សហរដ្ឋអាមេរិក ៖ បណ្ដាសារព័ត៌មានអាមេរិករាយការណ៍កាលពីថ្ងៃទី៣១កក្កដាថា កូនប្រុសរបស់ប្រមុខអាល់កៃដា អូសាម៉ាប៊ីនឡាដេនឈ្មោះហាមហ្សាប៊ីនឡាដេន ដែលគេចាត់ទុកថា ជាអ្នកនឹងស្នងតំណែងឪពុករបស់គេ ជាប្រមុខអាល់កៃដាស្លាប់បាត់ហើយ រួចសហរដ្ឋអាមេរិកនិយាយថា ជននោះអាចស្លាប់ដោយសារប្រតិបត្តិការអាមេរិកតាមសម្លាប់គេ។…
សហរដ្ឋអាមេរិក ៖ បណ្ដាសារព័ត៌មានអាមេរិករាយការណ៍កាលពីថ្ងៃទី៣១កក្កដាថា កូនប្រុសរបស់ប្រមុខអាល់កៃដា អូសាម៉ាប៊ីនឡាដេនឈ្មោះហាមហ្សាប៊ីនឡាដេន ដែលគេចាត់ទុកថា ជាអ្នកនឹងស្នងតំណែងឪពុករបស់គេ ជាប្រមុខអាល់កៃដាស្លាប់បាត់ហើយ រួចសហរដ្ឋអាមេរិកនិយាយថា ជននោះអាចស្លាប់ដោយសារប្រតិបត្តិការអាមេរិកតាមសម្លាប់គេ។
យោងតាមព័ត៌មាន របស់កាសែតញូវយ៉កថែមនិងរបស់ទូរទស្សន៍NBC ចេញផ្សាយនាថ្ងៃទី៣១កក្កដាថា សហរដ្ឋអាមេរិកមានតួនាទីមួយ ក្នុងប្រតិបត្តិការដែលសម្លាប់ហាមហ្សាប៊ីនឡាដេន។ ទូរទស្សន៍៍NBCគូសបញ្ជាក់មុននេះបន្តិចថា ក្រុងវ៉ាស៊ិនតោនទទួលបានព័ត៌មាននានា ពីផ្នែកស៊ើបការណ៍ដែលអះអាងពីការស្លាប់របស់ហាមហ្សា។
ពេលបណ្ដាអ្នកកាសែតសួរលោកពីព័ត៌មាននោះរបស់NBC ប្រធានាធិបតីអាមេរិកលោកដូណាល់ត្រាំលើកឡើងថា ខ្ញុំមិនចង់ធ្វើអត្ថាធិប្បាយលើរឿងនេះទេ។
សារព័ត៌មានទាំង២មិនបានលើកពីកាលបរិច្ឆេទនិងទីកន្លែងនៃការស្លាប់របស់ហាមហ្សា ឬថាតើគេស្លាប់ដោយរបៀបណាឡើយ។ ហាមហ្សាប៊ីនឡាដេនត្រូវបានចាត់ទុក ជាកូនប្រុសសំណព្វចិត្តរបស់ប៊ីនឡាដេន រហូតដល់ជាអ្នកបន្តវេនជាប្រមុខអាល់កៃដាទៀតផង។ ជននោះមានអាយុប្រមាណជា៣០ឆ្នាំ៕ (កែសម្រួលដោយ ៖ បុប្ផា)
ចែករំលែកព័តមាននេះ