ខេត្តសៀមរាប ៖ សេចក្តីរាយការណ៍បឋមបានឲ្យដឹងថា កម្លាំងនគរបាលការិយាល័យស៊ើបអង្កេត និងអនុវត្តនីតិវិធីសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់ស្វាយដង្គំដឹកនាំដោយកម្លាំងលោក ជា គឹម សាន ស្នងការរងទទួលផែនការិយាល័យអន្តោប្រវេសន៍ខេត្ត និងដឹកនាំសម្របសម្រួលនីតិវិធីដោយ…
ខេត្តសៀមរាប ៖ សេចក្តីរាយការណ៍បឋមបានឲ្យដឹងថា កម្លាំងនគរបាលការិយាល័យស៊ើបអង្កេត និងអនុវត្តនីតិវិធីសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់ស្វាយដង្គំដឹកនាំដោយកម្លាំងលោក ជា គឹម សាន ស្នងការរងទទួលផែនការិយាល័យអន្តោប្រវេសន៍ខេត្ត និងដឹកនាំសម្របសម្រួលនីតិវិធីដោយ លោក រៀម ច័ន្ទម្នី ព្រះរាជអាជ្ញារងអមសាលាដំបូងខេត្តសៀមរាបបានចុះបង្ក្រាបទីតាំងបើកល្បែងស៊ីសងខុសច្បាប់តាមប្រព័ន្ធអ៊ីនធឺណិត និងឈានដល់ធ្វើការឃាត់ខ្លួនម្ចាស់ទីតាំងជនជាតិចិន និងអ្នកលេងចំនួន៧នាក់ ។
ហេតុការណ៍ឃាត់ខ្លួននេះធ្វើឡើងនៅល្ងាចថ្ងៃទី០១ ខែសីហា ឆ្នាំ២០១៩ ស្ថិតនៅភូមិគ្រួស សង្កាត់ស្វាយដង្គំ ក្រុង-ខេត្តសៀមរាប ។ លោកឧត្ដមសេនីយ៍ត្រី ជា គឹមសាន ស្នងការរង ទទួលផែនអន្តោប្រវេសន៍នៃស្នងការដ្ឋាននគរបាលខេត្តសៀមរាបបានប្រាប់ឱ្យដឹងនៅរសៀលថ្ងៃទី២ ខែសីហា ឆ្នាំ២០១៩នេះថា ក្នុងប្រតិបត្តិការដ៏ក្តៅគគុកនេះកម្លាំងនគរបាលជំនាញនៃស្នងការនគរបាលខេត្តដឹកនាំសម្របសម្រួលនីតិវិធីដោយលោក រៀម ច័ន្ទម្នី ព្រះរាជអាជ្ញារងអមសាលាដំបូងខេត្តសៀមរាបបានចុះបង្ក្រាបទីតាំងបើកល្បែងស៊ីសងខុសច្បាប់ តាមប្រព័ន្ធអ៊ីនធឺណិត និងឈានដល់ធ្វើការបានឃាត់ខ្លួនជនសង្ស័យចំនួន០៧នាក់ ភេទប្រុស ជនជាតិចិន រួមនឹងវត្ថុតាងមានដូចជា កុំព្យូទ័រយួរដៃចំនួន០៥គ្រឿង-ទូរស័ព្ទដៃចំនួន១៥គ្រឿង-ម៉ូដឹម wifi ចំនួន០៣-ស៊ីមកាត មួយចំនួន រួមនឹងវត្ថុតាងសម្ភារៈមួយចំនួនទៀត បញ្ជូនមកសាកសួរនៅការិយាល័យជំនាញនៃស្នងការនគរបាលខេត្ត ។
លោកបញ្ជាក់ថា ជនសង្ស័យ(ជនជាតិចិនទាំង០៧នាក់)មានដូចខាងក្រោមទី១-ឈ្មោះ ZHU QINZE ភេទប្រុស អាយុ៣១ឆ្នាំ ជនជាតិចិន កាន់លិខិតឆ្លងដែនលេខ EG៥១៣៩៣០៦ ។ ទី២-ឈ្មោះ NIU WENPENG ភេទប្រុស អាយុ២៧ឆ្នាំ ជនជាតិចិន កាន់លិខិតឆ្លងដែនលេខ EG៦៨៤៦៦១៦ ។ ទី៣-ឈ្មោះ FENG GUIWEI ភេទប្រុស អាយុ២៩ឆ្នាំ ជនជាតិចិន កាន់លិខិតឆ្លងដែនលេខ EG៣០០៩០៩៦ ។ ទី៤-ឈ្មោះ HU JIASONG ភេទប្រុស អាយុ២៤ឆ្នាំ ជនជាតិចិនកាន់លិខិតឆ្លងដែនលេខ EG៤២៥១២៨៤ ។ ទី៥-ឈ្មោះ WU ZHAN ភេទប្រុស អាយុ៣០ឆ្នាំ ជនជាតិចិន កាន់លិខិតឆ្លងដែនលេខ EF៩៤១៣៩៨២ ។ ទី៦-ឈ្មោះ GUO YONGQIANG ភេទប្រុស អាយុ២៧ឆ្នាំ ជនជាតិចិនមិនមានលិខិតឆ្លងដែនជាប់ខ្លួន ។ និងទី៧-ឈ្មោះ OU KUNPING ភេទប្រុស អាយុ៤១ឆ្នាំ ជនជាតិចិន មិនមានលិខិតឆ្លងដែនជាប់ខ្លួន ។
បច្ចុប្បន្នជនសង្ស័យទាំង០៧នាក់កំពុងសាកសួរនៅការិយាល័យស៊ើបអង្កេត និងអនុវត្តនីតិវិធី នៃស្នងការដ្ឋាននគរបាលខេត្តសៀមរាប ដើម្បីបញ្ជូនបន្តទៅតុលាការខេត្តឱ្យចាត់ការតាមផ្លូវនីតិវិធីច្បាប់ ៕ កែសម្រួលដោយ ៖ សុឃាក់
ចែករំលែកព័តមាននេះ