ក្លិប Brighton ទិញ Adam Webster បានដោយជោគជ័យ
តាមប្រភពព័ត៌មាន The Sun បានឱ្យដឹងថា ក្លិប Brighton បានបញ្ជាក់ជាផ្លូវការថា Adam Webster នឹងក្លាយទៅជាកីឡាកររបស់ខ្លួនជាមួយនឹងកុងត្រារយៈពេល៤ឆ្នាំ…
តាមប្រភពព័ត៌មាន The Sun បានឱ្យដឹងថា ក្លិប Brighton បានបញ្ជាក់ជាផ្លូវការថា Adam Webster នឹងក្លាយទៅជាកីឡាកររបស់ខ្លួនជាមួយនឹងកុងត្រារយៈពេល៤ឆ្នាំ…
តាមប្រភពព័ត៌មាន The Sun បានឱ្យដឹងថា ក្លិប Brighton បានបញ្ជាក់ជាផ្លូវការថា Adam Webster នឹងក្លាយទៅជាកីឡាកររបស់ខ្លួនជាមួយនឹងកុងត្រារយៈពេល៤ឆ្នាំ ក្រោយចាកចេញពី Bristol City ក្នុងតម្លៃ២២លានផោន ។
គ្រូបង្វឹកក្លិបសត្វរំពេ Brighton លោក Grahm Potter បានជះលុយទៅលើកីឡាករអាយុ២៤ឆ្នាំ ដោយសារតែ Manchester United ទិញយកកីឡាករ Maguire ពី Leicester ក្នុងតម្លៃ៨៥លានផោន ។ មូលហេតុអ្វីបានជាមានទំនាក់ទំនងគ្នាបែបនេះទៅវិញ ? នោះ គឺមកពី Leicester ក្រោយពីរបូត Maguire ទៅបាត់ បានមកទិញ Lewis Dunk ពីក្លិប Brighton ដែលតម្រូវឱ្យ Brighton ខំរកកីឡាករផ្សេងទៀតមកជំនួស ។ កីឡាករម្នាក់នោះ គឺជា Webster ដែលទើបតែទិញបាននេះហើយ ។
គ្រូបង្វឹក Brighton លោក Potter បានប្រាប់ថា៖ «Adam គឺជាកីឡាករដែលក្លិបបានស្គាល់ពីមុនមកហើយ ។ គេ គឺជាខ្សែការពារដែលមានគុណភាព គ្រប់គ្រងបាល់បានល្អ និងមានលក្ខណៈគ្រប់គ្រាន់សម្រាប់អ្វីដែលយើងកំពុងចង់បាន។» លោកបានបន្តថា៖ «ទោះបីជាគេមានអាយុតិចក៏ដោយ គេមានបទពិសោធន៍ល្អៗជាច្រើនពីការប្រកួតកន្លងមកដែលគេធ្លាប់លេង។»
គួរបញ្ជាក់ផងដែរថា Webster ចាប់ផ្តើមអាជីពជាកីឡាករបាល់ទាត់នៅក្លិប Portsmouth កាលពីឆ្នាំ២០១២ មុនពេលចាកចេញទៅលេងនៅក្លិប Ipswich ៤ឆ្នាំក្រោយ ។ ក្នុងរយៈពេលកន្លងមកនេះ គេបានធ្វើឱ្យក្លិបផ្សេងៗទៀតចាប់អារម្មណ៍គួរសមទៅលើការលេងរបស់គេ ៕ កែសម្រួលដោយ ៖ សុឃាក់
ចែករំលែកព័តមាននេះ