ខេត្តព្រះសីហនុ ៖ តាមសេចក្តីរាយការណ៍បឋមបានឱ្យដឹងថា មានករណីហិង្សាមួយបានកើតឡើង ដោយមិនដឹងថាផ្តើមចេញពីរឿងអ្វីនោះ ទេ ស្រាប់តែគេឃើញបុរសម្នាក់ជាជនរងគ្រោះរករឿងវាយបុរសម្នាក់ទៀតជាជនសង្ស័យ ហើយក៏ត្រូវបុរសជាជនសង្ស័យនោះយកកាំបិតប៉័ងតោគ្រវៀសត្រូវចំ.កបុរសរងគ្រោះ បណ្តាលឱ្យរងរបួសធ្ងន់ហូរឈាមស្រោចខ្លួន ។
ហេតុការណ៍ខាងលើនេះបានកើតឡើងកាលពីវេលាម៉ោង១និង៥០នាទីរសៀលថ្ងៃទី២៨ កក្កដា ឆ្នាំ២០១៩ នៅចំណុចភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ ។
សង្ស័យម្នាក់ខាងលើឈ្មោះ ប៉ោយ៉ែន ភេទប្រុស អាយុ៤៤ឆ្នាំ មុខរបរកម្មករសំណង់ ស្នាក់នៅក្នុងភូមិឃុំកើតហេតុខាងលើ ។ ចំណែកជនរងគ្រោះឈ្មោះ រឹម ចិត ភេទប្រុស អាយុ២៥ឆ្នាំ មុខរបរមេការសំណង់ ស្នាក់នៅភូមិឃុំកើតហេតុ បានរងរបួសធ្ងន់ហូរឈាមស្រោចខ្លួន ។
ក្រោយពេលកើតហេតុ ជនរងគ្រោះត្រូវបានគេបញ្ជូនទៅសង្គ្រោះនៅមន្ទីរពេទ្យ៨៨៨ខេត្តព្រះសីហនុ រីឯជនសង្ស័យត្រូវបានសមត្ថកិច្ចឃាត់ខ្លួនដើម្បីកសាងសំណុំរឿងចាត់ការតាមនីតិវិធី ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ