រាជនានីភ្នំពេញ ៖ ក្រុមហ៊ុនផលិតភេសជ្ជៈប៉ូវកម្លាំង វើក សម្តែងនូវភាពត្រេកអរដែលទទួលបានអ្នកចុះឈ្មោះចូលរួមរត់ក្នុងទិវាកីឡាម៉ារ៉ាតុងចក្រភពខ្មែរលើកទី ៦ រហូតទៅដល់ ៣៥០០ នាក់ ដែលជាចំនួនកើនឡើងប្រមាណ…
រាជនានីភ្នំពេញ ៖ ក្រុមហ៊ុនផលិតភេសជ្ជៈប៉ូវកម្លាំង វើក សម្តែងនូវភាពត្រេកអរដែលទទួលបានអ្នកចុះឈ្មោះចូលរួមរត់ក្នុងទិវាកីឡាម៉ារ៉ាតុងចក្រភពខ្មែរលើកទី ៦ រហូតទៅដល់ ៣៥០០ នាក់ ដែលជាចំនួនកើនឡើងប្រមាណ ២០ ភាគរយ បើប្រៀបធៀបទៅនឹងឆ្នាំមុន ។ ក្នុងនោះមានប្រទេសចំនួន ៤៨ ប្រទេសចូលរួម ហើយមាន ១៥៥០ នាក់ជាជនបរទេស ខណៈពេលដែលព្រឹត្តិការណ៍នេះនៅសល់ត្រឹមតែ ៤ ថ្ងៃទៀតតែប៉ុណ្ណោះនឹងកើតឡើងនៅមុខប្រាសាទអង្គរវត្ត វេលាម៉ោង ៥ ព្រឹក តទៅ ។
លោកស្រី គង់ កុសល នាយិកាទីផ្សារផលិតផលភេសជ្ជៈ ខ្មែរ ប៊ែវើរិជិស បានសម្តែងនូវភាពត្រេកអរថា «ក្នុងនាមជាម្ចាស់ឧបត្ថមធំក្នុងកម្មវិធីនេះ យើងពិតជាមានសេចក្តីសោមនស្សរីករាយបំផុត ដែលទទួលបានព័ត៌មាននៃការចុះឈ្មោះរត់ពីសំណាក់មហាជន ក្នុងកម្មវិធី ព្រឹត្តិការណ៍ម៉ារ៉ាតុងឆ្នាំនេះបន្តកើនឡើងរហូតដល់ ២០ ភាគរយ ព្រោះការចូលរួមនេះនឹងផ្តល់ផលប្រយោជន៍កាន់តែច្រើនដល់កុមារក្រីក្រ មន្ទីរពេទ្យ និង គម្រោងអង្គការអភិវឌ្ឍន៍ ដែលជាក្រុមគោលដៅនៃការបរិច្ចាគថវិកាដែលប្រមូលបានមកពីការចុះឈ្មោះរបស់មហាជន» ។
លោកស្រីក៏បានផ្តាំផ្ញើដល់អ្នកដែលបានចុះឈ្មោះរត់រួចរាល់ សូមត្រៀមខ្លួនហ្វឹកហាត់ សម្រាក និងបរិភោគអាហារឱ្យបានគ្រប់គ្រាន់ ដើម្បីត្រៀមរត់ឱ្យបានល្បឿនលឿន និង ឆាប់ដល់ទី ព្រោះពេលវេលានៃព្រឹត្តិការណ៍មកកាន់តែកៀកត្រឹមតែ ៤ ថ្ងៃទៀតតែប៉ុណ្ណោះ ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ