ឯង រហូតដល់ពេលគេសួរនាំទៅស្តាប់គ្នាមិនបានសោះ ហើយគេឃើញបុរសបរទេសម្នាក់នោះមានរបួសបាតជើងខាងឆ្វេង និងរងរបួសបែកមុខបែកមាត់ មិនដឹងថាមានអ្នកវាយធ្វើបាប ឬមួយមានស្រីលួចយកកាបូបលុយហើយដាក់ថ្នាំនោះទេ ។
ក្រោយពេលកើតហេតុ សមត្ថកិច្ចមូលដ្ឋានបានមកដល់ធ្វើការឃាត់ខ្លួនបុរសជនជាតិបរទេសម្នាក់នោះយកទៅប៉ុស្តិ៍ស្រះចកដើម្បីប្រគល់ទៅអោយខាងអន្តោប្រវេសន៍ធ្វើតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ