បុគ្គលណាជាប់ជំពាក់ក្នុងទ្រព្យសម្បត្តិខ្លាំងពេក បុគ្គលនោះនឹងធ្វើឱ្យចិត្តលោភលន់កាន់តែខ្លាំង ពេលខ្លះក៏ហ៊ានហួងហែងអ្នកដទៃព្រោះតែទ្រព្យសម្បត្តិមាសប្រាក់ គ្មានទេសេចក្តីស្ងប់ក្នុងជីវិត ហើយក៏មិនមានសេចក្តីសុខឡើយ ។
ព្រោះឃើញទោសនៃទ្រព្យសម្បត្តិយ៉ាងនេះហើយ ព្រះបរមសាស្តាទ្រង់ដាស់តឿនដល់បុគ្គលដែលគ្រប់គ្រងទ្រព្យដោយខ្វះបញ្ញាតាមរយៈទ្រឹស្តីអប់រំយ៉ាងនេះថា ។
មាសប្រាក់ជាកិលេសធំសម្រាប់ម្ចាស់ទ្រព្យអត់បញ្ញា, ទ្រព្យសម្បត្តិជារាត្រីអន្ធការសម្រាប់ម្ចាស់ទ្រព្យអត់បញ្ញា, ទ្រព្យសម្បត្តិគឺជាអ្នកពិឃាតម្ចាស់ទ្រព្យអត់បញ្ញា, ទ្រព្យសម្បត្តិជាថ្នាំញៀនសម្រាប់ម្ចាស់ទ្រព្យអត់បញ្ញា, ទ្រព្យសម្បត្តិជាចំណងដ៏មាំសម្រាប់ម្ចាស់ទ្រព្យអត់បញ្ញា, ទ្រព្យសម្បត្តិជាជំងឺដ៏ធ្ងន់សម្រាប់ម្ចាស់ទ្រព្យអត់បញ្ញា ។
ទ្រព្យសម្បត្តិ ជាអមនុស្សកំណាចសម្រាប់ម្ចាស់ទ្រព្យអត់បញ្ញា, ទ្រព្យសម្បត្តិជាថ្នាំពិសចាំសម្លាប់ម្ចាស់ទ្រព្យអត់បញ្ញា, ទ្រព្យសម្បត្តិជាគំនរភ្លើងដ៏ធំសម្រាប់ម្ចាស់ទ្រព្យអត់បញ្ញា, ទ្រព្យសម្បត្តិជាចោរដ៏កាចសាហាវសម្រាប់ម្ចាស់ទ្រព្យអត់បញ្ញា, ទ្រព្យសម្បត្តិជាសត្រូវចាំយាយីម្ចាស់ទ្រព្យអត់បញ្ញា, ទ្រព្យសម្បត្តិជាកាំបិតដ៏មុតស្រួចសម្រាប់ប្រហារម្ចាស់ទ្រព្យអត់បញ្ញា ។
ដើម្បីបានសុខក្នុងជីវិតបុគ្គលគួររៀនអប់រំចិត្ត រៀនលះទ្រព្យមួយចំណែកធ្វើទានគឺជាការធ្វើចិត្តឲ្យទូលាយទើបរួចផុតអំពីចំណងមារ ។
ចែករំលែកព័តមាននេះ