ស្រុកសន្ទុក ៖ សម្ដេចព្រះពុទ្ធជ័យ មុនី ឃឹម សន បានជម្រុញដល់ព្រះសង្ឃគ្រប់អង្គឲ្យបន្តការខិតខំរៀនសូត្របន្ថែមទៀត ដើម្បីបង្កើនចំណេះដឹង និងដើម្បីភាពរឹងមាំវិស័យសាសនានៅកម្ពុជា។ ការស្នើដូចនេះរបស់សម្ដេចព្រះពុទ្ធជ័យ…
ស្រុកសន្ទុក ៖ សម្ដេចព្រះពុទ្ធជ័យ មុនី ឃឹម សន បានជម្រុញដល់ព្រះសង្ឃគ្រប់អង្គឲ្យបន្តការខិតខំរៀនសូត្របន្ថែមទៀត ដើម្បីបង្កើនចំណេះដឹង និងដើម្បីភាពរឹងមាំវិស័យសាសនានៅកម្ពុជា។ ការស្នើដូចនេះរបស់សម្ដេចព្រះពុទ្ធជ័យ មុនី ឃឹម សន ប្រធានលេខាធិការដ្ឋានគណៈសង្ឃនាយកនិងជាព្រះមេគណរាជធានីភ្នំពេញ នៅក្នុងឱកាសដែលសម្ដេចនិមន្តជាអធិតីភាពក្នុងពិធីបញ្ចុះខណ្ឌចុះបឋមសិលាកសាងព្រះវិហារថ្មីវត្តសេនារាមរាជហៅវត្តចាក់ក្រចៀង ស្ថិតនៅភូមិសាលាសន្ទុក ឃុំកកោះ ស្រុកសន្ទុក ខេត្តកំពង់ធំ នៅព្រឹកថ្ងៃទី៣០ កក្កដា ឆ្នាំ២០១៩។
សម្ដេចព្រះពុទ្ធជ័យ មុនី ឃឹម សន បានមានពុទ្ធិការដែរថា ដើម្បីឲ្យគ្រប់អារាមទាំអស់មានការអភិវឌ្ឍលុះត្រាព្រះសង្ឃគ្រប់អង្គធ្វើជាគំរូល្អ និងបំពេញតួនាទីជាព្រះសង្ឃត្រឹមត្រូវ ទើបប្រជាពុទ្ធបរិស័ទមានជឿជាក់លើចំពោះវិស័យព្រះពុទ្ធសាសនា។
មានប្រសាសន៍សំណេះសំណាល លោកជំទាវ ខៀវ ស៊ីណាជាចាន់តូ បានថ្លែងការកោតសរសើរចំពោះរដ្ឋបាលគ្រប់លំដាប់ថ្នាក់ដឹកនាំ មន្ត្រីរាជការ និងអង្គភាពពាក់ពន្ធ័រួមនឹងប្រជាពុទ្ធបរិស័ទនិងសប្បុរសជនជិតឆ្ងាយ ដែលបានរួមគ្នាផ្ដួចផ្ដើមកសាងព្រះវិហារនេះឡើង។ លោកជំទាវ នូវបានចាត់ទុកការរួបរួមសាមគ្គីកសាងព្រះវិហារនេះថា ជាបុណ្យកុសលធំធេងមួយដែលពុទ្ធបរិស័ទខែ្មរគ្រប់រូបៗធ្វើក្នុងជំនឿដោយសុទ្ធាជ្រះថ្លាចំពោះព្រះពុទ្ធសាសនាដើម្បីថែរក្សាការពារសាសនាដែលជាសាសនារបស់រដ្ឋឲ្យកាន់តែរឹងមាំ និងដ៏រុងរឿងបន្តទៀត។
លោកជំទាវបានរំលឹកដែរថា បច្ចុប្បន្នព្រះរាជាណាចក្រកម្ពុជាយើងក្រោមការដឹកនាំលើផ្លូវត្រូវប្រកបដោយគតិបណ្ឌិតរបស់សម្ដេចតេជោ ហ៊ុន សែន វិស័យពុទ្ធចក្រមានការរីកចម្រើនគួរអោយកត់សម្គាល់។ ហើយវិស័យពុទ្ធចក្រនេះរុងរឿងទៅបានដោយក៏អាស្រ័យដោយវិស័យអាណាចក្រ ហើយវិស័យអាណាចក្ររុងរឿងដែរ ពិសេសគឺដោយសារប្រទេសជាតិយើងមានសុខសន្តិភាព ទើបមានសិទ្ធិសេរីភាពនឹងមានឱកាសបានធ្វើបុណ្យទានតាមកម្លាំង និងធនធានដែលយើងមានដូចពេលនៅពេលនេះសក្ខីភាពស្រាប់។ ដូចនេះត្រូវបន្តការពារ និងពួនជ្រុំសន្តិភាពដែលទទួលបាននេះឲ្យបានគង់វង្សដើម្បីឲ្យទទួលបានទាំងសេចក្ដីសុខផ្លូវកាយនិងផ្លូវចិត្ត។
នៅក្នុងឱកាសនោះលោកជំទាវខៀវ ស៊ីណា ជាចាន់តូបានចូលរួមបច្ច័យកសាងចំនួន១០លានរៀលនិងសម្ដេចព្រះពុទ្ធជ័យ មុនី ឃឹម សនចំនួន១លានរៀលសម្រាប់ជាការចាប់ផ្ដើមកសាងព្រះវិហារថ្មីនេះផងដែរ។
សូមរំលឹកជូនដែរថា វត្តសេនារាមរាជហៅវត្តចាក់ក្រចៀវនេះ កាលមុនគ្រាន់តែជាអាស្រមតូចមួយប៉ុណ្ណោះ ប៉ុន្តែអាស្រ័យដោយតំបន់នេះការរីកចម្រើន និងមានសេចក្ដីត្រូវកាន់តែច្រើនពីប្រជាពុទ្ធបរិស័ទក្នុងការគោពរប្រតិបត្តិ នោះអាជ្ញាធរនិងធម្មការ ស្រុក បានស្នើសុំបង្កើតជាវត្តពេញលេញនៅថ្ងៃទី១៧ខែមីនា ឆ្នាំ២០១៨ ស្របតាមបំណងរបស់ប្រជាពលរដ្ឋនិងប្រជាពុទ្ធបរិស័ទចំណុះជើងវត្តចាក់ក្រចៀវ។
ដោយឡែកព្រះវិហារដែលបានបញ្ចុះបឋមសិលាកសាងនាពេលនេះសង់ពីថ្មមានបណ្ដោយ២១ម៉ែត្រគុណ១២ម៉ែត្រនិងមានកម្ពស់១៨ម៉ែត្រតាមការគ្រោងទុកគឺត្រូវចំណាយពេលកសាងចំនួន៤ឆ្នាំ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ