រាជធានីភ្នំពេញ៖ កញ្ញាឈិត សុវណ្ណបញ្ញា ប្រហែលជាមានចិត្តចង់ចូលរោងការហើយ ដ្បិតគេឃើញនាងស្និទ្ធប្លែកជាមួយបុរសវ័យក្មេងម្នាក់ ។ កន្លងមកបញ្ញា មិនដែលបង្ហាញមុខបុរសណាឲ្យគេឃើញក្នុងលក្ខណៈផ្អែមល្ហែមឡើយ សូម្បីតែបណ្តើរចូលរួមកម្មវិធីតាមសិល្បៈក៏មិនដែលដែរ ។…
រាជធានីភ្នំពេញ៖ កញ្ញាឈិត សុវណ្ណបញ្ញា ប្រហែលជាមានចិត្តចង់ចូលរោងការហើយ ដ្បិតគេឃើញនាងស្និទ្ធប្លែកជាមួយបុរសវ័យក្មេងម្នាក់ ។ កន្លងមកបញ្ញា មិនដែលបង្ហាញមុខបុរសណាឲ្យគេឃើញក្នុងលក្ខណៈផ្អែមល្ហែមឡើយ សូម្បីតែបណ្តើរចូលរួមកម្មវិធីតាមសិល្បៈក៏មិនដែលដែរ ។
គេទើបតែចាប់អារម្មណ៍នៅពេលឃើញស្រីស្អាតឈិត សុវណ្ណបញ្ញា បង្ហាញកាយជិតដិតបុរសប្លែកមុខនាពេល ថ្មីៗកន្លងមក ។ គិតមកទល់ពេលនេះឈិត សុវណ្ណបញ្ញា ចូលវ័យសាមស្តើងទៅហើយ តែនាងនៅមិនទាន់ទម្លាយរឿងស្នេហាឲ្យគេដឹងឡើយ ហើយឲ្យតែផ្តើមសួរនាំនាងរមែងគ្រវីក្បាលចោលឆ្លើយថា«អត់មានអ្នកស្រឡាញ់ទេ»។ យ៉ាងណាក្ដីគេមិនជឿឡើយ ដោយគិតថាប្រហែលជានាងចង់លាក់ ។ ទំនងនាងចង់តាមដានបុរសណាមួយឲ្យល្អិតល្អន់ទុកចិត្តបានសិន ទើបប្រាប់អ្នកគាំទ្រ ។
កម្រិតជីវភាពរបស់អតីតតារាហង្សមាស ឈិត សុវណ្ណបញ្ញា សមរម្យចុះចំណោមនៅក្នុងពិភពសិល្បៈ តែនាងក៏មិនសម្ញែងភាពហ៊ឺហាដូចតារាខ្លះទេ ។
ឈិត សុវណ្ណបញ្ញា ជាតារាចម្រៀងមួយរូបដែលចាកចេញពីផលិតកម្មហង្សមាស ដ្បិតតែនាងយល់ថាវាហាក់មិនលូតលាស់ទៅមុខ ។ ចេញពីផលិតកម្មចាស់នោះនាងបានងាកទៅចូលផលិតកម្មថោន វិញ ។ ក្នុងនាមជាតារាចម្រៀងល្បីមួយរូប សុវណ្ណបញ្ញា ហាក់មិនសូវចេញមុខច្រៀងរាំតាមបណ្តាកម្មវិធីប្រគំតន្ត្រីដូចមុនឡើយ ។
ឈិត សុវណ្ណបញ្ញា ពីមុនជិះរថយន្ត Range Rover បានផ្លាស់មកជិះ Land Cruiser ដែលមានតម្លៃជិត១០ម៉ឺនដុល្លារ ហើយឥឡូវគេឃើញនាងជិះ Lexus RX200t ។ ក្រៅពីអាជីពចម្រៀងនាងមានហាងសាឡន និងផ្ទះផ្ទាល់ខ្លួន ។
អ្នកសិល្បៈដែលស្និទ្ធឈិត សុវណ្ណបញ្ញា បានបង្ហើបឱ្យដឹងកាលពីពេល ថ្មីៗកន្លងមកថា អតីតតារាចម្រៀងមួយដួងនេះមានម្ចាស់ចិត្តហើយ ប៉ុន្តែនាងពូកែលាក់ណាស់ជាង១០ឆ្នាំនេះ គឺមិនដែលបណ្តើរកំណាន់ចិត្តជាចំហឱ្យគេឃើញឡើយ ។ ទោះជាយ៉ាងណាក្ដីគេនៅមិនទាន់ច្បាស់ថាតើបុរសដែលស្និទ្ធជាមួយនាងនោះ គឺជាគូសង្សារ ឬជាមិត្តភក្តិទេ ។ មិត្តសិល្បៈចង់ឃើញបញ្ញា ឆាប់ដល់គូព្រោះវ័យសមល្មមហើយ ៕ (កែសម្រួលដោយ ៖ បុប្ផា)
ចែករំលែកព័តមាននេះ