រាជធានីភ្នំពេញ ៖ រថយន្តមួយគ្រឿងម៉ាករ៉េវហ្វ័រ (RAV4) បានបើកបោះពួយលើ ចំណែកផ្លូវបញ្ច្រាស ក៏ជ្រុលទៅបុករថយន្តម៉ាកព្រូសមួយគ្រឿងក្នុងទិសដៅបញ្ច្រាសទិសគ្នា បណ្តាលអោយរថយន្តទាំង២គ្រឿងខ្ទេចមុខ ទាំងសងខាង តែពុំបណ្តាលអោយមនុស្សណាម្នាក់រងគ្រោះថ្នាក់នោះឡើយ។…
រាជធានីភ្នំពេញ ៖ រថយន្តមួយគ្រឿងម៉ាករ៉េវហ្វ័រ (RAV4) បានបើកបោះពួយលើ ចំណែកផ្លូវបញ្ច្រាស ក៏ជ្រុលទៅបុករថយន្តម៉ាកព្រូសមួយគ្រឿងក្នុងទិសដៅបញ្ច្រាសទិសគ្នា បណ្តាលអោយរថយន្តទាំង២គ្រឿងខ្ទេចមុខ ទាំងសងខាង តែពុំបណ្តាលអោយមនុស្សណាម្នាក់រងគ្រោះថ្នាក់នោះឡើយ។
គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង៧និង៣០នាទីព្រឹកថ្ងៃទី ២៩ ខែកក្កដា ឆ្នាំ២០១៩ស្ថិតតាមបណ្ដោយផ្លូវបេតុងមហាវិថីអូស៊ីអាយស៊ី ក្នុងភូមិដើមគ សង្កាត់ព្រែកតាសេក ខណ្ឌជ្រោយចង្វារ ។
រថយន្តទាំង២គ្រឿងខាងលើ ក្នុងនោះមួយគ្រឿងម៉ាករ៉េវហ្វ័រ (RAV4) ពណ៌ខ្មៅ ពាក់ស្លាកលេខភ្នំពេញ ២Q-០៤៥៨ បើកបរដោយឈ្មោះឈុន សុខលី ភេទប្រុស អាយុ៣៥ឆ្នាំ ស្នាក់នៅភូមិឃ្លាំងប្រាក់ សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង ។ ចំណែករថយន្តមួយគ្រឿងទៀតម៉ាកព្រូស ពណ៌ស ពាក់ស្លាកលេខ ភ្នំពេញ ២AO-៧០០៥ បើកបរដោយឈ្មោះសូវ ឆាយលាង ភេទប្រុស អាយុ២៥ឆ្នាំ ស្នាក់នៅភូមិក្រចេះ សង្កាត់ក្រចេះ ក្រុងក្រចេះ ខេត្តក្រចេះ។
តាមប្រភពពីសាក្សីបានអោយដឹងថា នៅមុនពេលកើតហេតុ គេឃើញរថយន្តមួយគ្រឿងម៉ាករ៉េវហ្វ័របានបើកបរលើចំណែកផ្លូវបញ្ច្រាសក្នុងទិសដៅពីត្បូងទៅជើងដោយល្បឿនយ៉ាងលឿន លុះមកដល់ចំណុចកើតហេតុក៍បានបុករថយន្តមួយគ្រឿងម៉ាកព្រូស បើកបរក្នុងទិសដៅពីជើងទៅត្បូង ក្នុងទិសដៅបញ្ច្រាសគ្នាពេញទំហឹង បណ្តាលឱ្យរថយន្តទាំង២គ្រឿងរងការខូចខាតខ្ទេចមុខយ៉ាងដំណំ តែមិនបណ្តាលឱ្យមនុស្សណាម្នាក់រងគ្រោះថ្នាក់ឡើយ។
ក្រោយពេលកើតហេតុ រថយន្តទាំង២គ្រឿងត្រូវបាននគរបាលទាក់ទងហៅរថយន្តស្ទូចមកស្ទួចបញ្ជូនទៅកាន់ការិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីដោះស្រាយនៅពេលក្រោយ ៕ (កែសម្រួលដោយ ៖ ធីតា)
ចែករំលែកព័តមាននេះ