តាកែវ ៖ ប្រកាសតែងតាំងផ្ទេរភារកិច្ច និងបំពាក់ឋានន្តរសក្តិជូនដល់មន្ត្រីនគរបាលជាតិនៃស្នងការដ្ឋានខេត្តតាកែវ ជិត២០០នាក់ នាព្រឹកថ្ងៃទី៣១ ខែកក្កដា ឆ្នាំ២០១៩ លោកឧត្តមសេនីយឯក ហាវ…
តាកែវ ៖ ប្រកាសតែងតាំងផ្ទេរភារកិច្ច និងបំពាក់ឋានន្តរសក្តិជូនដល់មន្ត្រីនគរបាលជាតិនៃស្នងការដ្ឋានខេត្តតាកែវ ជិត២០០នាក់ នាព្រឹកថ្ងៃទី៣១ ខែកក្កដា ឆ្នាំ២០១៩ លោកឧត្តមសេនីយឯក ហាវ ចាន់សិទ្ធី អនុប្រធាននាយកដ្ឋានបុគ្គលិកនៃក្រសួងមហាផ្ទៃ បានជំរុញអោយស្នងការនគរបាលខេត្តតាកែវ ។
លោកឧត្តមសេនីយទោ សុខ សំណាង ពីនិត្យទៅលើមន្ត្រីនគរបាលចាស់ៗដែលមានប្រវិត្តតស៊ូបម្រើការងារពីមុនមក ដើម្បីដំឡើងឋានន្តរសក្តិជូនពួកគាត់ ជាការលើកទឹកចិត្ត ព្រោះថាពីមុនៗមក គឺមានតែពួកគាត់ទាំងនេះហើយដែលជាអ្នកអនុវត្តការងារដែលថ្នាក់លើដាក់អោយ ។
លោកឧត្តមសេនីយឯក ហាវ ចាន់សិទ្ធី បានមានប្រសាសន៍បន្តថា យើងជាមន្ត្រីនគរបាលត្រូវប្រកាន់ខ្ជប់លើវិន័យរបស់អង្គភាព ហើយក្រុមប្រឹក្សាវិន័យ គឺត្រូវតែអនុវត្តន៍ និងតាមមើលជាប្រចាំលើការងារល្មើសវិន័យរបស់មន្ត្រីនគរបាលណាដែលបានធ្វើខុស ដូច្នេះមន្ត្រីនគរបាលទាំងអស់ត្រូវបន្តអនុវត្តន៍ និងគោរពទៅតាមបញ្ជារបស់ថ្នាក់ដឹកនាំ និងគោរពទៅតាមវិន័យរបស់អង្គភាព ។
លោក ខាន់ សុខា អភិបាលរងខេត្តតាកែវបានមានប្រសាសន៍លើកទឹកចិត្តដល់កងកម្លាំងទាំងអស់ ដែលទើបតែទទួលបានតួនាទី និងឋានន្តរសក្តិថ្មី ដែលទទួលបានការលើកទឹកចិត្តពីថ្នាក់លើ ត្រូវតែបន្តអនុវត្តន៍ការងារនេះអោយបានល្អបន្ថែមទៀត ពិសេសត្រូវរក្សាអោយបាននៅគោលនយោបាយភូមិឃុំមានសុវត្ថិភាព ខណៈដែលបច្ចុប្បន្ននេះមានចំណុចពីរធំ លើការងាររបស់កងកម្លាំង គឺការងារចរាចរណ៍ផ្លូវគោក និងការបង្ការ និងបង្ក្រាបករណីគ្រឿងញៀន ។
ដែលចំណុចទាំងពីរនេះបាននឹងកំពុងតែក្លាយជាបញ្ហាប្រឈមខ្លាំង ដូច្នេះកម្លាំងនគរបាល ទាំងអស់ត្រូវតែប្រឹងប្រែងបន្ថែមទៀតធ្វើយ៉ាងណារក្សារអោយបាននៅក្នុងមូលដ្ឋានរបស់យើង គ្មានគ្រឿងញៀន គ្មានគ្រោះថ្នាក់ចរាចរណ៍ និងពោពេញទៅដោយប្រជាពលរដ្ឋដែលចេះគោរពច្បាប់ ។
សូមបញ្ជាក់ផងដែរថា ក្នុងពិធីប្រកាសតែងតាំងផ្ទេរភារកិច្ច ផ្លាស់ប្តូរមុខតំណែង និងបំពាក់ឋានន្តរសក្តិថ្មីនេះដែរមានប្រកាសចូលជាស្នងការរងខេត្តតាកែវ ចំនួន៥នាក់ និងបំពាក់ឋានន្តរសក្តិចាប់ពីថ្នាក់វរៈសេនីយឯក ចុះមកដល់ថ្នាក់ព្រិលបាលឯកចំនួន១៩៨នាក់ ៕ កែសម្រួលដោយ ៖ សុឃាក់
ចែករំលែកព័តមាននេះ