ខេត្តបាត់ដំបង ៖ ក្រុមកីឡាបាល់ទាត់កម្ពុជារបស់ស្នងការដ្ឋាននគរបាលខេត្តបាត់ដំបង បានប្រកួតជាមិត្តភាពជាមួយក្រុមកីឡាបាល់ទាត់នៃស្នងការដ្ឋាននគរបាលខេត្តច័ន្ទបុរី ព្រះរាជាណាចក្រថៃ នារសៀលថ្ងៃទី ២៤ ខែកក្កដា ឆ្នាំ២០១៩ បន្ទាប់ពីបានបំពេញការងារពង្រឹងកិច្ចសហប្រតិបត្តិការរួមគ្នាលើវិស័យសន្តិសុខជាមួយគ្នាពេញមួយព្រឹកនៅក្នុងស្នងការដ្ឋាននគរបាលខេត្តច័ន្ទបុរី…
ខេត្តបាត់ដំបង ៖ ក្រុមកីឡាបាល់ទាត់កម្ពុជារបស់ស្នងការដ្ឋាននគរបាលខេត្តបាត់ដំបង បានប្រកួតជាមិត្តភាពជាមួយក្រុមកីឡាបាល់ទាត់នៃស្នងការដ្ឋាននគរបាលខេត្តច័ន្ទបុរី ព្រះរាជាណាចក្រថៃ នារសៀលថ្ងៃទី ២៤ ខែកក្កដា ឆ្នាំ២០១៩ បន្ទាប់ពីបានបំពេញការងារពង្រឹងកិច្ចសហប្រតិបត្តិការរួមគ្នាលើវិស័យសន្តិសុខជាមួយគ្នាពេញមួយព្រឹកនៅក្នុងស្នងការដ្ឋាននគរបាលខេត្តច័ន្ទបុរី នៃព្រះរាជាណាចក្រថៃ រួចមក។
លោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបងបានលើកឡើងថា នេះជាលើកទី២ បន្ទាប់ពីកីឡាបាល់ទាត់របស់នគរបាលថៃបានទៅប្រកួតនៅខេត្តបាត់ដំបង ប្រទេសកម្ពុជាកាលពីឆ្នាំមុនរួចមក ហើយសំខាន់វិស័យកីឡាមិនត្រឹមតែបាន ផ្តល់នូវសុខភាពសម្រាប់យើងទាំងអស់គ្នានោះទេ កីឡាគឺជាស្ពានមិត្តភាព ដែលបាននាំយើងឲ្យទៅរកភាពស្និទ្ធស្នាល យល់ចិត្តគ្នា គោរពគ្នា ជួយគ្នាទៅវិញទៅមកនៅពេលមានអាសន្ន និងពេលជួបការលំបាក គឺយើងតែងតែជួយគ្នាជានិច្ចនៅពេលមានតម្រូវការ ។
លោកឧត្តមសេនីយ៍ត្រី វឌ្ឍនា យីជិន ស្នងការនគរបាលខេត្តចន្ទបូរី បានបន្ថែមទៀតថា យើងកំពុងតែបង្ហាញភាពជិតស្និទ្ធ ដូចបងដូចប្អូនកាន់តែច្រើនឡើងបន្ថែមទៀត គឺយើងមានគោលដៅដូចគ្នាក្នុងការធានាការពារសន្តិសុខ ជូនប្រជាជនយើងកំពុងតែរស់នៅរកស៊ីជាមួយគ្នាតាមខ្សែបន្ទាត់ព្រំដែន ។
លោកស្នងការនគរបាលខេត្តចន្ទបុរីបានបន្តថា យើងបានមកប្រកួតបាល់ទាត់ជាមួយគ្នាពេលនេះ គឺគ្មានគោលបំណងចង់ឈ្នះចាញ់អ្វីពីគ្នាឡើយ គឺយើត្រូវការឈ្នះទាំងអស់គ្នា ឈ្នះផ្នែកសុខភាពល្អ ឈ្នះលើការរួបរួមគ្នាការពារសន្តិសុខ សណ្តាប់ធ្នាប់របស់ប្រជាជនយើងនៅតាមព្រំដែន ឲ្យមានក្តីសុខ ឈ្នះការខឹងស្អប់គ្នាដោយប្រយោល មកជួបស្រឡាញ់រាប់អានគ្នាដែលមានភូមិផងរបងផ្ទះជាប់គ្នា មានប្រពៃណីដូចគ្នា កាន់វិស័យព្រះពុទ្ធសាសនាដូចគ្នា មានជីវភាពដូចៗគ្នា ដូច្នេះកីឡាបាល់ទាល់ពេលនេះបានបង្ហាញឆន្ទះ ស្មារតីដែលយើងបានរត់រកគ្នានេះ គឺយើងមានដូចគ្នាទាំងអស់ ពិតមែនតែយើងមានសញ្ជាតិខុសគ្នាមែនតែយើងមាននិស្ស័យ និងអ្វីៗទាំងអស់ដូចៗគ្នា ។
ក្រោយពេលប្រកួតបានចប់នៅវេលាម៉ោង៦ល្ងាចថ្ងៃដដែលដោយទទួលបានពិន្ទុ៣ស្មើគ្នា ហើយកម្មវិធីប្រគល់ពានរង្វាន់បានធ្វើឡើងដោយលោកស្នងការទាំងសងខាងបានបញ្ជាក់រួមគ្នាថា ជ័យជំនះពិន្ទុ៣ទល់៣នេះ គឺយើងបានឈ្នះទាំងអស់គ្នា ហើយភាគីកម្ពុជាក៏បានថ្លែងពីគំរោងឆ្នាំក្រោយ យើងបានជួបគ្នានៅក្នុងទឹកដីកម្ពុជា ដែលមានខេត្តបាត់ដំបងធ្វើជាម្ចាស់ផ្ទះម្តង ៕ (កែសម្រួលដោយ ៖ ធីតា)
ចែករំលែកព័តមាននេះ