រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បុរសម្នាក់បានចាប់រំលោភស្ត្រីជាចុងភៅបានសម្រេច២ដង បន្ទាប់ពីចប់កម្មវិធីជប់លៀង ហើយត្រូវនគរបាលធ្វើការឃាត់ខ្លួនយកទៅសាកសួរ ដែលហេតុការណ៍នេះកើតឡើងកាលពីម៉ោង១០និង៣០នាទីយប់ ថ្ងៃទី២៩ ខែកក្កដា ឆ្នាំ២០១៩…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បុរសម្នាក់បានចាប់រំលោភស្ត្រីជាចុងភៅបានសម្រេច២ដង បន្ទាប់ពីចប់កម្មវិធីជប់លៀង ហើយត្រូវនគរបាលធ្វើការឃាត់ខ្លួនយកទៅសាកសួរ ដែលហេតុការណ៍នេះកើតឡើងកាលពីម៉ោង១០និង៣០នាទីយប់ ថ្ងៃទី២៩ ខែកក្កដា ឆ្នាំ២០១៩ នៅចំណុចក្រុមហ៊ុនលក់ផ្លែឈើមួយកន្លែង ផ្ទះលេខ៩២ ភូមិ៧ តាមបណ្តោយផ្លូវលេខ២៣០ ស្ថិតក្នុងសង្កាត់ផ្សារដើមគរ ខណ្ឌទួលគោក។
ស្ត្រីរងគ្រោះខាងលើអាយុ៣៤ឆ្នាំ មុខរបរចុងភៅ ស្នាក់នៅខណ្ឌពោធិ៍សែនជ័យ ចំណែកជនសង្ស័យឈ្មោះ ជា សីហាក់ ភេទប្រុស អាយុ២២ឆ្នាំ ស្នាក់នៅកន្លែងធ្វើការ សង្កាត់ផ្សារដើមគរ ភូមិអូខ្ជាយ ឃុំព្រែកព្រះស្តេច ស្រុកបាត់ដំបង ខេត្តបាត់ដំបង។
តាមប្រភពពីជនរងគ្រោះឲ្យដឹងថា នៅល្ងាចថ្ងៃទី២៩ កក្កដា ក្រុមហ៊ុនបានធ្វើកម្មវិធីជប់លៀងកូនចៅដោយមានការផឹកស៊ីផងដែរ ក្រោយមករូបគាត់បានឡើងទៅសម្រាកនៅបន្ទប់ជាន់ទី២ដែលជាបន្ទប់ស្នាក់នៅ បន្ទាប់មកជនសង្ស័យបានឆាតតាមហ្វេសប៊ុកទៅរូបគាត់ដោយកុហកថា ថៅកែហៅឲ្យទៅធ្វើទឹកជ្រលក់ឱ្យ តែគាត់មិនព្រមចុះទៅទេ ស្រាប់តែឃើញជនសង្ស័យឡើងទៅដល់បន្ទប់ដែលគាត់ស្នាក់នៅហើយស្ទុះទៅចាប់រំលោភរហូតសម្រេច២ដងបន្តបន្ទាប់គ្នា ទើបជនសង្ស័យចុះមកដេកនៅខាងក្រោមធ្វើដូចមិនដឹងរឿងអី។
បើតាមសាក្សីបានបន្តទៀតថា បន្ទាប់ពីកើតហេតុ ស្ត្រីរងគ្រោះបានទូរស័ព្ទហៅប្តីរបស់ខ្លួនមកដល់កន្លែងលក់ផ្លែឈើ ហើយប្តឹងនគរបាលឃាត់ខ្លួនជនសង្ស័យតែម្តង។ ដោយឡែកបុរសជាជនសង្ស័យក៏បានសារភាពថា ខ្លួនពិតជាបានចាប់រំលោភស្ត្រីខាងលើពិតប្រាកដមែន ដោយសារតែស្រវឹង ។
ក្រោយពេលកើតហេតុ ជនរងគ្រោះបានដាក់ពាក្យបណ្តឹងឱ្យសមត្ថកិច្ចចាត់ការតាមនីតិវិធី។ ចំណែកជនសង្ស័យត្រូវបានកសាងសំណុំរឿងបញ្ជូនទៅអធិការដ្ឋាននគរបាលខណ្ឌទួលគោករង់ចាំដោះស្រាយតាមច្បាប់។ (កែសម្រួលដោយ ៖ បុប្ផា)
ចែករំលែកព័តមាននេះ