រាជធានីភ្នំពេញ ៖ អ្នកនាំពាក្យក្រសួងយុត្តិធម៌បានអះអាងក្រុមប្រឆាំងមួយក្តាប់តូចបានប្រើប្រាស់សិទ្ធិក្នុងផ្លូវខុសទើបមានការរាំរាំងពីអាជ្ញាធរ ខណៈប្រជាជនជាច្រើនប្រាប់សិទ្ធិដោយត្រឹមត្រូវ ។ ថ្លែងក្នុងសន្និសីទសារព័ត៌មានស្តីពីអំពី «សមិទ្ធផល១ឆ្នាំ ក្រោយការបោះឆ្នោត» នៅស្តីការគណៈរដ្ឋមន្ត្រី នាព្រឹកថ្ងៃទី០១ ខែសីហានេះ លោកជិន ម៉ាលីន បានលើកឡើងថា ក្រុមប្រឆាំងដែលស្អប់ខ្ពើមរាជរដ្ឋាភិបាលលើកឡើងថា ពីសិទ្ធិមនុស្សនៅកម្ពុជាបានលើកឡើងដែលមួយជ្រុងតែប៉ុណ្ណោះ ហើយភ្ជាប់នឹងបញ្ហានយោបាយ ។
សម្រាប់អ្នកសិក្សាស្រាវជ្រាវគេលើកឡើងពីគ្រប់ជ្រុងជ្រោយមិនមែនលើកឡើងតែពីការបញ្ចេញមតិបាតុកម្មនោះទេ ។ លោកថា មុននឹងវាយតម្លៃក្នុងសង្គមមួយទទួលបានសិទ្ធិត្រូវវាយតម្លៃជារួមមាន សិទ្ធិសេដ្ឋកិច្ច សិទ្ធិកុមារ ស្ត្រី សិទ្ធិជនជាតិភាគីតិច សិទ្ធិនយោបាយ… មិនអាចវាយតម្លៃមួយជ្រុងបានទេ សម្រាប់អ្នកស្រាវជ្រាវ ។ លោកបានបន្តថា «បើយើងពិនិត្យស្ថានភាពនៅកម្ពុជាមាននីតិរដ្ឋបានកំពុងដំណើរការល្អ ហើយបើមើលសិទ្ធិផ្នែកនយោបាយវិញទាក់ទង និងការជួបជុំ ការបញ្ចេញមតិការធ្វើបាតុកម្មក៏ត្រូវបានលើកតម្កើង ។ ប៉ុន្តែហេតុអីបានជាមានចំណាត់ការណ៍ទៅលើជនមួយក្រុមតូច ដែលអនុវត្តសិទ្ធិទាំងនេះក្នុងផ្លូវខុស ឬចុសច្បាប់ដោយសារមានជាប់ពាក់ព័ន្ធនឹងនយោបាយនៅពីក្រោយ» ។
លោកបញ្ជាក់ថា៖ «ជារួមប្រជាពលរដ្ឋកំពុងតែអនុវត្តសិទ្ធិទាំងយ៉ាងសប្បាយរីករាយទាក់ទង និងផ្នែកនយោបាយ រួមការប្រើប្រាស់បញ្ចេញមតិតាមបណ្តាញសង្គម ការប្រារព្វពិធីផ្សេងៗអត់មានបញ្ហា ។ ចុះហេតុអីមួយក្រុមតូច (ក្រុមប្រឆាំង) នេះធ្វើឡើងមានបញ្ហា គឺដោយសារតែសកម្មភាពទាំងនោះមិនមែនការអនុវត្តសិទ្ធិទាំងនោះតាមផ្លូវច្បាប់នោះទេ ក៏ប៉ុន្តែ គឺជាការជួបជុំគ្នាដែលបង្កប់នូវចេតនាទុច្ចរិតនៅពីក្រោយ ដែលបំពានរដ្ឋធម្មនុញ្ញកម្ពុជា ។ដូច្នេះអាជ្ញាធរត្រូវតែទប់ស្កាត់នូវអំពើណាដែលប្រព្រឹត្តិបទល្មើស ហើយបង្កនូវភាពចលាចលកនៅក្នុងសង្គម» ។
លោកបញ្ជាក់បន្ថែមថា ៖«អីញ្ចឹងការអនុវត្តច្បាប់ទាំងអស់នេះមិនមែនការរំលោភបំពានសិទ្ធិសេរីភាពរបស់ប្រជាពលរដ្ឋនោះទេ ។ គឺជាវិធានការចាំបាច់តែមួយគត់ ក្នុងការទប់ស្កាត់បាតុភាពនៅក្នុងសង្គម» ៕ កែសម្រួលដោយ ៖ សុឃាក់
ចែករំលែកព័តមាននេះ