ពូយកប្រាក់ខែទាំងអស់ទិញម៉ាស៊ីនលេងហ្គេមឱ្យក្មួយប្រុស ១៥ឆ្នាំក្រោយក្មួយធ្វើរឿងនឹកស្មានមិនដល់តបស្នងវិញ !
លោក ស្ទេវិន ង (Steven Ng) ជាសហគ្រិនម្នាក់ អាយុ២៤ឆ្នាំ ដែលបើកក្រុមហ៊ុន Elliot Havok…
លោក ស្ទេវិន ង (Steven Ng) ជាសហគ្រិនម្នាក់ អាយុ២៤ឆ្នាំ ដែលបើកក្រុមហ៊ុន Elliot Havok និងបានចាប់ផ្តើមអាជីវកម្មលក់នាឡិកា និងកាបូបដែលមានតម្លៃខ្ពស់ ។ ស្ទេវិន ង បានទទួលជោគជ័យយ៉ាងខ្លាំងនៅលើ Kickstarter ដោយរកប្រាក់បានជាង ៤០០,០០០ ដុល្លារសម្រាប់នាឡិកាប្រណីតរបស់គាត់ក្នុងចំណោមរបស់ផ្សេងទៀត ។
កាលពីមុនគ្រួសាររបស់ ស្ទេវិន ង មានជីវភាពក្រីក្រណាស់ ហើយកាលពី ១៥ ឆ្នាំមុនពូរបស់គាត់នៅប្រទេសចិនបានផ្តល់ឱ្យគាត់ និងបងប្រុសរបស់គាត់នូវអំណោយដ៏ល្អមួយគឺម៉ាស៊ីនលេងហ្គេម PS2 តាំងពីពួកគេនៅតូចៗម្លេះ ។ ពូរបស់ ស្ទេវិន ង បានចំណាយប្រាក់ខែរបស់គាត់មួយខែចំនួន៤០០ដុល្លារដើម្បីធ្វើឱ្យក្មួយប្រុសរបស់គាត់សប្បាយចិត្ត ។ ពួកគេបានសន្យាថាពួកគេនឹងតបស្នងសងគុណវិញនាពេលអនាគត ។
នៅទីបំផុតថ្មីៗនេះ ស្ទេវិន ង និងបងប្រុសរបស់គេបានផ្តល់អំណោយជារថយន្តថ្មីមួយគ្រឿងដល់ពូរបស់ពួកគេ ។ ស្ទេវិន ង បានចែករំលែករឿងរ៉ាវខ្លីមួយក្នុងចំណោមមិត្តភក្តិ និងក្រុមគ្រួសាររបស់គាត់នៅក្នុងបណ្តាញសង្គមហ្វេសប៊ុក ។
លោក ស្ទេវិន ង បានប្រាប់សាព័ត៌មាន NextShark ថា «ចំណុចសំខាន់នៃការចែករំលែកនេះគឺដើម្បីឱ្យប្រជាជនឈប់ព្រួយបារម្ភអំពីខ្លួនឯងខ្លាំង ហើយបោះជំហានទៅមុខ និងគិតពីអ្វីដែលសំខាន់» ។ ខ្ញុំស្អប់មនុស្សដែលគិតតែពីការងារដែលពួកគេចូលចិត្ត និងការធ្វើដំណើរ ប៉ុន្តែភ្លេចមើលថែរក្សាមនុស្សដែលស្រឡាញ់ពួកគេបំផុត ៕
ប្រភព៖ nextshark , កែសម្រួលដោយ ៖ សំណាង
ចែករំលែកព័តមាននេះ