ខេត្តរតនគិរី ៖ បើតាមសេចក្តីរាយការណ៍បឋមបានឱ្យដឹងថា កម្លាំងអាវុធហត្ថស្រុកអូរយ៉ាដាវ បានស្ទាក់បង្ក្រាបបានរថយន្តសាំយ៉ុងមួយគ្រឿងដែលដឹកធ្យូងបង្កប់ដោយឈើ ហើយបំរុងឆ្លងដែនខុសច្បាប់ទៅប្រទេសវៀតណាម យកមកប្រគល់ឱ្យជំនាញ។ ការបង្ក្រាបរថយន្តសាំយ៉ុងនេះសមត្ថកិច្ចបានធ្វើឡើងនៅព្រឹកថ្ងៃទី០៣ ខែសីហា ឆ្នាំ២០១៩…
ខេត្តរតនគិរី ៖ បើតាមសេចក្តីរាយការណ៍បឋមបានឱ្យដឹងថា កម្លាំងអាវុធហត្ថស្រុកអូរយ៉ាដាវ បានស្ទាក់បង្ក្រាបបានរថយន្តសាំយ៉ុងមួយគ្រឿងដែលដឹកធ្យូងបង្កប់ដោយឈើ ហើយបំរុងឆ្លងដែនខុសច្បាប់ទៅប្រទេសវៀតណាម យកមកប្រគល់ឱ្យជំនាញ។ ការបង្ក្រាបរថយន្តសាំយ៉ុងនេះសមត្ថកិច្ចបានធ្វើឡើងនៅព្រឹកថ្ងៃទី០៣ ខែសីហា ឆ្នាំ២០១៩ នៅចំណុចភូមិអ៊ុន ឃុំលំជ័រ ស្រុកអូរយ៉ាដាវ។
ប្រភពពីសមត្ថកិច្ចបានឱ្យដឹងថា ឈើដែលបង្ក្រាបនេះ ជាប្រភេទឈើសុក្រំចំនួន៧សន្លឹក និងធ្យូងមានចំនួន៥៥បាវ ដែលដឹកបំរុងឆ្លងដែនដោយខុសច្បាប់ទៅប្រទេសវៀតណាមតាមរថយន្តម៉ាកសាំយ៉ុងពាកស្លាក់លេខ ភ្នំពេញ ២N.២៥៤២។ ក្រោយពេលបង្ក្រាបបានកងរាជអាវុធហត្ថបានយករថយន្តល្មើសច្បាប់ដឹកធ្យូងបង្កប់ឈើខាងលើនេះ ប្រគល់ឱ្យទៅខាងរដ្ឋបាលព្រៃឈើផ្នែកបរកែវ ដើម្បីចាត់ការបន្តតាមនីតិវិធី។
បើតាមប្រភពពីប្រពលរដ្ឋដែលរស់នៅតាមដងផ្លូវជាតិបានឱ្យដឹងថា សព្វថ្ងៃនេះ គេសង្កេតឃើញមានរថយន្តដឹកធ្យូងទាំងនេះ ចាប់ផ្តើមកក្រើកឡើងសារជាថ្មីទៀត ហើយតែងតែលួចបង្កប់ឈើបើកបរយ៉ាងគំហុកទៀតផង ទើបឈានដល់មានការបង្ក្រាបនេះ។ (កែសម្រួលដោយ ៖ បុប្ផា)
ចែករំលែកព័តមាននេះ