ប្រទេសអាហ្វហ្គានីស្ថាន ៖ ទីបញ្ជាការដ្ឋានកងទ័ពអូតង់នៅអាហ្វហ្គានីស្ថានប្រកាសថា ទាហានអាមេរិក២នាក់ បានត្រូវស្លាប់កាលពីថ្ងៃទី២៩កក្កដានៅអាហ្វហ្គានីស្ថាន ពេលកំពុងបំពេញបេសកកម្ម។ ការស្លាប់របស់ទាហានទាំង២នាក់នោះ ធ្វើឲ្យចំនួនទាហានអាមេរិកស្លាប់ក្នុងការប្រយុទ្ធ នៅអាហ្វហ្គានីស្ថាន ឡើងដល់១២នាក់ចាប់តាំងពីដើមឆ្នាំនេះមក…
ប្រទេសអាហ្វហ្គានីស្ថាន ៖ ទីបញ្ជាការដ្ឋានកងទ័ពអូតង់នៅអាហ្វហ្គានីស្ថានប្រកាសថា ទាហានអាមេរិក២នាក់ បានត្រូវស្លាប់កាលពីថ្ងៃទី២៩កក្កដានៅអាហ្វហ្គានីស្ថាន ពេលកំពុងបំពេញបេសកកម្ម។
ការស្លាប់របស់ទាហានទាំង២នាក់នោះ ធ្វើឲ្យចំនួនទាហានអាមេរិកស្លាប់ក្នុងការប្រយុទ្ធ នៅអាហ្វហ្គានីស្ថាន ឡើងដល់១២នាក់ចាប់តាំងពីដើមឆ្នាំនេះមក ខណៈអាមេរិកបានធ្វើការចរចាដោយផ្ទាល់ ជាមួយពួកបះបោរតាលីបង់ ដើម្បីបញ្ចប់សង្គ្រាមរ៉ាំរ៉ៃក្នុងប្រទេសនោះ។ ទាហានអាមេរិកជិត២.៣០០នាក់បានត្រូវស្លាប់និងជាង២០.៤០០នាក់រងរបួស នៅអាហ្វហ្គានីស្ថានចាប់តាំងពីដំណាច់ឆ្នាំ២០០១មក ខណៈក្រុមចម្រុះនាំមុខដោយអាមេរិក បានធ្វើប្រតិបត្តិការកម្ចាត់ពួកតាលីបង់ពីអំណាច។
ចំពោះសង្គ្រាមនៅអាហ្វហ្គានីស្ថាន រដ្ឋមន្ត្រីការបរទេសអាមេរិកលោកMIKE POMPEO ថ្លែងនាថ្ងៃទី២៩កក្កដាថា ប្រធានាធិបតីលោកដូណាល់ត្រាំចង់ឲ្យមានការដកកងទាហានអាមេរិក ចេញពីអាហ្វហ្គានីស្ថាន មុនការបោះឆ្នោតប្រធានាធិបតីនាខែវិច្ឆិកាខាងមុខនេះ៕ (កែសម្រួលដោយ ៖ បុប្ផា)
ចែករំលែកព័តមាននេះ