គ្រូបង្វឹកបិសាចក្រហមជឿជាក់ថា Paul Pogba នឹងនៅបន្ត
តាមប្រភពព័ត៌មាន The Sun បានឱ្យដឹងថា គ្រូបង្វឹករបស់ក្លិបបិសាចក្រហម Manchester United លោក Ole Gunnar…
តាមប្រភពព័ត៌មាន The Sun បានឱ្យដឹងថា គ្រូបង្វឹករបស់ក្លិបបិសាចក្រហម Manchester United លោក Ole Gunnar…
តាមប្រភពព័ត៌មាន The Sun បានឱ្យដឹងថា គ្រូបង្វឹករបស់ក្លិបបិសាចក្រហម Manchester United លោក Ole Gunnar Solskjaer ជឿជាក់ថា Paul Pogba ដែលល្បីថា ចង់ចេញពីក្លិបនឹងនៅលេងបន្តទៀតនៅរដូវកាលក្រោយ ។
លោក Solskjaer រំពឹងថា កីឡាករតម្លៃ៨៩លានផោន របស់លោកនឹងនៅលេងបន្តទៀត ហើយអាចទៅប្រកួតតទល់នឹង Chelsea នៅសប្តាហ៍ក្រោយ ។ កីឡាករបារាំងម្ចាស់ពាន World Cup រូបនេះមិនបានទៅប្រកួតនៅ Cardiff ជាមួយនឹងមិត្តរួមក្រុមកាលពីថ្ងៃសៅរ៍ សម្រាប់ការប្រកួតត្រៀមបើករដូវកាលលក្ខណៈមិត្តភាពជាមួយនឹង AC Milan ។ Pogba ត្រូវបានគេដឹងថា កំពុងតែខំប្រឹងយ៉ាងខ្លាំង ដើម្បីអាចទៅលេងនៅ Real Madrid ។
បើទោះបីជាមហាជនគិតថា ការមិនទៅប្រកួតរបស់ Pogba កាលពីថ្ងៃសៅរ៍ គឺមកពីចិត្តមិនចង់នៅ Man Utd បន្តក៏ដោយលោក Solskjaer នៅតែនិយាយដោយជឿជាក់ថា ៖ « ខ្ញុំមិនមានការសង្ស័យសោះឡើយថា Pogba នៅលេងបន្តនៅរដូវកាលក្រោយ ។ គេមិនមានរបួសទេ តែគេមានការឈឺចាប់ ហើយមិនចង់ទៅប្រកួតប្រថុយប្រថានឱ្យការឈឺចាប់កាន់តែខ្លាំង ។ ខ្ញុំដឹងថា គេនៅមិនទៅ Cardiff ទេ ព្រោះខ្ញុំបាននិយាយជាមួយគេ កាលពីថ្ងៃសុក្ររួចហើយ ក្រោយការហ្វឹកហាត់។»គ្រូបង្វឹកម្នាក់នេះបានបន្តថា៖ «គេប្រហែលជាអាចចូលហ្វឹកហាត់វិញ នៅរដូវកាលក្រោយ ហើយខ្ញុំសង្ឃឹមថា គេនឹងអាចប្រកួតតទល់នឹង Chelsea ដោយគ្មានបញ្ហា។»
គួរបញ្ជាក់ផងដែរថា ខណៈដែលលោក Solskjaer នៅតែមានទំនុកចិត្តបែបនេះក៏ដោយ ភ្នាក់ងាររបស់ Pogba លោក Mino Raiola កាលពីខែមុនបានប្រាប់ថា លោកកំពុងតែធ្វើការដុតដៃដុតជើង ដើម្បីផ្លាស់ប្តូរ Pogba ទៅកាន់ក្លិប Real Madrid ៕ កែសម្រួលដោយ ៖សុឃាក់
ចែករំលែកព័តមាននេះ