ខេត្តកែប ៖ សេចក្តីរាយការណ៍បឋមឱ្យដឹងថា គ្រោះថ្នាក់ចរចរណ៍មួួយករណីរវាងរថយន្តនិងរថភ្លើង ក្នុងពេលរថយន្តឆ្លងផ្លូវដែក ស្របពេលរថភ្លើងបើកដល់ បណ្តាលឱ្យអ្នកបើកបរខាងរថយន្តរងរបួសធ្ងន់ធ្ងរ។ហេតុការណ៍នេះ កើតឡើងកាលពីេលាម៉ោងប្រហែលវេលាម៉ោងប្រហែល០៣រសៀលថ្ងៃទី៣០ កក្កដា ស្ថិតនៅផ្លូវដែកត្រង់ចំណុចឃុំពងទឹក ស្រុកដំណាក់ចង្អើរ ខេត្តកែប ។
ប្រភពពីសមត្ថកិច្ចមូលដ្ឋានថា ជនរងគ្រោះត្រូវដែលជាអ្នកបើកបររថយន្តដឹកដីរងរបួសធ្ងន់ណាស់ ហើយបានបញ្ជូនទៅសង្គ្រោះនៅមន្ទីពេទ្យភ្លាមៗផងដែរ។ ស្ថិតនៅកន្លែងកើតហេតុ បានឃើញតែរថយន្តត្រូវបានរងការខូចខាតដំណំ ដោយខ្ទេចខ្ទីផ្នែកខាងមុខរថយន្តតែម្តង ដោយឡែករថភ្លើងមិនឃើញនោះទេ ។
កត់សម្គាល់ថា ករណីនេះគ្រោះថ្នាក់នេះ មិនត្រឹមតែកើតឡើងនៅតំបន់ខាងលើនោះទេ សូម្បីតែក្នុងរាជធានីភ្នំពេញចំណុចផ្លូវដែករថភ្លើង តែងតែកើតមានគ្រោះថ្នាក់ជារឿយៗរវាងរថយន្ត ឬម៉ូតូបុកជាមួយរថភ្លើងបែបនេះ ។ ដូច្នេះ សូមបងប្អូនជាអ្នកធ្វើដំណើរទាំងអស់ ត្រូវបង្កើនការប្រុងប្រយ័ត្នឱ្យខ្ពស់បំផុត ដើម្បីការពារជិវិតខ្លួនឯង ឬជីវិតអ្នកដទៃដែលកំពុងធ្វើដំណើរតាមផ្លូវដូចគ្នា ។ (សម្រួលដោយ៖ ស្រីណា)
ចែករំលែកព័តមាននេះ