អៀ ម៉េងលិ ទម្លាយរឿងហ្វេសប៊ុករកស្រីឱ្យតាតា
- ភ្នំពេញ
រាជធានីភ្នំពេញ ៖ តារាសម្តែងវ័យក្មេង អៀ ម៉េងលិ បានធ្វើការទម្លាយហ្វេសប៊ុកក្លែងក្លាយ(fake account) ដែលបានប្រើប្រាស់រូបថតរបស់នាងឆាតនិយាយរឿងផ្តេសផ្តាស់។ អៀ ម៉េងលិ…
រាជធានីភ្នំពេញ ៖ តារាសម្តែងវ័យក្មេង អៀ ម៉េងលិ បានធ្វើការទម្លាយហ្វេសប៊ុកក្លែងក្លាយ(fake account) ដែលបានប្រើប្រាស់រូបថតរបស់នាងឆាតនិយាយរឿងផ្តេសផ្តាស់។ អៀ ម៉េងលិ…
រាជធានីភ្នំពេញ ៖ តារាសម្តែងវ័យក្មេង អៀ ម៉េងលិ បានធ្វើការទម្លាយហ្វេសប៊ុកក្លែងក្លាយ(fake account) ដែលបានប្រើប្រាស់រូបថតរបស់នាងឆាតនិយាយរឿងផ្តេសផ្តាស់។ អៀ ម៉េងលិ បានសម្តែងការហួសចិត្ត និងបានប្រកាសមិនទទួលស្គាល់ហ្វេសប៊ុកដែលបានប្រើប្រាស់រូបរបស់នាងនោះឡើយ។
ហ្វេសប៊ុកដែលមានឈ្មោះថា Narak son បានប្រើប្រាស់រូបរបស់ អៀ ម៉េងលិ បានធ្វើការឆាតទៅកាន់គណនេយ្យហ្វេសប៊ុកផ្សេងៗ ដោយបានធ្វើរឿងមិនគប្បីជាច្រើន ជាពិសេសបានប្រើប្រាស់សារស្វែងរកស្រីៗក្មេងសម្រាប់តាតាផងដែរ។ បញ្ហានេះបានធ្វើឱ្យមានការខឹងសម្បាពីម្ចាស់គណនេយ្យនានាដែលទទួលរងពីការប្រើប្រាស់ពាក្យពេចន៍មិនសមគួរទាំងនោះ។
យ៉ាងណាដោយបានឃើញនូវបញ្ហានេះ តារាសម្តែងនាង អៀ ម៉េងលិ បានចេញមុខមកបដិសេធ និងមិនទទួលស្គាល់គណនេយ្យហ្វេសប៊ុកនោះមិនមែនជារបស់ខ្លួនឡើយ។ តារារូបនេះបញ្ជាក់ថា ខ្លួនមានតែគណនេយ្យហ្វេសប៊ុកតែមួយប៉ុណ្ណោះ ដែលហ្វេសប៊ុករបស់នាង គឺតែងតែផុសនូវសកម្មភាពនានារបស់នាងផ្ទាល់។
នាងបន្ថែមថា នាងមិនដឹងម្ចាស់គណនេយ្យហ្វេសប៊ុកនោះជាអ្នកណាឱ្យប្រាកដនោះឡើយ ប៉ុន្តែនាងបានប្រកាសបដិសេធចោលជាសាធារណៈរួចហើយ។ បើតាម អៀ ម៉េងលិ គណនេយ្យហ្វេសប៊ុកនោះបានឆាតទៅគេដោយបង្កើតនូវរឿងជាច្រើនដែលនាងមិនបានដឹងខ្លួន។
យ៉ាងណាតារារូបនេះហាក់មិនមានវិធានការណ៍លើផ្នែកច្បាប់ណាមួយឡើយ ដោយគ្រាន់តែធ្វើការប្រកាសតាមបណ្តាញសង្គមហ្វេសប៊ុកប៉ុណ្ណោះ ដើម្បីកុំឱ្យមហាជនមានការយល់ច្រឡំមកលើរូបនាង៕ (កែសម្រួលដោយ ៖ បុប្ផា)
ចែករំលែកព័តមាននេះ