លោក Bill Gates ដែលជាសហគ្រិនដ៏ល្បីល្បាញ និងជាសហស្ថាបនិកក្រុមហ៊ុន Microsoft ជាមនុស្សដែលចូលចិត្តគិតគូពីអនាគត ។ លោកតែងតែធ្វើការជាមួយនឹងអ្នកបង្កើតបច្ចេកវិទ្យា ថ្មីៗ…
លោក Bill Gates ដែលជាសហគ្រិនដ៏ល្បីល្បាញ និងជាសហស្ថាបនិកក្រុមហ៊ុន Microsoft ជាមនុស្សដែលចូលចិត្តគិតគូពីអនាគត ។ លោកតែងតែធ្វើការជាមួយនឹងអ្នកបង្កើតបច្ចេកវិទ្យា ថ្មីៗ អ្នកដែលផ្លាស់ប្តូរវិស័យ ។ លើសពីនេះទៅទៀតលោកចូលចិត្តអានសៀវភៅទាក់ទិននឹងអនាគតរបស់មនុស្ស និងផ្តល់ថវិកាដល់គម្រោងដែលធ្វើឲ្យសហគមន៍ឈានទៅរកទំនើបកម្មផងដែរ ។
យោងទៅតាមទិន្នន័យដែលលោកបានប្រមូលពីបទពិសោធន៍ខាងលើមកនេះ លោកបានសរុបសេចក្តីថា ទីផ្សារកំពុងតែត្រូវការមនុស្សដែលមានជំនាញ៣ធំៗ គឺផ្នែកវិទ្យាសាស្ត្រ វិស្វកម្ម និងសេដ្ឋកិច្ច ។
លោក Gates បាននិយាយថា «ខ្ញុំគិតថា ចំណេះដឹងមូលដ្ឋានផ្នែកវិទ្យាសាស្ត្រ គណិតវិទ្យា និងសេដ្ឋកិច្ចនឹងមានតម្រូវការខ្ពស់ក្នុងទីផ្សារការងារនាពេលអនាគត។» ប្រាកដណាស់ អ្នកមិនចាំបាច់ត្រូវក្លាយជាអ្នកជំនាញផ្នែកគណិតវិទ្យា ឬចេះសរសេរកូដទេ ប៉ុន្តែការមានសមត្ថភាពក្នុងការគិតដូចអ្នកមានជំនាញខាងលើ នឹងជួយអ្នកយ៉ាងខ្លាំង ។ លោកបានបន្តថា «វាមិនចាំបាច់ថា អ្នកត្រូវតែសរសេរកូដដោយខ្លួនឯងទេ ប៉ុន្តែអ្នកត្រូវតែយល់ដឹងពីអ្វីដែលវិស្វកម្មអាចធ្វើបាន និងអ្វីដែលពួកគេមិនអាចធ្វើបាន។» លោកបានបន្ថែមថា មនុស្សដែលមានជំនាញទាំងបីខាងលើនេះអាចផ្លាស់ប្តូរវិស័យរបស់អ្នកយ៉ាងខ្លាំង ។
ជាមួយគ្នានេះផងដែរលោកគិតថា អ្នកដែលមានជំនាញទាំង៣ខាងលើអាចផ្លាស់ប្តូរពិភពលោកយ៉ាងខ្លាំងផងដែរ ក្នុងផ្នែកសុខភាពពិភពលោក និងការអភិវឌ្ឍន៍លោកបាននិយាយថា «ខ្ញុំចង់ជំរុញដល់អ្នកបង្កើតកម្មវិធី Software អ្នកបង្កើតបច្ចេកវិទ្យាថ្មីៗ និងអ្នកវិទ្យាសាស្ត្រឲ្យពិចារណាពីការដែលពួកគេអាចប្រើជំនាញ ដើម្បីប្រឆាំងនឹងវិសមភាព ។ វាពិតជា ផ្តល់អត្ថប្រយោជន៍ច្រើន ។
អ្នកមានឱកាសក្នុងការរៀនសូត្រពីមនុស្សដែលមានសមត្ថភាពដូចជា អ្នកធ្វើការក្នុងផ្នែកសុខាភិបាល កសិករ អ្នកនយោបាយធំៗ និងសហការជាមួយពួកគេ ដើម្បីបង្កើតឧបករណ៍មួយដែលផ្តល់ថាមពលដល់ពួកគេ» ៕ កែសម្រួលដោយ ៖សុឃាក់
ចែករំលែកព័តមាននេះ