Ronaldo ឈ្នះពានដ៏អស្ចារ្យមួយដោយសារលេងល្អពេកនៅ Real Madrid
តាមប្រភពព័ត៌មាន The Sun បានឱ្យដឹងថា កីឡាករជើងខ្លាំងប្រចាំក្លិបសេះបង្កង់ Cristiano Ronaldo បានទទួលពាន Marca’s Legend…
តាមប្រភពព័ត៌មាន The Sun បានឱ្យដឹងថា កីឡាករជើងខ្លាំងប្រចាំក្លិបសេះបង្កង់ Cristiano Ronaldo បានទទួលពាន Marca’s Legend…
តាមប្រភពព័ត៌មាន The Sun បានឱ្យដឹងថា កីឡាករជើងខ្លាំងប្រចាំក្លិបសេះបង្កង់ Cristiano Ronaldo បានទទួលពាន Marca’s Legend Award ដោយសារតែភាពជោគជ័យបន្សល់ទុកកាលពីនៅលេងឱ្យក្លិបអធិរាជស Real Madrid ។
កីឡាករសំខាន់អាយុ៣៤ឆ្នាំ របស់ Juventus រូបនេះ បានឈរថតជាមួយនឹងមិត្តស្រី Georgina Rodriguez អាយុ២៥ឆ្នាំ ក្រោយពីទទួលបានពានបញ្ជាក់ភាពជោគជ័យពេលនៅលេងឱ្យ Real Madrid។ កន្លងមកមានកីឡាករខ្លាំងៗផ្សេងទៀតដែរ ដែលបានទទួលពាននេះ ដែលមានដូចជា៖ Muhammed Ali, Usain Bolt, Michael Jordan, Pele, Diego Maradona និង Lionel Messi។
Ronaldo បានចំណាយពេល៩ឆ្នាំជាមួយនឹង Real Madrid មុននឹងចាកចេញទៅកាន់ក្លិបសេះបង្កង់ Juventus ក្នុងតម្លៃ៩៩លានផោន កាលពីខែកក្កដាឆ្នាំមុន។ កាលពីនៅលេងឱ្យក្លិបចាស់ (Real Madrid) គេបានឈ្នះពាន Champions League ចំនួន៤ដង ពាន Copa del Reys ចំនួន២ដង និង ពាន La Liga ២ដងទៀត។
ក្នុងថ្ងៃទទួលពាននៅ Teatro Reina Victoria កីឡាករ Ronaldo បាននិយាយថា៖«នេះគឺជាទីក្រុងមួយក្នុងចំណោមទីក្រុងស្អាតផ្តាច់គេផ្សេងៗទៀតនៅលើពិភពលោក។ ខ្ញុំបានធ្វើដំណើរច្រើនណាស់មកហើយ តែមិនដែលឃើញទីក្រុងណាដូច Madrid ទេ។ ខ្ញុំសង្ឃឹមថានឹងអាចមក Madrid វិញនៅក្នុងពេលឆាប់ៗ ព្រោះនេះគឺជាទីក្រុងដែលខ្ញុំស្រឡាញ់»។
គួរបញ្ជាក់ផងដែរថា មុននឹងចេញពីក្លិប Ronaldo គឺជាកីឡាករកំពូលរបស់ក្លិប ដែលរកគ្រាប់បាល់បានច្រើនជាងគេក្នុងប្រវត្តិសាស្ត្រក្លិប ជាមួយនឹងគ្រាប់បាល់ ៤៥១គ្រាប់ ក្នុងការប្រកួត ៤៣៨ដង ៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ