ក្រុមហ៊ុន នភាល័យ រៀបចំកម្មវិធី «សង្ឃឹមថ្ងៃមួយ» ធ្វើឱ្យកក្រើក City Hall កោះពេជ្រ !
- ភ្នំពេញ
កាលពីថ្ងៃទី២៣ ខែកក្ដដា ឆ្នាំ ២០១៩ កន្លងទៅនេះ ក្រុមហ៊ុន នភាល័យ បានរៀបចំកម្មវិធីដ៏ ពិសេស «Don’t…
កាលពីថ្ងៃទី២៣ ខែកក្ដដា ឆ្នាំ ២០១៩ កន្លងទៅនេះ ក្រុមហ៊ុន នភាល័យ បានរៀបចំកម្មវិធីដ៏ ពិសេស «Don’t…
កាលពីថ្ងៃទី២៣ ខែកក្ដដា ឆ្នាំ ២០១៩ កន្លងទៅនេះ ក្រុមហ៊ុន នភាល័យ បានរៀបចំកម្មវិធីដ៏ ពិសេស «Don’t give up your dream» ឬ «សង្ឃឹមថ្ងៃមួយ» នៅ City Hall កោះពេជ្រ ដែល ប្រារព្ធឡើងក្នុងគោលបំណងចូលរួមចំណែកជួយដល់សង្គមក្នុងការអភិរក្ស និងអភិវឌ្ឍវិស័យ សិល្បៈវប្បធម៌ជាតិខ្មែរឱ្យមានជីវិតរស់រវើក តាមរយៈការផ្តល់ឱកាសដល់សិល្បករ សិល្បការិនីដែលជាមរតកមនុស្សរស់ ក៏ដូចជាសិល្បករវ័យក្មេងជំនាន់ក្រោយឱ្យបានចូល រួមកាន់តែសកម្ម ។
កម្មវិធីដ៏ឱឡារឹកនោះ បានប្រារព្ធឡើងក្រោមវត្តមានដ៏ខ្ពង់ខ្ពស់ពីឯកឧត្តម ព្រឿង ឈៀង ទីប្រឹក្សាក្រសួងវប្បធម៌ និងវិចិត្រសិល្បៈ ព្រមទាំងសិល្បករ-ការិនីទាំងជំនាន់មុន និងជំនាន់ក្រោយជាច្រើនរូប ។ ក្នុងនាមជាប្រធានក្រុមហ៊ុននភាល័យ លោក សែជូ សេរីវឌ្ឍនា បានខិតខំប្រឹងប្រែងអស់ពីកម្លាំងកាយចិត្តដើម្បីជួយថែរក្សាអត្តសញ្ញាណវប្បធម៌ជាតិឱ្យបានគង់វង្សទៅអ្នកជំនាន់ក្រោយ ជាពិសេសអាចផ្សព្វផ្សាយ អប់រំសិល្បៈវប្បធម៌ខ្មែរឱ្យកាន់តែ ទូលំទូលាយដល់សាធារណជន ។
នេះជាលើកទីពីរហើយដែលក្រុមហ៊ុន នភាល័យ បានរៀបចំកម្មវិធីក្រោមប្រធានបទ «តកញ្ញូចំពោះវប្បធម៌» នេះឡើង ដោយលើកទីមួយ គឺការប្រារព្ធពិធីក្រុងពាលីនៅថ្ងៃទី០៩ ខែកក្កដា ឆ្នាំ២០១៩ ក្នុងបុរីជីបម៉ុងលែន គេហដ្ឋានរបស់ប្រធានក្រុមហ៊ុន នភាល័យ ផ្ទាល់ ។ ដោយឡែកក្នុងកម្មវិធីលើកទីពីរនេះ នភាល័យ បានរៀបចំតុបតែងលម្អជាមួយផ្កាចម្រុះ ពណ៌បែបទម្រង់សិល្បៈបុរាណលាយសម័យ មានក្បូរក្បាច់ចរនាយ៉ាងប្រណីត អមជាមួយ ការសម្ដែងផ្ទាំងទស្សនីយភាព ទាំងចម្រៀងបុរាណ និងសម័យយ៉ាងជក់ចិត្ត ។
ទន្ទឹមនឹងនេះ កម្មវិធីទាំងមូលបានប្រព្រឹត្តទៅយ៉ាងរលូន និងសប្បាយរីករាយជាទីបំផុត ដោយមានការរាំច្រៀងពីសំណាក់សិល្បករបុរាណ និងសម័យយ៉ាងផុសផុល ធ្វើឱ្យកក្រើក City Hall កោះពេជ្រកាលពីរាត្រីថ្ងៃទី២៣ កក្កដា កន្លងទៅ ។
គួរបញ្ជាក់ដែរថា ក្រុមហ៊ុន នភាល័យ គឺជាក្រុមហ៊ុនមួយក្នុងចំណោមក្រុមហ៊ុនទាំងបី រួមមាន ក្រុមហ៊ុន ឡាក់វ៉ា ឌីហ្សាញ ព្រីនធីង អេន អេតវើថាយស៊ីង និងក្រុមហ៊ុន ពលវ: អ៊ីមផត អ៊ិចផត ខូអិលធីឌី ដែលត្រូវបានបង្កើតឡើងដោយយុវជនខ្មែរបីរូប រួមមាន លោក សែជូ សេរីវឌ្ឍនា លោក ជីវ៉ា និងលោក ហេង ច័ន្ទណារ៉េត ដើម្បីធ្វើការសិក្សា និង បង្ហាញពីរថយន្តគ្រប់ប្រភេទតាមរយៈវីដេអូដែលបង្ហោះលើបណ្តាញសង្គមហ្វេសប៊ុក ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ