ខេត្តស្វាយរៀង ៖ បើតាមសេចក្តីរាយការណ៍បឋមបានឱ្យដឹងថា ប្រជាពលរដ្ឋឃុំប្រសូត្រនៅតែមានភាពភ័យខ្លាច ដោយពួកគាត់ភ្ជួរស្រែ និងកាយដីធ្វើរបងលំនៅឋានក៏ជួបប្រទះឃើញគ្រាប់មិនទាន់ផ្ទុះ រួមមានគ្រាប់ផ្លោងគ្រាប់ណាប៉ាល់ ទម្លាក់ពីលើយន្តហោះ និងគ្រាប់មីន៦៩ ដែលសល់ពីសម័យសង្គ្រាម…
ខេត្តស្វាយរៀង ៖ បើតាមសេចក្តីរាយការណ៍បឋមបានឱ្យដឹងថា ប្រជាពលរដ្ឋឃុំប្រសូត្រនៅតែមានភាពភ័យខ្លាច ដោយពួកគាត់ភ្ជួរស្រែ និងកាយដីធ្វើរបងលំនៅឋានក៏ជួបប្រទះឃើញគ្រាប់មិនទាន់ផ្ទុះ រួមមានគ្រាប់ផ្លោងគ្រាប់ណាប៉ាល់ ទម្លាក់ពីលើយន្តហោះ និងគ្រាប់មីន៦៩ ដែលសល់ពីសម័យសង្គ្រាម ធ្វើឲ្យពួកគាត់មានការភ័យខ្លាចពីសុវត្ថិភាពគ្រួសាររបស់ពួកគាត់។
បើតាមមន្ត្រីនគបាលប៉ុស្ត៍រដ្ឋបាលឃុំប្រសូត្របានឲ្យដឹងថា ដោយប្រជាពលរដ្ឋប្រទះឃើញគ្រាប់មិនទានផ្ទុះជាបន្តបន្ទាប់ លោកមេឃុំបានរាយការណ៍ទៅលោកអភិបាលស្រុក ហើយក៏បានរាយការណ៍ទៅខេត្ត នៅថ្ងៃទី២៤ ខែកក្កដានេះ ដោយលោកតូច ប៉ូលីវ៉ា អភិបាលរងខេត្តបានស្នើទៅអង្គការ CMAC ឲ្យចុះទៅពិនិត្យមើល។
មន្ត្រីស៊ីម៉ាក់ក៏បានចុះទៅដល់កន្លែងកើតហេតុ ហើយបានយកគ្រាប់យុទ្ធភ័ណ្ឌមិនទាន់ផ្ទុះចំនួន៦គ្រាប់ជាបន្តបន្ទាប់ គឺស្ថិតនៅភូមិទួលត្របែក ចំនួន២គ្រាប់គី គឺគ្រាប់មីន៦៩ ចំនួន១គ្រាប់ និងគ្រាប់កំភ្លើងត្បាល់៦០មីលីម៉ែត្រ ១គ្រាប់, ភូមិពោធិវង្ស គ្រាប់កាំភ្លើងត្បាល់ ៦០មីលីម៉ែត្រ ចំនួន៣គ្រាប់ និងភូមិព្រៃទទឹងឃុំប្រសូត្រគ្រាប់ទម្លាក់ពីលើយន្តហោះចំនួន១គ្រាប់។
ប្រភពដដែលបន្តទៀតថា រហូតមកដល់ថ្ងៃទី២៧ កក្កដា ២០១៩នេះ មន្ត្រីស៊ីម៉ាក់បានធ្វើការរាវយកទៅរក្សានៅកន្លែងសុវត្ថិភាពអស់ហើយ រង់ចាំយកទៅកំទេចចោលតែប៉ុណ្ណោះ៕ (កែសម្រួលដោយ ៖ បុប្ផា)
ចែករំលែកព័តមាននេះ