ខេត្តស្វាយរៀង ៖ ប៉ុន្មានថ្ងៃចុងក្រោយនេះ ឈ្មួញចាប់ដើរប្រមូលទិញជ្រូករស់ពីប្រជាកសិករអ្នកចិញ្ចឹមជ្រូកជាលក្ខណៈគ្រួសារ ក្នុង១គីឡូក្រាម៦,៣០០រៀល ហើយអ្នកចិញ្ចឹមជ្រូកមានការត្រេកអរពោលថា ពួកគាត់មានដង្ហើមរស់វិញហើយ និងអគុណដល់សម្តេចតេជោហ៊ុន សែន ប្រមុខរាជរដ្ឋាភិបាលបានប្រកាសពិសារសាច់ជ្រូក…
ខេត្តស្វាយរៀង ៖ ប៉ុន្មានថ្ងៃចុងក្រោយនេះ ឈ្មួញចាប់ដើរប្រមូលទិញជ្រូករស់ពីប្រជាកសិករអ្នកចិញ្ចឹមជ្រូកជាលក្ខណៈគ្រួសារ ក្នុង១គីឡូក្រាម៦,៣០០រៀល ហើយអ្នកចិញ្ចឹមជ្រូកមានការត្រេកអរពោលថា ពួកគាត់មានដង្ហើមរស់វិញហើយ និងអគុណដល់សម្តេចតេជោហ៊ុន សែន ប្រមុខរាជរដ្ឋាភិបាលបានប្រកាសពិសារសាច់ជ្រូក ធ្វើឲ្យមហាជនចាប់ផ្តើមបរិភោគសាច់ជ្រូកជាបណ្តើរៗឡើងវិញ។
ឈ្មួញបានចាប់ផ្តើមប្រមូលទិញជ្រូកឡើងវិញដែរ ទោះបីតម្លៃជ្រូករស់ចុះថោកជាងមុន តែពួកគាត់មានសង្ឃឹមមិនខាតបង់ដើមទុនច្រើនពេក។ ឈ្មួញដើរប្រមូលទិញជ្រូកតាមផ្ទះនេះ កើតឡើងនៅថ្ងៃទី២ សីហា នៅស្រុកចំនួន៣ គឺស្រុកស្វាយជ្រំ(ឃុំធ្លក) ស្រុករំដួល និងស្រុករមាសហែក ។
បើតាមឈ្មួញអ្នកទិញជ្រូកម្នាក់ ដែលមានរថយន្តម៉ាកTOYOTAពាក់ស្លាកលេខកំពង់ចាម2A-2297 បានឲ្យដឹងថា ដោយមានការប្រកាសពីប្រមុខរាជរដ្ឋាភិបាល ឱ្យបរិភោគសាច់ជ្រូកឡើងវិញ ប្រជាពលរដ្ឋចាប់ផ្តើមបរិភោគសាច់ជ្រូកវិញជាបណ្តើរៗ ជាពិសេស តាមស្តង់ម៉ូយលក់សាច់ជ្រូកនៅរាជធានីភ្នំពេញ ប្រមូលទិញជ្រូករស់ឡើងវិញ ទើបពួកគាត់មកប្រមូលទិញនៅតាមផ្ទះប្រជាពលរដ្ឋនៅឃុំធ្លកស្រុកស្វាយជ្រំបានជ្រូក០៩ក្បាលយកទៅឲ្យម៉ូយ ។
រីឯម្ចាស់រថយន្តម្នាក់ទៀត ដឹកជ្រូក២០ក្បាល គឺទិញជ្រូកពីប្រជាពលរដ្ឋស្រុករមាសហែកយកទៅឲ្យម៉ូយនៅភ្នំពេញដែរ ។ ចំណែកម្ចាស់ដេប៉ូទិញលក់ជ្រូកឈ្មោះមួន នៅភូមិបាក់រនាស់សង្កាត់សង្ឃរ័ ក្រុងស្វាយរៀង បានប្រមូលទិញជ្រូករស់បានឲ្យដឹងថា នៅតាមផ្សារក្នុងខេត្តស្វាយរៀងចាប់ផ្តើមមានលក់សាច់ជ្រូកជាបណ្តើរៗវិញ ។
ជាក់ស្តែង នៅថ្ងៃទី២សីហានេះ គឺទិញជ្រូកខ្មែរយើងតាមផ្ទះបានប្រមាណជាង៦០ក្បាល(ក្នុង១គីឡូ៦,៣០០រៀង) និងជ្រូករបស់ក្រុមហ៊ុនស៊ីភី(ក្នុង១គីឡូ២ដុល្លារ) ២០ក្បាលសម្រាប់ផ្គត់ផ្គង់ទីផ្សារម៉ូយនៅរាជធានីភ្នំពេញនិងតាមផ្សារក្នុងខេត្ត។គឺដឹកយកទៅភ្នំពេញ៤០ក្បាល នៅតាមស្រុកក្នុងខេត្តស្វាយរៀង២០ក្បាល ។ (សម្រួលដោយ៖ ស្រីណា)
ចែករំលែកព័តមាននេះ