ប្រទេសកូរ៉េទាំង២ ៖ សេនាធិការដ្ឋានកងទ័ពកូរ៉េខាងត្បូងរាយការណ៍ថា បុរសកូរ៉េខាងត្បូងម្នាក់បានរត់ឆ្លងកាត់ព្រំដែនអន្តរកូរ៉េ ហើយនាព្រឹកថ្ងៃទី៣១កក្កដា ស្ថិតក្រោមការឃុំទុករបស់កូរ៉េខាងត្បូង។
អត្តសញ្ញាណរបស់បុរសនោះក៏ដូចជាហេតុផលនៃការរត់ភៀសខ្លួនរបស់គេ កាត់ព្រំដែនដែលមានកិច្ចការពារមាំទាំបំផុតនោះមិនត្រូវបានបញ្ជាក់ឡើយ។ យោងតាមកងទ័ពកូរ៉េខាងត្បូងថា បុរសនោះត្រូវបានប្រទះឃើញកាលពីយប់ថ្ងៃទី៣១កក្កដា ខណៈរូបគេរត់កាត់់ព្រំដែនមកកាន់កូរ៉េខាងត្បូង។ គេបានសួរចម្លើយថាតើគេឆ្លងកាត់ព្រំដែនបានដោយរបៀបណានិងហេតុផលនៃការរត់ភៀសខ្លួនរបស់គេ។ ពុំមានចលនាខុសពីធម្មតារបស់កងទ័ពកូរ៉េខាងជើងឡើយនៅតាមបណ្ដោយព្រំដែន។
សរុបមានជនជាតិកូរ៉េខាងជើងជាង៣០.០០០នាក់ បានរត់មកកាន់កូរ៉េខាងត្បូងតាំងពីចប់សង្គ្រាមកូរ៉េមក។ នេះបើតាមតួលេខផ្លូវការរបស់ក្រុងសេអ៊ូល។ ប៉ុន្តែការរត់ភៀសខ្លួនកាត់តាមខ្សែបន្ទាត់ព្រំដែន បែងចែកកូរ៉េទាំង២កម្រមានណាស់។ ជនជាតិកូរ៉េខាងជើងភាគច្រើនដែលរត់គេចខ្លួនមកកាន់កូរ៉េខាងត្បូង ភាគច្រើនរត់មកកាត់តាមប្រទេសចិន។
កាលពីខែវិច្ឆិកាឆ្នាំ២០១៧ទាហានកូរ៉េខាងជើងម្នាក់អាចរត់ឆ្លងកាត់ខ្សែបន្ទាត់ព្រំដែន ក្រោមការបាញ់ស្រោចពីទាហានកូរ៉េខាងជើង នៅតំបន់ភូមិប៉ានមុនហ្សូម កន្លែងដែលកងទ័ពកូរ៉េទាំង២នៅឃ្លាតពីគ្នាត្រឹមតែប៉ុន្មានម៉ែត្រ៕ (កែសម្រួលដោយ ៖ បុប្ផា)
ចែករំលែកព័តមាននេះ