សហរដ្ឋអាមេរិក ៖ ការបាញ់ប្រហារមួយកើតមានកាលពីថ្ងៃទី២៨ កក្កដា ក្នុងឱកាសនៃមហោស្រពមួយហៅមហោស្រពខ្ទឹមស នៅក្រុង GILROY ភាគខាងត្បូងទីក្រុងសាន់ហ្វ្រាន់ស៊ីស្កូ រដ្ឋកាលីហ្វ័រនីញ៉ា បណ្ដាលឲ្យមនុស្សស្លាប់យ៉ាងតិច៤នាក់រួមទាំងខ្មាន់កាំភ្លើងផង។…
សហរដ្ឋអាមេរិក ៖ ការបាញ់ប្រហារមួយកើតមានកាលពីថ្ងៃទី២៨ កក្កដា ក្នុងឱកាសនៃមហោស្រពមួយហៅមហោស្រពខ្ទឹមស នៅក្រុង GILROY ភាគខាងត្បូងទីក្រុងសាន់ហ្វ្រាន់ស៊ីស្កូ រដ្ឋកាលីហ្វ័រនីញ៉ា បណ្ដាលឲ្យមនុស្សស្លាប់យ៉ាងតិច៤នាក់រួមទាំងខ្មាន់កាំភ្លើងផង។
ការបាញ់ប្រហារនេះក្រៅពីអ្នកស្លាប់មនុស្ស១៥នាក់ទៀតរងរបួស។ បណ្ដារូបភាពផ្សាយតាមទូរទស្សន៍NBC NEWS បង្ហាញមនុស្សម្នាដែលចូលរួមក្នុងមហោស្រព នាំគ្នារត់ប្រសាច ខណៈស្នូរកាំភ្លើងលាន់ឮ ក្នុងមហោស្រពខ្ទឹមសនៅGILROY ដែលនោះជាមហោស្រពខាងផលិតផលកសិកម្មសំខាន់មួយរបស់ប្រទេស ប្រារព្ធធ្វើនៅទីក្រុងនោះស្ថិតនៅចម្ងាយប្រមាណជា៤៨គីឡូម៉ែត្រ ខាងត្បូងទីក្រុងសាន់ហ្វ្រាន់ស៊ីស្កូ។
ទូរទស្សន៍នោះបានរាយការណ៍ពីការរ៉ាយរ៉ាប់ របស់នារីម្នាក់ដែលស្ថិតក្នុងហេតុការណ៍ដោយគាត់និយាយថា បានឃើញខ្មាន់កាំភ្លើង ជាបុរសស្បែកសម្នាក់ អាយុប្រមាណជា៣០ឆ្នាំបាញ់ប្រហារជាមួយកាំភ្លើងខ្លីមួយដើម។ គាត់បន្តថាឃើញខ្មាន់កាំភ្លើងបាញ់គ្រប់ទិសទាំងអស់។ គេមិនបាញ់សំដៅតែលើមុខសញ្ញាពិសេសណាឡើយ។ គេបាញ់ទៅខាងធ្វេងផងទៅខាងស្ដាំផងរេចុះរេឡើង។
ខ្មាន់កាំភ្លើងក្រោយបាញ់ប្រហារហើយ បានរត់គេចខ្លួន ប៉ុន្តែក្រោយការតាមប្រមាញ់អស់ពេលច្រើនម៉ាងទាំងយប់ងងឹត ជននោះត្រូវប៉ូលិសបាញ់ស្លាប់ នាវេលាម៉ោង២២ម៉ោងក្នុងស្រុក។ យោងតាមកាសែតញូវយ៉កថែមថាស្នូរកាំភ្លើងចាប់ផ្ដើមលាន់ឮ នាវេលាម៉ោង១៧និង៣០នាទីម៉ោងក្នុងស្រុក។ ក្នុងសន្និសីទសារព័ត៌មានមួយប៉ូលិសនិយាយថា គេសន្និដ្ឋានដែលការបាញ់ប្រហារនេះ អាចមានការចូលរួមរបស់ជនទី២ម្នាក់ទៀត។ ពេលនេះគេកំពុងតែស្រាវជ្រាវ៕ (កែសម្រួលដោយ ៖ បុប្ផា) (ប្រភពវីដេអូ ៖ niah ㊝)
ចែករំលែកព័តមាននេះ