អ្នកមិនមានសីលមិនមានធម៌ក្នុងខ្លួនរមែងមានវិបត្តិក្នុងជីវិតទាន់ភ្នែកក្នុងពេលបច្ចុប្បន្ន ព្រោះតែសេចក្ដីប្រមាទដូចជា ប្រមាទក្នុងការងារ, ប្រមាទក្នុងការចិញ្ចឹមបុត្រភរិយា, ប្រមាទមាតាបិតា, ប្រមាទក្នុងជីវិត លុះលាចាកលោកនេះទៅហើយក៏នាំបដិសន្ធិទៅក្នុងអបាយភូមិកាន់តែរងទុក្ខវេទនាក្រៃលែង ។ លើសពីនេះទៅទៀតបុគ្គលដែលអត់សីលអត់ធម៌តែងប្រព្រឹត្តនូវអំពើអបាយមុខផ្សេងៗមាន លេងល្បែងភ្នាល់…
អ្នកមិនមានសីលមិនមានធម៌ក្នុងខ្លួនរមែងមានវិបត្តិក្នុងជីវិតទាន់ភ្នែកក្នុងពេលបច្ចុប្បន្ន ព្រោះតែសេចក្ដីប្រមាទដូចជា ប្រមាទក្នុងការងារ, ប្រមាទក្នុងការចិញ្ចឹមបុត្រភរិយា, ប្រមាទមាតាបិតា, ប្រមាទក្នុងជីវិត លុះលាចាកលោកនេះទៅហើយក៏នាំបដិសន្ធិទៅក្នុងអបាយភូមិកាន់តែរងទុក្ខវេទនាក្រៃលែង ។
លើសពីនេះទៅទៀតបុគ្គលដែលអត់សីលអត់ធម៌តែងប្រព្រឹត្តនូវអំពើអបាយមុខផ្សេងៗមាន លេងល្បែងភ្នាល់ សេពគប់បាបមិត្ត លេងស្រី ផឹកគ្រឿងស្រវឹងជាដើម ដែលជាអំពើបំផ្លិចបំផ្លាញទ្រព្យសម្បត្តិ និងកិត្តិ យស កេរ្តិ៍ឈ្មោះក្នុងក្រុមគ្រួសារឱ្យវិនាសអន្តរាយ ។ អ្នកអត់សីលអត់ធម៌មានទោស៤យ៉ាងក្នុងបច្ចុប្បន្នគឺៈ
១-នាំឲ្យវិនាសទ្រព្យសម្បត្តិ ក្នុងបច្ចុប្បន្នទាន់ហន់នឹងភ្នែកស្រស់ៗ
២-មានកេរ្តិ៍ឈ្មោះស្អុយអសោចិ៍ ដែលគួរឲ្យតិះដៀលជាទីស្អប់ខ្ពើមអំពីអ្នកដទៃ
៣-ជាអ្នកឱនមុខចុះ មិនក្លៀវក្លា ក្នុងទីប្រជុំជន
៤-វង្វេងវង្វាន់ មានអារម្មណ៍រវើរវាយនៅពេលហៀបនឹងស្លាប់ ។
ដូចពុទ្ធគាថាមួយកន្លែងនៅក្នុងគម្ពីរធម្មបទត្រាស់ថា បុគ្គលពាលគឺអ្នកអត់សីលរមែងមិនបានប្រព្រឹត្តព្រហ្ម ចរិយធម៌ មិនបានទ្រព្យសម្បត្តិក្នុងពេលដែលខ្លួននៅជាកំលោះ នៅក្រមុំ ពួកគេរមែងក្រហល់ក្រហាយដូចសត្វក្រៀលចាស់ដែលជាប់ផុងលង់ខ្លួនក្នុងភក់ ព្រោះគ្មានត្រីស៊ីជាអាហារក៏ដូច្នោះដែរ ។
ចែករំលែកព័តមាននេះ