រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ស្ត្រីម្នាក់ត្រូវជនរងគ្រោះប្រទះឃើញរួចឃាត់ខ្លួនប្រគល់ឱ្យនគរបាលប៉ុស្តិ៍ច្រាំងចំរេះទី២ ចាត់ការតាមច្បាប់ បន្ទាប់ពីឆបោកប្រាក់៥ម៉ឺនដុល្លារ ដោយសន្យាដឹកខ្សាច់ទៅខេត្តព្រះសីហនុ ហើយមិនដឹកឱ្យនោះទេ ថែមទាំងគេចខ្លួន តែគេចមិនផុត។…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ស្ត្រីម្នាក់ត្រូវជនរងគ្រោះប្រទះឃើញរួចឃាត់ខ្លួនប្រគល់ឱ្យនគរបាលប៉ុស្តិ៍ច្រាំងចំរេះទី២ ចាត់ការតាមច្បាប់ បន្ទាប់ពីឆបោកប្រាក់៥ម៉ឺនដុល្លារ ដោយសន្យាដឹកខ្សាច់ទៅខេត្តព្រះសីហនុ ហើយមិនដឹកឱ្យនោះទេ ថែមទាំងគេចខ្លួន តែគេចមិនផុត។ ការចាប់ខ្លួនស្ត្រីឆបោកនេះបានកើតឡើងកាលពីរសៀលថ្ងៃទី០៣ ខែសីហា ឆ្នាំ២០១៩ ស្ថិតនៅភូមិខ.១ សង្កាត់ច្រាំងចំរេះទី២ ខណ្ឌឫស្សីកែវ។
ជនសង្ស័យឆកបោកខាងលើឈ្មោះ ហង់ វណ្ណី ភេទស្រី អាយុ៥៣ឆ្នាំ មុខរបរលក់ដូរ និងជាអ្នកគប់ជេរខ្សាច់ មានទីលំនៅស្នាក់នៅផ្ទះជួល ក្រុម៧ ភូមិខ.១ សង្កាត់ច្រាំងចំរេះទី២ ខណ្ឌឫស្សីកែវ ។ ចំណែកជនរងគ្រោះជាដើមបណ្តឹងឈ្មោះ ស៊ូ ធីវុត្ថា ភេទប្រុស អាយុ៣៣ឆ្នាំ មានទីលំនៅផ្ទះលេខ៤៥ ផ្លូវលេខ១២ សង្កាត់តាខ្មៅ ក្រុងតាខ្មៅ ខេត្តកណ្តាល មុខរបរលក់ដូរ។
តាមនគរបាលខណ្ឌឬស្សីកែវ បានឱ្យដឹងថា ជនសង្ស័យត្រូវបានជនរងគ្រោះឃាត់ខ្លួនប្រគល់ឱ្យសមត្ថកិច្ច បន្ទាប់ពីប្រើល្បិចឆបោកយកប្រាក់អស់ចំនួន៥ម៉ឺនដុល្លារ រួចគេចខ្លួនបាត់ ។ ជនសង្ស័យនេះ ជាអ្នករកស៊ីគុបជេរខ្សាច់ ហើយត្រូវជនរងគ្រោះទាក់ទងឱ្យដឹកខ្សាច់ទៅខេត្តព្រះសីហនុ។ ខណៈនោះអ្នកទាំង២ក៏បានឯកភាពគ្នា នៅថ្ងៃទី១១ ខែមិថុនា ឆ្នាំ២០១៩ ជនសង្ស័យក៏បានទទួលប្រាក់កក់ចំនួន១ម៉ឺន ដោយសន្យាដឹកខ្សាច់ឱ្យជនរងគ្រោះ។
តាមនគរបាលបានឱ្យដឹងទៀតថា លុះនៅថ្ងៃទី១៩ មិថុនា ជនសង្ស័យបានទទួលប្រាក់កក់ចំនួន៤ម៉ឺនដុល្លារបន្ថែមទៀត ដោយសន្យាដឹកខ្សាច់ឱ្យជនរងគ្រោះ។ បន្ទាប់ពីទទួលប្រាក់២លើក សរុបចំនួន៥ម៉ឺនដុល្លាររួច តែជនសង្ស័យពុំបានដឹកខ្សាច់ឱ្យនោះទេ បែរជាព្យាយាមគេចខ្លួនបាត់រហូត តែនៅរសៀលថ្ងៃទី០៣ ខែសីហា ម្ចាស់ប្រាក់ក៏បានប្រទះឃើញ ហើយឃាត់ខ្លួនប្រគល់ឱ្យសមត្ថកិច្ច ដើម្បីចាត់ការតាមច្បាប់តែម្តង។ (កែសម្រួលដោយ ៖ បុប្ផា)
ចែករំលែកព័តមាននេះ