ខេត្តតាកែវ ៖ លោកកេត ម៉ៅ អភិបាលស្រុកសំរោងអនុវត្តធម៌ក្តៅ ឈប់ធ្វើការណែនាំបន្តទៀតហើយ ក្រោយម្ចាស់ទីតាំងនៅតែហ៊ានចាក់ដីរំលោភលើផ្ទៃបឹងបទរកា ដែលជាតំបន់ហាមឃាត់ ខណៈដែលម្ចាស់ទីតាំងនៅខាងក្រោយរោងម៉ាស៊ីនផលិតទឹកកកឈ្មោះ អុី មួយ នោះ ត្រូវបានអាជ្ញាធរស្រុកធ្វើការព្រមាន និងធ្វើកិច្ចសន្យា ៣លើករួចមកហើយ តែមិនស្តាប់ឡើយ ។
ការបញ្ជាអោយឃាត់រថយន្ត និងគ្រឿងចក្រ ដែលធ្វើសកម្មភាពចាក់ដីចូលក្នុងតំបន់ហាមឃាត់នោះ គឺធ្វើឡើងក្រោមការបញ្ជាផ្ទាល់របស់លោក កេត ម៉ៅ អភិបាលស្រុកសំរោង នៅរសៀលថ្ងៃទី២៥ កក្កដា នេះ ដោយអោយកំលាំងអាវុធហត្ថស្រុកឃាត់រថយន្តចាក់ដីបាន១គ្រឿង និងអាប៊ុលរុញ១គ្រឿង ។
បើតាមសម្តីរបស់បងប្អូនប្រជាពលរដ្ឋដែលរស់នៅជិតខាងក្នុងភូមិព្រៃទទឹង ឃុំសំរោង ស្រុកសំរោង ដែលសុំមិនបញ្ចេញឈ្មោះបាននិយាយថា ជុំវិញបញ្ហាលួចចាក់ដីលុបបឹងបទរកានេះ គឺបានកើតឡើងតាំងពីជំនាន់អភិបាលស្រុកចាស់លោក ញ៉ែម ស្រស់ មកម្ល៉េះ ដែលបច្ចុប្បន្ននេះ លោកជាអភិបាលស្រុកព្រៃ កប្បាស ហើយជំនួសដោយអភិបាលស្រុកថ្មីលោក កេត ម៉ៅ ។
ពលរដ្ឋដដែលបាននិយាយទៀតថា ដីដែលចាក់លុបយកបឹងបទរកានេះ មិនមែនរាប់រយឡានដូចគេនិយាយនោះទេ គឺរាប់ពាន់ឡានឯណោះ ព្រោះបឹងមានជម្រៅជ្រៅ ហើយបានធ្វើសកម្មភាពចាក់លុបបឹងបានជាធម្មតា មិនដឹងជាគាត់មានខ្សែថ្នាក់ណាទេ ទើបជាហ៊ានបែបនេះ ។ តើអភិបាលស្រុកចាស់ ញ៉ែម ស្រស់ មានជាប់ពាក់ព័ន្ធដែរទេ?
ក្នុងនោះដែរ លោក ខាន់ សុខា អភិបាលរងខេត្តតាកែវ បានបញ្ជាក់យ៉ាងច្បាស់ថា អ្នកដែលហ៊ានចាក់ដីរំលោភបំពានលើអាងស្តុបទឹក និងបំពានលើសេចក្តីណែនាំរបស់អជ្ញាធរនោះ គឺយើងនិងអនុវត្តតាមនីតិវិធី ដោយគ្មានការយោកយល់ឡើយ និងឃាត់យករថយន្តដែលជាមធ្យោបាយដឹកដី និងគ្រឿងចាក់នោះយកមករក្សាទុក ធ្វើការផាកពិន័យទៅតាមគោលការណែនាំ ច។ ំណែកម្ចាស់ដីដែលហ៊ានបំពាននោះ ចាក់នៅត្រង់ណា ចូលតំបន់ហាមឃាត់ប៉ុន្មានម៉ែត្រ គឺត្រូវកាយចេញវិញប៉ុណ្ណឹង ហើយនិងចាត់ការតាមទៅតាមច្បាប់។
ចាំមើល៍ តើវិធានការនេះ មានប្រសិទ្ធភាពដែរ ឬគ្រាន់តែអួតយកបុង?…ហេ!…ហេ! (សម្រួលដោយ៖ ស្រីណា)
ចែករំលែកព័តមាននេះ