រាជធានីភ្នំពេញ ៖ បុរសម្នាក់បានស្លាប់ភ្លាមៗនៅកន្លែងកើតហេតុ បន្ទាប់ពីបានបើកបររថយន្តមួយគ្រឿងបោះពួយយ៉ាងលឿនរួចក៏រេចង្កូតធ្លាក់ផ្លូវទៅបុកបង្គោលភ្លើងមួយដើម បណ្តាលឱ្យជនរងគ្រោះបោកនឹងចង្កូតរថយន្តបាក់កស្លាប់។ ហេតុការណ៍ខាងលើនេះបង្កឲ្យមានការភ្ញាក់ផ្អើលកើតោះង កាលពីវេលាម៉ោង១១និង៥០នាទី ថ្ងៃទី២ ខែសីហា ឆ្នាំ២០១៩…
រាជធានីភ្នំពេញ ៖ បុរសម្នាក់បានស្លាប់ភ្លាមៗនៅកន្លែងកើតហេតុ បន្ទាប់ពីបានបើកបររថយន្តមួយគ្រឿងបោះពួយយ៉ាងលឿនរួចក៏រេចង្កូតធ្លាក់ផ្លូវទៅបុកបង្គោលភ្លើងមួយដើម បណ្តាលឱ្យជនរងគ្រោះបោកនឹងចង្កូតរថយន្តបាក់កស្លាប់។
ហេតុការណ៍ខាងលើនេះបង្កឲ្យមានការភ្ញាក់ផ្អើលកើតោះង កាលពីវេលាម៉ោង១១និង៥០នាទី ថ្ងៃទី២ ខែសីហា ឆ្នាំ២០១៩ ត្រង់ចំណុចខាងលិចសាលាបឋមសិក្សាភ្នំពេញថ្មី ប្រមាណ៥០០ម៉ែត្រ ស្ថិតតាមបណ្ដោយផ្លូវ២៨គ្រួសារ ក្នុងភូមិរោងចក្រ សង្កាត់គោកឃ្លាង ខណ្ឌសែនសុខ។
ជនរងគ្រោះដែលស្លាប់ឈ្មោះ ឌៀប ជុងគៀក ភេទប្រុស អាយុ៣៣ឆ្នាំ ជាអ្នកលក់គ្រឿងតុបតែងរថយន្ត ស្នាក់នៅក្នុងសង្កាត់បឹងកក់ទី២ ខណ្ឌទួលគោក ជាអ្នកបើកបររថយន្តមួយគ្រឿង ពណ៌ទឹកប៊ិចខ្ចី ពាក់ស្លាកលេខ បាត់ដំបង ២A-៥៨០១។
បើតាមប្រភពពីសមត្ថកិច្ចមូលដ្ឋានដែលទទួលព័ត៌មានពីប្រជាពលរដ្ឋដែលឃើញហេតុការណ៍បានរៀបរាប់ប្រាប់ឱ្យដឹងថា នៅមុនពេលកើតហេតុ គេឃើញបុរសរងគ្រោះបើកបររថយន្តមួយគ្រឿង ធ្វើដំណើរតាមបណ្ដោយផ្លូវ២៨គ្រួសារ ក្នុងល្បឿនលឿន ទិសដៅពីលិចទៅកើត ។
តាមប្រភពដដែលបានបន្តថា លុះមកដល់ចំណុចកើតហេតុខាងលើ ក៏ស្រាប់តែរថយន្តខាងលើបានរេចង្កូតទៅខាងស្ដាំ ធ្លាក់ចេញពីផ្លូវ រួចក៏ជ្រុលទៅបុកបង្គោលភ្លើងមួយដើមដែលនៅតាមចិញ្ចើមផ្លូវ បណ្ដាលឲ្យរថយន្តរងការខូចខាតក្រពឹតផ្នែកខាងមុខយ៉ាងដំណំកៀបជាប់នឹងបង្គោលភ្លើង ចំណែកឯអ្នកបើកបរបានបោកទៅនឹងដៃចង្កូតរថយន្តបណ្តាលឲ្យរងរបួសយ៉ាងធ្ងន់ធ្ងរ។
តាមប្រភពដដែលបានបន្តទៀតថា បន្ទាប់ពីកើតហេតុក៏មានប្រជាពលរដ្ឋដែលឃើញហេតុការណ៍បានរាយការណ៍ជូនសមត្ថកិច្ចមូលដ្ឋាន និងទាក់ទាញហៅរថយន្តសង្គ្រោះឲ្យចុះមកកន្លែងកើតហេតុដែរ តែជាអកុសលពេលរថយន្តសង្គ្រោះបានមកដល់ ហើយគ្រូពេទ្យធ្វើការពិនិត្យទើបដឹងថាបុរសរងគ្រោះបាក់កស្លាប់បាត់ទៅហើយ។
ក្រោយពេលកើតហេតុ សមត្ថកិច្ចមូលដ្ឋាន និងសមត្ថកិច្ចជំនាញក៏បានចុះមកដល់កន្លែងកើតហេតុ ដើម្បីធ្វើការវាស់វែងនិងស្ទូចយករថយន្តរបស់ជនរងគ្រោះទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ។ ដោយឡែកសពបុរសរងគ្រោះត្រូវបានសមត្ថកិច្ចស្រាវជ្រាវស្វែងរកសាច់ញាតិ និងប្រគល់ឱ្យដើម្បីយកទៅធ្វើបុណ្យទៅតាមប្រពៃណីនៅឯវត្តទឹកថ្លា៕ (កែសម្រួលដោយ ៖ ធីតា)
ចែករំលែកព័តមាននេះ