រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានហេតុការណ៍រន្ធត់ និងធ្វើឱ្យស្រៀវសាច់ខ្លាំងផងដែរ ក្រោយឃើញសរសៃដែកមួយដើមបានធ្លាក់មកទម្លុះចំរថយន្តដែលកំពុងចតស្ងៀមនៅខាងក្រោម ហេតុការណ៍កើតឡើងកាលពីវេលាម៉ោងបាយថ្ងៃត្រង់ថ្ងៃទី៣១ កក្កដា នេះ ក្រោយកើតមានខ្យល់បក់បោកយ៉ាងខ្លាំង…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានហេតុការណ៍រន្ធត់ និងធ្វើឱ្យស្រៀវសាច់ខ្លាំងផងដែរ ក្រោយឃើញសរសៃដែកមួយដើមបានធ្លាក់មកទម្លុះចំរថយន្តដែលកំពុងចតស្ងៀមនៅខាងក្រោម ហេតុការណ៍កើតឡើងកាលពីវេលាម៉ោងបាយថ្ងៃត្រង់ថ្ងៃទី៣១ កក្កដា នេះ ក្រោយកើតមានខ្យល់បក់
បោកយ៉ាងខ្លាំង ។
សេចក្តីរាយការណ៍បន្តថា យោងតាមអាក់ខោនហ្វេសមួយបង្ហោះថា «មកពីបាយថ្ងៃត្រង់ ក៏ប្រទះខ្យល់បក់បោកខ្លាំង បានពាំនាំដែកមួយផ្ទាំង ពីលើអាគារមកត្រូវរថយន្តចតចោល… ជាសំណាងដែលប៉ះដល់អ្នកធ្វើដំណើរតាមផ្លូវ…ដែលស្តុបបង្អាក់ ។ សូមប្រុងប្រយ័ត្នខ្ពស់ទាំងអស់គ្នាពេលធ្វើដំណើរឆ្លងកាតការដ្ឋានដែលជាប់ផ្លូវសាធារណៈ គ្មានសុវត្ថិភាពទេ ស្ដង់ដាសុវត្ថិភាពក៏មិនដឹងនៅឯណា» ។
យ៉ាងណានោះ សូមបងប្អូនជាអ្នកធ្វើដំណើរ ត្រូវមានការប្រុងប្រយ័ត្នចំពោះសុវត្ថិភាពរបស់ខ្លួន ហើយជាពិសេសនោះទៀត សូមឱ្យម្ចាស់ទីតាំងដែលមានការធ្លាក់សរសៃដែកនេះ ត្រូវបង្កើនការពារឱ្យបានខ្ពស់ជាងទៀត នេះចាត់ទុកជាសំណាងល្អហើយ ដែលមិនមានមនុស្សណាម្នាក់បានរងគ្រោះថ្នាក់នេះ ។
សេចក្តីរាយការណ៍បន្តថា កន្លែងកើតហេតុជាទីតាំងអគារ៤២ជាន់ ត្រង់ចំណុចស្តុបពេទ្យចិន ក្នុងសង្កាត់បឹងកេងកងទី១ ខណ្ឌចំការមន ។ (សម្រួលដោយ៖ ស្រីណា) ។ ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ