កាលពីពេលថ្មីៗនេះ ក្រុមហ៊ុនអុីនធើរណេតដែលកំពុងឈរឈ្មោះបោះសម្លេងអំពីសេវាកម្មរបស់ខ្លួនដែលមានឈ្មោះថា TODAY Communication បានប្រកាសជាផ្លូវការនូវទម្រង់ឡូហ្គោថ្មីដែលមានរូបរាងថ្មីប្លែក។ ទម្រង់ឡូហ្គោថ្មីនេះ ត្រូវបានកែសម្រួលឱ្យស្របទៅតាមភាពជឿនលឿន និងភាពស៊ីវិឡៃនៃបច្ចេកវិទ្យា សម័យថ្មី។ លោក…
កាលពីពេលថ្មីៗនេះ ក្រុមហ៊ុនអុីនធើរណេតដែលកំពុងឈរឈ្មោះបោះសម្លេងអំពីសេវាកម្មរបស់ខ្លួនដែលមានឈ្មោះថា TODAY Communication បានប្រកាសជាផ្លូវការនូវទម្រង់ឡូហ្គោថ្មីដែលមានរូបរាងថ្មីប្លែក។
ទម្រង់ឡូហ្គោថ្មីនេះ ត្រូវបានកែសម្រួលឱ្យស្របទៅតាមភាពជឿនលឿន និងភាពស៊ីវិឡៃនៃបច្ចេកវិទ្យា សម័យថ្មី។
លោក ចន្ធី សុធន នាយកគ្រប់គ្រងទូទៅនៃក្រុមហ៊ុនអុីនធើរណេត TODAY Communication បានពន្យល់យ៉ាងដូច្នេះថា ៖ ពាក្យថា TODAY គឺបញ្ជាក់អំពីគុណតម្លៃស្នូលនៃបុគ្គលិកនីមួយៗក្នុងការបម្រើការងារ ក្នុងក្រុមហ៊ុនដែលមានដូចជា ការធ្វើការជាក្រុម (Team) ភាពឆ្លាតវៃ (Ountstanding) ភាពថ្លៃថ្នូរ (Dignity) ភាពទទួលខុសត្រូវ (Accountability) និង យុវជនជំនាន់ក្រោយជាអាទិភាព (Youthful)។ ចំណែកពណ៌គោលទាំង៤ របស់ក្រុមហ៊ុនក៏មានអត្ថន័យនៃពណ៌នីមួយៗផងដែរ ដែលមានដូចជា ពណ៌ក្រហមបញ្ជាក់ពីភាពពុះកញ្ច្រោល ពណ៌បៃតងបញ្ជាក់ពីរួសរាយរាក់ទាក់ ពណ៌ទឹកក្រូចបញ្ជាក់ពី ភាពរីកចម្រើន និងពណ៌ប្រផេះបង្ហាញពីការអត់ធ្មត់។
លោក សុធន ក៏បានបន្ថែមទៀតថាការផ្លាស់ប្តូរទម្រង់ឡូហ្គោថ្មីនេះគឺដើម្បី
1. ផ្លាស់ប្តូរមុខមាត់ថ្មីក្នុងការប្រកួតប្រជែងលើទីផ្សារ
2. បង្កើតឱ្យមានភាពងាយស្រួលក្នុងការសម្គាល់ថាជាក្រុមហ៊ុនអុីនធើរណេត
3. បញ្ជាក់ថាក្រុមហ៊ុនយើងបន្តរអភិវឌ្ឍទៅមុខជានិច្ច
4. កំណត់ខ្លួនឯងឱ្យល្អដាច់ជាងដៃគូរប្រកួតប្រជែង
ឆ្លៀតក្នុងឱកាសនៃការដាក់ឱ្យប្រើប្រាស់ជាផ្លូវការនូវទម្រង់ឡូហ្គោថ្មីរបស់ខ្លួន ក្រុមហ៊ុនអុីនធើរណេត TODAY Communication ក៏បានធ្វើពិធីជួបជុំបុគ្គលិកដើម្បីរឹតចំណងមិត្តភាព និងបង្កើនប្រសិទ្ធភាព ការងារឱ្យកាន់តែរីកចម្រើន។
បច្ចុប្បន្នក្រុមហ៊ុនអុីនធើរណេត TODAY Communication បាននិងកំពុងគ្របដណ្តប់សេវាកម្ម របស់ខ្លួននៅតាមបណ្តាលខេត្ត-ក្រុងមួយចំនួនដូចជា រាជធានីភ្នំពេញ ខេត្តសៀមរាប ខេត្តបាត់ដំបង ក្រុងព្រះសីហនុ ក្រុងបាវិត ក្រុងតាខ្មៅ និងក្រុងប៉ោយប៉ែត។ ហើយក្នុងពេលឆាប់ៗនេះក្រុមហ៊ុននឹងបន្តពង្រីកបន្ថែមទៅតាមបណ្តាលខេត្ត-ក្រុងនានាផ្សេងទៀតទូទាំងផ្ទៃប្រទេស។
សម្រាប់ព័ត៌មានបន្ថែមសូមទំនាក់ទំនងមកកាន់ទូរសព្ទលេខ ៖ 023/070215577 ឬតាមរយៈ Facebook Messenger “TODAY ISP” ឬគេហរទំព័រ www.today.com.kh។ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ