ខេត្តបន្ទាយមានជ័យ ៖ ខេត្តបន្ទាយមានជ័យរយៈពេល៧ខែ ឆ្នាំ២០១៩នេះ រងគ្រោះដោយខ្យល់កន្ត្រាក់ខូចខាតផ្ទះសម្បែង២៣៧ខ្នង របួស០៩នាក់ ស្លាប់៦នាក់ និងជួបគ្រោះរាំងស្ងួតប៉ះពាល់២៥.២៨៤ហិកតា យោងតាមរបាយការណ៍គណៈកម្មាធិការគ្រប់គ្រងគ្រោះមន្តរាយខេត្តក្នុងកិច្ចប្រជុំនៅថ្ងៃទី២៦ ខែកក្កដា…
ខេត្តបន្ទាយមានជ័យ ៖ ខេត្តបន្ទាយមានជ័យរយៈពេល៧ខែ ឆ្នាំ២០១៩នេះ រងគ្រោះដោយខ្យល់កន្ត្រាក់ខូចខាតផ្ទះសម្បែង២៣៧ខ្នង របួស០៩នាក់ ស្លាប់៦នាក់ និងជួបគ្រោះរាំងស្ងួតប៉ះពាល់២៥.២៨៤ហិកតា យោងតាមរបាយការណ៍គណៈកម្មាធិការគ្រប់គ្រងគ្រោះមន្តរាយខេត្តក្នុងកិច្ចប្រជុំនៅថ្ងៃទី២៦ ខែកក្កដា ឆ្នាំ២០១៩ នៅសាលប្រជុំសាលាខេត្តបន្ទាយមានជ័យ ។
លោក អ៊ុ រាត្រី អភិបាលខេត្ត និងជាប្រធានគណៈកម្មាធិការគ្រប់គ្រងគ្រោះមហន្តរាយខេត្តបន្ទាយមានជ័យបានមានប្រសាសន៍រាយការណ៍ថា ខេត្តបន្ទាយមានជ័យរយៈពេល៧ខែ ក្នុងឆ្នាំ២០១៩នេះ គ្រោះមហន្តរាយដែលកើតឡើងដោយខ្យល់កន្ត្រាក់កើតឡើង២៥ករណី ប៉ះពាល់លើ៩ស្រុក-ក្រុង បណ្តាលអោយខូចខាតលំនៅដ្ឋានប្រជាពលរដ្ឋចំនួន២.២៧២គ្រួសារ និងខ្នងផ្ទះខូចខាតធ្ងន់ចំនួន២៣៧ខ្នង និងរបួស៩នាក់របើកស័ង្កសីចំនួន៣១.៤៨១សន្លឹក សីប្រូក្បឿង៣៩០សន្លឹក សាលារៀន១៦ខ្នង កុដិព្រះសង្ឃ៤ខ្នង សាលាឆទាន១ខ្នង រោងចិញ្ចឹមត្រី១កន្លែង រោងបណ្តុះផ្សិត១កន្លែង រោងដាក់ត្រាក់ទ័រ២កន្លែង រោងម៉ាស៊ីនកិនស្រូវ១កន្លែង និងខូចខាតសម្ភារមួយចំនួន ។
ដោយឡែករន្ទះបាញ់៧លើក ស្លាប់៦នាក់ របួស៤នាក់ រងគ្រោះដោយអគ្គិភ័យ១៩លើក ឆេះផ្ទះ១៨ខ្នង តូបក្នុងផ្សារ៦៨តូប របួសមនុស្ស១នាក់ និងខូចខាតសម្ភារករណីលង់ទឹក៩លើកស្មើ១៤គ្រួសារ ស្លាប់១៥នាក់ រងគ្រោះដោយគ្រាប់មីន៣លើក បណ្តាលស្លាប់៥នាក់ ។
លោកបានបញ្ជាក់ថា នៅចុងខែមិថុនា ឆ្នាំ២០១៩កន្លងមករងគ្រោះរាំងស្ងួត បណ្តាលប៉ះពាល់មានផ្ទៃដី២៥.២៨៤ហិកតា មានស្រុកមង្គលបូរី ព្រះនេត្រព្រះអូរជ្រៅ ថ្មពួក ក្រុងសិរីសោភ័ណនិងប៉ោយប៉ែតលើផ្ទៃដីដាំដុះសរុបចំនួន២៣៤.៩៦៤ហិកតា ស្រូវស្រាល៩.៣៦៥ហិកតា ស្រូវដើមរដូវវស្សា៨.៣៩១ហិកតា ស្រូវកណ្តាល១៤.៥៧៦ហិកតា ស្រូវធ្ងន់១.៣៤៣ហិកតា គិតត្រឹមថ្ងៃទី២២ ខែកក្កដា ឆ្នាំ២០១៩ ។
លោក គន់ គីម ទេសរដ្ឋមន្ត្រីទទួលបន្ទុកបេសកម្មពិសេស និងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយបានមានប្រសាសន៍ថា គណៈប្រតិភូគណៈកម្មាធិការជាតិគ្រប់គ្រងគ្រោះមហន្តរាយដែលរួមដំណើរមានលោក ឡាំ ហេងហួត អនុប្រធានគណៈកម្មាធិការជាតិគ្រប់គ្រងគ្រោះមហន្តរាយរួមសមាជិកបានចុះពិនិត្យការងារត្រៀមបង្ការ និងសង្គ្រោះគ្រោះមហន្តរាយនេះឃើញថា ក្រោយមានគ្រោះដោយធម្មជាតិមានគ្រោះដោយខ្យល់កន្ត្រាក់ផ្ទះសំបែងប្រជាពលរដ្ឋ និងគ្រោះរាំងស្ងួតបានប៉ះពាល់ដល់ដល់ស្រូវប្រជាកសិករ ។
លោកបានណែនាំដល់អាជ្ញាធរខេត្ត និងស្រុក-ក្រុងមន្ទីរជំនាញពាក់ព័ន្ធត្រូវចុះស្រង់ស្ថិតិអោយបានច្បាស់លាស់ ជាក់ស្តែងដែលរងគ្រោះដោយរាំងស្ងួត ដើម្បីធ្វើរបាយការជូនថ្នាក់ជាតិ និងត្រៀបបង្ការ និងសង្គ្រោះដល់ស្រូវដែលកំពុងរងគ្រោះ និងប្រឈមត្រូវដោះស្រាយអោយបានទាន់ពេលនេះ ជាការណែនាំពីប្រមុខរាជរដ្ឋាភិបាលកម្ពុជាដែលមានសម្តេចតេជោហ៊ុន សែន កំពុងយកចិត្តទុកដាក់ចំពោះប្រជាកសិករដែលកំពុងរគ្រោះដោយធម្មជាតិ ៕ កែសម្រួលដោយ ៖ សុឃាក់
ចែករំលែកព័តមាននេះ